फॉर्च्युन डिजाईन

पकाशेट वेळ जात नाहिये का?

--अवलिया

उपक्रमवर घेतलेल्या चाचणी निष्कर्ष समजून घेतलेले असल्यामुळे ते भविष्य कथन, कुंडल्या, भाकितं यावर विश्वास ठेवायचा नाही इतके आम्हाला कळले आहे.

>>विधानसभानिवडणुका व ज्योतिषांचे अंदाज
हे बेष्ट आहे.उमेदवारांच्या ज्योतिषांना कुंडल्या द्यायच्या ( पण त्या तरी खर्‍या असतील का ) आणि त्यावरुन कोणत्या विधानसभा मतदार संघातून कोण निवडून येईल हे त्यांनी सांगायचे. आणि कितीच्या फरकाने निवडून येईल, किंवा कोण किती मतांनी पराभूत होईल हे सांगायचे, का ज्योतिषांना अवघड होईल ?

-दिलीप बिरुटे

"फॉर्च्यून डिझाईन" ह्या शीर्षकावरून प्रकाशकाका कोंबडेच झुंजवतात असे नाही, तर "आ बैल, मुझे मार" पण अधून मधून करतात, असे मानण्यास प्रत्यवाय नसावा.

बैलपोळ्याच्या शुभेच्छा !

-- मिसळभोक्ता

मला काही प्रश्न विचारायचे आहेत.

१. दुवा क्र. १ मध्ये दिल्यानुसार
"This was done using standard
software by one of us (PG) who possessed
enough experience in astrology, having
been a practising astrologer a few years
back."

आपण स्वतः फलज्योतिषाची practice केली आहे काही वर्षे, मग तुम्ही स्वतः त्या दोनशे पत्रिका तयार केल्यानंतर त्यांचा अभ्यास केलात का? नियत्कालिकात छापण्यासाठी नव्हे, पण एक अभ्यास म्हणून तुमची काय निरीक्षणं होती पत्रिकांबद्दल, ते ऐकायला आवडेल.

२. "इंटलेक्च्युअली ब्राइट" आणि "मेंटली रिटार्डेड" या शब्दांच्या संज्ञा आणि सीमारेषांबद्दल अधिक माहिती हवी आहे. मेरिटमध्ये येणारा विद्यार्थी इंटलेक्च्युअली ब्राईट आणि नापास झालेला रिटार्डेड अशी संज्ञा आहे का? की त्यापेक्षा अधिक व्यापक संज्ञा आहे? व्यापक असल्यास व्याप्ती किती?

इंटलेक्च्युअली ब्राईट लोकं अतिविचारांमुळे मेंटली रिटार्डेड होण्याचा संभवही असतो. त्यामुळे वैज्ञानिक भाषेत सांगायचं तर these two sets are not truely orthogonal.

३. ज्या फलज्योतिषांनी पत्रिकांचा अभ्यास केला, त्यांतली कारणमीमांसा वगैरे उपलब्ध आहे का?
उदा. ज्यांच्या मते पत्रिका क्र. क्ष मतिमंद व्यक्तीची आहे त्या सर्व ज्योतिषांनी कोणकोणत्या निकषांवरून हे अनुमान काढलं? (व अशाचप्रकारे इतर अनुमान काढण्यामागे फलज्योतिषाच्या अंगाने काय दृष्टीकोण होता?)

४. दुवा क्र. १ मध्ये प्रस्तुत केलेल्या निबंधाच्या लेखकांमध्ये केवळ "चिकित्सक(?) अभ्यास" या हेतूने चार व्यक्ती एकत्र आल्या आहेत. त्यांची कार्यक्षेत्रे इतकी भिन्न आहेत, की एकमेकांशी संवाद साधताना एकमेकांच्या क्षेत्रातले superfine details समजणं शक्य आहे का याबद्दल मला शंका आहे. फलज्योतिषाची प्रॅक्टिस तुम्ही स्वतः केली असली, तरी खुद्द ज्योतिर्गणिताचा अभ्यास असलेल्या डॉ. नारळीकरांनी त्याचा अभ्यास केला आहे का, याबद्दल खुलासा झालेला नाही.
[Physics आणि Theoretical Chemistry (which is very close to Physics) या क्षेत्रातल्या दोन व्यक्ती नियत्कालिकांमध्ये प्रकाशित करतात, तेव्हासुद्धा एकमेकांच्या क्षेत्रातले काही मुद्दे एकमेकांना पटवून द्यायला वेळ लागतो, कारण physics आणि chemistry च्या भाषेमधला (किंवा विचारशैलीतला) फरक संवाद साधाण्यामध्ये अडचणी निर्माण करतो.]

