सकाळी ९-१५ – ग्रुप क्र. १
“हल्ली कोण पण गाड्या घेतं राव”
“अरे, जागा विकून पैसे आलेले असतात ना !”
“बरोबर आहे १ रू चे १ कोटी मिळाल्यावर काय व्हायचं”
“पण सगळे दारू, किंवा पनवेल ला जातात हे पैसे , माहितिये ?”
“हं.. इनव्हेस्ट्मेंट्चं नॉलेजच नसतं यार ह्यांना”
“जागाच विकतात फटाफ़ट, सोनं का नाही घेत कुणास ठाऊक”
“त्यांचं ठीक आहे रे, पण आपल्यासारख्यांनी काय करायचं ?”
——————————————————————–
१०-१५ जिम :- ग्रुप क्र. २ :-
“काय बरेच दिवसांनी …
“जरा कामात होतो…
“चांगलं आहे, म्हणजे कामं पाहिजेतच हो
“!”
“नाहीतर हल्ली अवघडच आहे ना!
“५०,००० रू सुद्धा पुरायचे नाहीत.
“हो , हो.
“घरचा खर्च, इ.एम.आय. , गाडीचा हप्ता, इन्श्युरन्स…
“मुलांची शिक्षणं भलतीच महाग झालीयेत हल्ली.
“हो, तरी बरं बाई , मी स्वैपाक घरीच स्वत:च करते
“ऑं ? त्यापेक्षा बाई लावा , आणी तुम्ही काहीतरी प्रॉडक्टिव्ह का करत नाही ?
========================================
सकाळी ११-१५ परशुराम हॉटेल , कर्वे नगर.ग्रुप क्र. ३ :-
“१० रू.नी डिझेल वाढलं”
“आता सर्वच हळू-हळू महाग होत जाणार”
“अवघडच आहे यार कॉमन माणसाचं”
“१००० रू. गॅस झाल्यावर गरीबानं करायचं तरी काय”
“एकंदरीत काय , तर खर्च वारेमाप वाढत चाल्लेत अगदी”
——————————————————————-
ह्या सर्व संवादांच्या शेवटी एकच कॉमन वाक्य होतं :-
“इनकम वाढवण्याशिवाय पर्याय नाही”
तुमचं मत ?
प्रतिक्रिया
10 Jan 2013 - 4:46 pm | ह भ प
खरयं.. जोडधंदा पायजे राव.. शेअर ट्रेडिंग, किंवा व्यवसाय..
10 Jan 2013 - 4:54 pm | स्पा
मिळ. ली : ह्यात काथ्या कुटण्यासारखं काय आहे? सर्वांचंच एकमत आहे ह्या विषयावर
जळ. ली : IT मध्ये करियर करा , कमीत कमी कष्टात , खोर्याने पैके ओढाल.
10 Jan 2013 - 5:06 pm | गवि
छ्या.. काहीतरीच..
हे पहा जळ.लि:
"अरे काय इन्कम इन्कम.. पैसा तर साला ** पण कमावते.. आपण सगळेच कोणा ना कोणाची **. रक्त ओकून पैसा कमवायचा आणि शेवटी काय उरणार तर तडकलेली कवटी अन सावडलेली मूठभर राख.. आणि तीही आपणच काढलेली पोरं आनंदाने एखाद्या हागणदारीच्या घाटावर जाऊन पाण्यात बुडवणार.."
---------
जळ्.लि समाप्त. धागाकर्त्याने हबकू नये. संदर्भ वेगळा आहे.. :)
10 Jan 2013 - 5:55 pm | इनिगोय
अस्खलित!!
11 Jan 2013 - 2:47 am | शुचि
=)) =))
10 Jan 2013 - 5:10 pm | श्री गावसेना प्रमुख
खाणी घ्या ,पेट्रोल डिझेल विका,गॅस ब्लॅक मार्केट मध्ये विका(जास्त कार्ड घेउन्),चेन स्नेचींग चे काम करा,वाळुचे ठेके घ्या,बाबा महाराज व्हा किंवा राजकारणात या नो प्रॉब्लेम
10 Jan 2013 - 5:23 pm | १००मित्र
म्हाराज व्हनं हे सम्द्यात ब्येस बघा, हां पन सध्या त्येचात पन कांपिटिशन हाय त्येच्या xxx !
10 Jan 2013 - 5:48 pm | श्री गावसेना प्रमुख
कसली कॉम्पीटीशन ,जसे दुकानदार वाढले तसे गिर्‍हाईक(मानसीक, शारिरीक रोगी, नापास होणारे,निवडणुक लढवणारे,ज्यांची पळुन गेलीये असे) पण वाढल की राव्,
असेल लोकांना बनविन्यात दम्,
तो फिर किस बात है गम.
