फॉर्च्युन डिजाईन

"ज्योतिषाकडे जाण्यापूर्वी..." हे पुस्तक मी वाचलं. त्यात "मृत्युषडाष्टका"बद्दल आपण परिच्छेद लिहिला होता, त्यात सरसकट सर्व षडाष्टक मृत्युषडाष्टक असतात असा तुमच्या लिहिण्याचा सूर होता. वास्तविक फलज्योतिषाच्या पुस्तकांमध्ये "मृत्युषडाष्टक" आणि "प्रीतिषडाष्टक" ही दोन्ही well-defined आहेत. तुम्ही "चिकित्सात्मक" दृष्टीने केलेला अभ्यास बाजारात विक्रीला ठेवलेल्या पुस्तकात प्रकाशित करताना फलज्योतिषात नसलेल्या चुका घुसडून केवढा ढळढळीत अन्याय केला आहे याची तुम्हाला जाणीव आहे का? फलज्योतिष शास्त्र आहे की नाही हा मुद्दा नंतरचा. पण "फलज्योतिष थोतांड आहे" असं गृहित धरूनच तुम्ही ते पुस्तक प्रकाशित केलंय हे एक-दोन पानं वाचल्यावरच लक्ष्यात येतं.

ज्योतिषाकडे जाण्यापुर्वी .. प्रश्नोत्तरातून सुसंवाद (भाग १ ) प्रकरण ३] विवाह पत्रिका आणि ज्योतिष मधील प्रश्न क्र ३१ पहा ३१) मृत्यूषडाष्टक काय आहे? समजा तुमची जन्मरास मेष आहे व तुम्हाला सांगून आलेल्या जोडीदाराची रास कन्या आहे. मेषेपासून कन्या रास ६ वी येते. कन्येपासून पुढे मोजल्यास मेष रास आठवी येते. सहा-आठ म्हणजे षडाष्टक. असा योग असलेल्या जोडीदारांचे एकमेकाशी पटत नाही अशी समजूत आहे. षडाष्टक शब्दामागे मृत्यू हा शब्द जोडला म्हणजे एकदम दहशत निर्माण होते. ज्योतिषांना तेच हवे असते. ते अशी समजूत घालतात की मृत्यू शब्दाचा अर्थ वैवाहिक सुखाचा मृत्यू असा घ्यायचा. हाच अर्थ शास्त्रकारांना अभिप्रेत आहे. ज्योतिष्यांचे एकूण धोरण काय तर विवाह या गोष्टीसंबंधात मंगळ, मृत्यूषडाष्टक, एकनाड असे काहीतरी प्रश्न वा अडचणी आपणच आधी निर्माण करायच्या व आपणच त्याला 'शास्त्राधार` देउन मार्गदर्शन करण्याचा आव आणायचा व स्वत:च्या तुमड्या भरायच्या. आता यात मी सरसकट मृत्युषडाष्टक म्हटले आहे असे कुठे? काही ज्योतिषी मृत्यु शब्द अलिकडे जोड्ला गेल्याने दहशत निर्माण होते त्याचा वापर करतात.मेष- कन्या हे मृत्यु षडाष्टक का तर बुध मंगळाचा शत्रु आहे मेष -वृश्चिक हे प्रिती षडाष्टक का तर दोन्ही राशीचा स्वामी मंगळच आहे. अर्थात सामान्य जातकाला याच्याशी घेण देण नसत. आता ज्योतिषशास्त्रात नसलेल्या गोष्टी घुसडुन अनेक ज्योतिषीच ज्योतिषशास्त्राची बदमानामीच करत असतात असे काही सुज्ञ ज्योतिषांनाच वाटत. यावर ज्योतिषांपासुन सावधान असा ज्योतिषी श्री श्री भट यांचा एक लेख आहे. तसेच काही माहीती व दा भट यांची अखिल भारतीय ज्योतिष संमेलन, सोलापूर २००१ च्य निमित्ताने येथे पहावयास मिळेल (आमच्या भाष्यासह) चिकित्सा करणे म्हणजे ढळढळीत अन्याय करणे असे आपल्याला वाटते त्याला आमचा नाईलाज आहे. सुदैवाने काही ज्योतिषांना तस वाटत नाही. पुस्तकाच्या दुसऱ्या आवृत्तीच्या निमित्ताने आम्ही खालील मनोगत मांडले आहे. आपल्याला जे पटत नाही ते सर्व त्याज्य अशी भूमिका न घेता बहुविध दृष्टिकोणातून