जे गाणं ऐकल्यावर अर्धा किलो झंडूबाम खावून जीव द्यावा असं वाटलं , त्या गाण्यावर नृत्य करणार्या रबरी माकडहाडवाल्या मलैका अरोरा खान यांना सादर समर्पित :
विचित्र खाज दाटली , अभद्र ही तिथी,
मंदमती हात हे रिमोट शोधती,
दोन प्रहरी का गं उगी टिव्ही लावला ?
बाम लावला ग सखे बाम लावला.
गौरांगी वस्त्र शोधी अधीर लोचने,
बुबळातुन धूर निघे मुन्नीदर्शने,
बदनामीचा जणू इव्हेंट जाहला.
बाम लावला ग सखे बाम लावला.
गच्चीवर बैल दिसे , हाती वारूणी,
हंबरते म्हैस येथ उघडी अंगणी,
सभोवार रेड्यांचा डान्स चालला
बाम लावला ग सखे बाम लावला.
मारूनिया फाट्यावर सारी वैद्यके,
आद्यवैद्य जाहलीस तुच मदनिके,
भाळीचा बाम तु नितंबी लाविला,
बाम लावला ग सखे बाम लावला.
गीतसागरात मुन्नीमेरु घुसळिला,
आडमाप खान जणु शेष जाहला,
चौदावे रत्न झंडुबाम गावला .
बाम लावला ग सखे बाम लावला.
प्रतिक्रिया
11 Sep 2010 - 12:34 pm | राजेश घासकडवी
वा. डारलिंग तेरेलिये ची टिंगल करण्यासाठी खुद्द रामजन्माच्या गाण्याचा आधार. कल्पनाच आवडली.
हे मनाला भिडलं.
11 Sep 2010 - 12:42 pm | Nile
काय एकेक उपमा दिल्यात राव, धमाल!!
हे ब्येस!
11 Sep 2010 - 12:47 pm | मितान
हाहाहाहाहाहाहाहा..........
मस्त ! झकास !
आता ते गाणं ऐकावं लागेल ( की बघावं लागेल ? ) ;)
11 Sep 2010 - 6:21 pm | चतुरंग
बामा बामी मस्त केलीये! ;)
चतुरंग बाम
12 Sep 2010 - 3:32 am | पुष्करिणी
भारीच आहे !
सल्लूलाही आडमाप रेड्याची उपमा सह्हीच
12 Sep 2010 - 9:24 am | अविनाशकुलकर्णी
गौरांगी वस्त्र शोधी अधीर लोचने,
बुबळातुन धूर निघे मुन्नीदर्शने,
बदनामीचा जणू इव्हेंट जाहला.
बाम लावला ग सखे बाम लावला.
मस्त
12 Sep 2010 - 9:33 am | चिंतामणी
मिपावर आता "इनो" पाठोपाठ "बाम" येणार बहुतेक.
12 Sep 2010 - 10:36 am | चिगो
गाण्यामुळे होऊ शकणारा मनस्ताप लक्षात घेऊनच "बाम"चा उल्लेख्ख केला असेल..
झक्कास जमलीय कविता...