नको बोलु बाबा काही
नको सांगु काही
रडवेली लेक तुझी
सांग कुठवर जाई
हातानी तुझ्या जेंव्हा
मला भरवला घास
कामामध्ये असे तुझ्या
फक्त माझाच ध्यास
कसे विसरेल बाबा
तुझी करुण कहानी
फाटलेल्या सदर्यात
विनलेली नाती
धुळीमधी माखलेली
तुझी जिंदगाणी
आधाराची परि माझ्या
प्रेमाची सावली
अंगणात विसावता
मायेची अंगाई
वेड्या या पोरीची
बाबा तुच विठाई
प्राजक्ताच्या सड्यामध्ये
होती ओघळली कविता
सासराला जाताना
तुझी रडवेली बोली
फाटक्या या संसाराला
ठिगळाची घाई
दूराव्याच्या अंतरात
जीव जाळीत राहि
नको बोलु बाबा काही
नको सांगु काही
रडवेली लेक तुझी
सांग कुठवर जाई
रडवेली लेक तुझी
सांग कुठवर जाई !!
- शब्दमेघ ( ४ मार्च २०११)
प्रतिक्रिया
4 Mar 2011 - 12:35 pm | पियुशा
छान सुन्दर हो!:)
4 Mar 2011 - 12:49 pm | मिसळलेला काव्यप्रेमी
प्राजक्ताच्या सड्यामध्ये
होती ओघळली कविता
सासराला जाताना
तुझी रडवेली बोली
फाटक्या या संसाराला
ठिगळाची घाई
दूराव्याच्या अंतरात
जीव जाळीत राहि
हा कळस आहे.... खुप सुंदर......
5 Mar 2011 - 11:08 am | हरिप्रिया_
दोन्ही कविता सुंदर...
मस्तच...
5 Mar 2011 - 3:23 pm | ज्ञानराम
अप्रतिम....
19 Apr 2011 - 10:34 pm | गणेशा
मनापासुन आभार सर्वांचे .....
7 Mar 2011 - 5:42 pm | पूनम १
खुप सुंदर :) आवड्ली