10 Jan 2013 - 7:59 pm | मस्त् राम
बाबा, भाई आणि शिक्षण सम्राट हे तीन लय भारी धंदे हायत! आणि कांपिटिशन म्हंटल तर त्या मुलच कोन्ताबी धंदा वाढतो असं कोणी तरी बाबान म्हनला हाये म्हणे!
10 Jan 2013 - 5:20 pm | पैसा
पैसे वाचवणे हे पैसे मिळवण्यासारखे नाही का? म्हणजे असं बघा,
उदा. क्र. १ : महाग गाडी कशाला पाहिजे? शक्य तेवढे चालत जा. गरज असेल तेव्हा इंधन किफायती गाडी वापरा. ताष्ट्रीय संपत्ती वाचवाल.
उदा. क्र. २ : गप्पाच मारायच्या असतील तर जिममधे पैसे देऊन कशाला जायला पाहिजे? पूर्वी बायका देवळात जाऊन वाती वळताना तेच करत असत. तसेही पैसे न देता घरच्या घरी व्यायाम करता येतो. शिवाय घरकाम, स्वयंपाक याला नोकर न ठेवता सगळी कामे स्वतः करा.
उदा. क्र. ३ : हॉटेल कशाला? सगळे पदार्थ घरी करा. स्वच्छ आणि चांगले खाणे थोडक्यात होऊन जाईल.
वरच्या तिन्ही उदाहरणात खर्च करायच्या जागी जायचेच कशाला? वाचलेल्या पैशांचा आणि वेळेचा उपयोग दुसर्‍या चांगल्या कारणासाठी करता येतोच की!
10 Jan 2013 - 5:27 pm | १००मित्र
जोक्स अपार्ट , पण तुमचं म्हणणं पटणेबल नक्कीच आहे.
१००० रू. जास्त मिळवायला जितके कष्ट घ्यावे लागतील, त्यापेक्षा १००० रू. फालतूचे खर्च वाचवून इझीली वाचवता येतील.
थोडक्यात काय- प्वायंटाचा मुद्दा बरोबर हाये
11 Jan 2013 - 12:21 pm | शैलेन्द्र
अस केल की अर्थ व्यवस्था मंदीत जाते.. अर्थात सध्या थोड्या मंदीची गरज आहे..
11 Jan 2013 - 6:06 pm | १००मित्र
परफेक्ट शैलेन्द्र , व्हेरी वेल शेड !
10 Jan 2013 - 5:25 pm | प्रा.डॉ.दिलीप बिरुटे
डीझेल दरवाढ्, पेट्रोल दरवाढ, गॅस दरवाढ, रेल्वेची दरवाढ, अमुक दरवाढ, धमुक दरवाढ,
वात आणलाय या दरवाढीच्या बातमींनी.
च्यायला.....कशाचे तरी दर उतरले अशी बातमी कोणी तरी आणा रे.... :)
-दिलीप बिरुटे
10 Jan 2013 - 6:14 pm | नितिन थत्ते
कायतरी माणसाचं आयुष्य स्वस्त झालंय असं ऐकलं होतं बुवा.....
10 Jan 2013 - 11:05 pm | १००मित्र
हां ! सुपारीचे रेट उतरलेत म्हणे ! ५-१० हजारात पण आजकाल गेम वाजवतात म्हणे.
11 Jan 2013 - 9:55 am | नाना चेंगट
हा ना राव. सगळं ठिक होतं न होतं तोच कुणीतरी बातमी आणतो आता प्राध्यापकांना सातवा आयोग आधीच लागू करून सहाव्याचा आणि सातव्याचा फरक आगाऊ देणार आहेत... ढ्ण्ण,... परत सगळे भाव वाढतात रप्कन !!
च्यामारी प्राध्यापकच व्हावं आता महागाईवर मात करायला !! हाकानाका
11 Jan 2013 - 12:37 pm | शैलेन्द्र
प्रा होणे हल्ली हाकानाका नाही राहीलेलं. नुस्त प्रा डॉ असूनही नाही चालत.. नेट सेटची भानगड आहे..
11 Jan 2013 - 6:13 pm | १००मित्र
एकदम बेश्ट धन्दा ! आमच्या एक ओळखीचे प्रा. त्यांचे जो[वि]डधन्दे खालीलप्रमाणे :-
१. पुस्तके लिहून छापणे , विकणे
२. ट्युशन्स
३. त्यांनी एक हॉटेल पण चालवायचे, ते बोंबललं
सदर प्रां.ना ह्या सगळ्या कामाचा भयंकर थकवा येतो, त्यामुळे आठवड्यातील एका ठराविक वारी ते नियमित पणे शिणवटा काढण्यासाठी "औषध" घेतात आणी मधून मधून थायलंड ला वगैरे पण जातात
काय करणार ....! महागाई फारच वाढत चाल्लीये ना यार !