या विषयाकडे बघण्याची दृष्टि ही मला माझया ज्योतिष प्रवासातूनच मिळाली. अनेक बुद्धिप्रमाण्यवादी फलज्योतिष विरोधक आपल्या मताशी जो पूर्णत: सहमत नाही तो फलज्योतिष समर्थकच आहे असे मानणारे आहेत. तसेच अनेक फलज्योतिष समर्थक हे आपल्याशी सहमत नसणारा तो विरोधक असे मानणारे आहेत. हे पुस्तक फलज्योतिषाचे समर्थन करते की विरोध असाही प्रश्न काही लोकांना पडला. एखाद्या गोष्टीला समर्थन वा विरोध यो दोनच बाजू नसून चिकित्सा नावाची वेगळी बाजू पण आहे. चिकित्सा ही दोन्ही पातळयांची करावी लागते. फलज्योतिष समर्थक वा विरोधक हे आपापल्या व्यासपीठावरुन एकमेकाविरुद्ध आग्रही मतं मांडत असतात. या दोन्ही भूमिका लोकांना एकाच वेळी ऐकायला मिळाव्यात या हेतूने पहिल्या आवृत्तीचे समारंभपूर्वक प्रकाशन केले. त्यात डॉ.नरेन्द्र दाभोलकर यांनी आपला फलज्योतिष विरोधी आणि ज्योतिषरत्न नंदकिशोर जकातदार यांनी आपली समर्थक भूमिका मांडली. तसेच श्रोत्यांनी विचारलेल्या प्रश्नांची दोघांनीही उत्तरे दिली. उत्तरे पटणे वा न पटणे हा भाग निराळा. पण या निमित्ताने एक विचार प्रक्रिया तर चालू झाली. आतापर्यंत फलज्योतिष हा विषय वा ज्योतिषी ही व्यक्ती केन्द्रबिंदू धरुन विरोध वा समर्थन झाले आहे. हा विषय मुख्यत: ज्योतिषाकडे जाणारी व्यक्ती म्हणजेच जातक यांच्या करता आहे. परंतु यांना केन्द्र बिंदू मानून चिकित्सा केली जात नाही. जातक हा चिकित्सकही बनू शकतो अशी भूमिका मांडताना त्याची मानसिक जडणघडण विचारात घेतली आहे. फलज्योतिष हा श्रद्धेचा विषय झाला की चिकित्सेच्या वाटाच बंद होतात. चिकित्सेला प्रवृत्त करण्यासाठी काही तडजोड करणे ही आवश्यक असते. ती तडजोड म्हणजे जातकाला वेळोवेळी समजून घेण्याचा प्रयत्न करणे. फलज्योतिषातील समर्थक वा विरोधी मते यातील विविध अंतर्प्रवाह मला जवळून पहायला मिळाले. अत्यंत तटस्थ राहून मी फलज्योतिष चिकित्सा केली आहे असे माझे अजिबात म्हणणे नाही. टीकाकार या नात्याने अंतर्विसंगती मांडायच्या झाल्या तर त्या फलज्योतिषीय परिभाषेत मांडाव्या लागतील. त्या फक्त अभ्यासकांनाच समजतील सर्वसामान्य माणूस चिकित्सेपासून पुन्हा वंचितच राहिल म्हणून तो विषय फलज्योतिषीय पातळीवर फारसा मांडला नाही. चिकित्सा करताना दोन्ही बाजू अभ्यासक या नात्याने समजावून घेताना कधी सुसंगतीतही विसंगती आढळली तर कधी विसंगतीतही सुसंगती आढळली. हेच तर मानवी स्वभावाचे वैशिष्टय आहे. मनुष्य हा काही विवेकवाद, मानवतावाद, बुद्धीप्रामाण्यवाद यांचे प्रोग्रामिंग फीड केलेला जैवरासायनिक यंत्रमानव नव्हे. त्याला केवळ बुद्धी नाही तर भावनाही आहेत हे भान ठेवून चिकित्सा करण्याचा प्रयत्न केला आहे. दुसऱ्या आवृत्तीच्या निमित्ताने वाचकांना काही अधिक माहिती देण्याचा प्रयत्न केलेला आहे प्रकाश घाटपांडे आमच्या अनुदिनीत जरुर डोकवा. प्रकाश घाटपांडे आमच्या अनुदिनीत जरुर डोकवा.