आपला,
(उत्तराभिलाषी) प्रशांत
---------
मी 'देव'प्रुफ कवितासुद्धा करतो. :? :)
माझा ब्लॉग - लेखणीतली शाई

सहा-आठ म्हणजे षडाष्टक. असा योग असलेल्या जोडीदारांचे एकमेकाशी पटत नाही अशी समजूत आहे. षडाष्टक शब्दामागे मृत्यू हा शब्द जोडला म्हणजे एकदम दहशत निर्माण होते.

षडाष्टकाला "मृत्युषडाष्टक" केव्हा म्हणतात व "प्रीतीषडाष्टक" केव्हा म्हणतात या गोष्टी well defined आहेत. तुमची वरील वाक्ये निश्चितच misleading आहेत. अर्थात, तुमच्या त्रुटी काढण्याला जर तुम्ही "चिकित्सक अभ्यासाला विरोध" म्हणत असाल, तर माझा नाईलाज आहे.

आता ज्योतिषशास्त्रात नसलेल्या गोष्टी घुसडुन अनेक ज्योतिषीच ज्योतिषशास्त्राची बदमानामीच करत असतात असे काही सुज्ञ ज्योतिषांनाच वाटत. यावर ज्योतिषांपासुन सावधान असा ज्योतिषी श्री श्री भट यांचा एक लेख आहे. तसेच काही माहीती व दा भट यांची अखिल भारतीय ज्योतिष संमेलन, सोलापूर २००१ च्य निमित्ताने येथे पहावयास मिळेल (आमच्या भाष्यासह)

याबद्दल दुमत नाहीये. पण याचा अर्थ चिकित्सात्मक अभ्यास करताना "misleading statements करणे माफ" असं होत नाही.

फलज्योतिषात अंतर्गत विसंगती आहेत हे मी नाकारत नाही. पण त्या विसंगती शोधताना पदरचं टाकण्यात येऊ नये ही अपेक्षा आहे. फलज्योतिषात आहे की नाही, हे तपासणं वेगळं आणि त्याला थोतांड म्हणून सिद्ध करत बसणं वेगळं. :)

असो.
आपला,
(मिपाकर) प्रशांत
---------
मी 'देव'प्रुफ कवितासुद्धा करतो. :? :)
माझा ब्लॉग - लेखणीतली शाई

ज्योतिषांना तेच हवे असते. ते अशी समजूत घालतात की मृत्यू शब्दाचा अर्थ वैवाहिक सुखाचा मृत्यू असा घ्यायचा. हाच अर्थ शास्त्रकारांना अभिप्रेत आहे. ज्योतिष्यांचे एकूण धोरण काय तर विवाह या गोष्टीसंबंधात मंगळ, मृत्यूषडाष्टक, एकनाड असे काहीतरी प्रश्न वा अडचणी आपणच आधी निर्माण करायच्या व आपणच त्याला 'शास्त्राधार` देउन मार्गदर्शन करण्याचा आव आणायचा व स्वत:च्या तुमड्या भरायच्या.

अशाप्रकारे अतिरिक्त वाक्ये टाकल्याने "फलज्योतिष थोतांड आहे" या मुद्द्याकडे mislead करण्याचा आपण प्रयत्न केल्याचा वास येतो. वास्तविक या वाक्यांच्या आधीच प्रश्नाचं उत्तर पूर्ण झालेलं होतं.

The thing is, the flow of your text was projected towards your presumed conclusions. याला चिकित्सात्मक अभ्यास/संशोधन म्हणत नाहीत.

आपला,
(परखड) प्रशांत
---------
मी 'देव'प्रुफ कवितासुद्धा करतो. :? :)
माझा ब्लॉग - लेखणीतली शाई

अपप्रवृत्तीवर प्रहार करू नये असंही माझं म्हणणं नाही. पण "फलज्योतिषातील अपप्रवृत्तीवर प्रहार" आणि "फलज्योतिषावर चिकित्सक अभ्यास/संशोधन" या गोष्टी भिन्न आहेत.
पुस्तकातल्या अतिरिक्त लेखनामुळे तुमच्या साध्याच्या विरुद्ध दिशेने वाटचाल होतेय. ज्यांना फलज्योतिषाबद्दल थोडं आकर्षण आहे व ज्यांनी थोडं वाचन केलंय, त्यांना या अतिरिक्त बाबी खटकतात. परिणामत: अपप्रवृत्तींपासून परावृत्त होण्याऐवजी तिथे प्रवृत्त होण्याचा संभव आहे.
तुम्हाला खरोखर चिकित्सा करायची असेल तर या मुद्यांकडे लक्ष्य द्यावं ही विनंती.
आपला,
(मिपाकर) प्रशांत
---------
मी 'देव'प्रुफ कवितासुद्धा करतो. :? :)
माझा ब्लॉग - लेखणीतली शाई

ते नविन राशी कुठली भरती झाली हाय त्याच्या इषयी काही तरी सांगा की राव...सर्पधारी असं काहीस हाय वाट्टं