11 Jan 2013 - 6:18 pm | गवि
हे तर काहीच नाही, आमच्या कोंकणात तर आमचे शिक्षक एकाचवेळी घरी बनवलेल्या केरसुण्या, ओव्याचा अर्क आणि परकर विकायचे.
अन्य काही विजोडधंद्यांना तर तोड नाही.
पण सर्वात लाजवाब पाटी जी पाहिली आहे ती इथे उल्लेखतो: "आमचे येथे देव, कोळसा व पँट चेन्स मिळतील."
येस्स.. देवांच्या मूर्ती, कोळसा आणि पँटच्या सुट्या झिप्स.. आता बोला..!!
12 Jan 2013 - 1:57 pm | १००मित्र
गवि,
पुण्यात सर्रास दुकानं दिसतात :-
"रद्दी व नारळ केंद्र "
ह्या काय भानगड असा वो ?
12 Jan 2013 - 9:02 am | श्री गावसेना प्रमुख
महिला प्राध्यापीका ब्युटी पार्लर्,त्याचे क्लासेस्,शिवणकामाचे क्लासेस,पापड्,दाळीचे वडे,कुरडया विकणे असे साईड बिजनेस करु शकतात.
10 Jan 2013 - 8:20 pm | तिमा
कोल्हापुरात अंत्यविधी फुकट करून देतात म्हणे मुण्सिपाल्टीवाले.
11 Jan 2013 - 2:49 am | शुचि
कोणतीही खरेदी १० नाही १००० वेळा विचार करुन करा. गरजा अल्प ठेवा.
11 Jan 2013 - 11:06 am | कॅप्टन जॅक स्पॅरो
भगवे कपडे विकत घ्या, हिमालयाला चला. सामुहिक संन्यास घ्यायची वेळ आली आहे. गर्दी होऊ नये म्हणुन नर्मदा परिक्रमा, गंगास्नान, तिर्थ दर्शन वैगरे उपाय सुद्धा आहेत. पण रेल्वे नी प्रवास टाळा, त्यांन्नी पण केली आहे भाव-वाढ. चालत जावा. निम्म्या यात्रेत "कैलास" नक्की दिसेलच.
11 Jan 2013 - 12:07 pm | सूड
आमचं मत जाणून घेऊन त्याचा तुम्ही काय उपयोग करणार आहात ते सांगा आधी, मग देतो प्रतिक्रिया. कसें ?
12 Jan 2013 - 1:59 pm | १००मित्र
हं .....
तेवढाच काय साइड बिझनेस सेट झाला तर .....
11 Jan 2013 - 1:22 pm | चौकटराजा
अर्थ तज्ञाचे एकच काम असते. त्याला फार अक्कल लागत नाही. आपण उगीचच मनमोहन सिंग अहलूवालोया ई चे गोडवे गातो. हा तर काय सांगत होतो. अर्थ तज्ञाचे एकच काम. सरकारी तिजोरीतून बाहेर गेलेला पैसा या ना त्यामार्गाने परत आणणे. मग आयकराच्या दरात सवलत देणे लांबणीव्रर टाका. सबसिड्या कमी करा. काटकसर करता येण्यासाख्या वस्तू उदा. पेट्रोल, दारू, सिगरेट, डिझेल , वीज, जुगार, लांबचा प्रवास महाग करा. त्यावरचे कर वाढवा. सेक्शन ८० द्वारे मध्यम वर्गीयाची दिशाभूल करा.
मनमोहन सिंग यांच्या निष्ठेवर शंका घ्यायला जागाच नाही. वरील उपाय ते करीत आहेत. कारण लोकांकडे पैसा आहेच.
फक्त ते स्वत: सचिन तेंडूलकर , मुकेश अंबानी व मी यांच्या आयकराची स्लॅब एकच करायचा त्यांचा यापुढील मनसुबा आहे की काय ते न कळे !
11 Jan 2013 - 3:15 pm | श्रिया
एखादी गोष्ट खूप परिचयाची झाली किंवा सतत घडू लागली की तिचे महत्त्व कमी कमी होत जाते.सध्याच्या महागाईविषयी असेच करण्याचा सरकारचा हेतू असावा का? "अतिपरिचयात अवज्ञा"!!
11 Jan 2013 - 7:38 pm | शुचि
श्रिया आपले प्रतिसाद मला आवडतात. वेगळाच अँगल (दृष्टीकोन) मांडता तुम्ही. :)