तुझ्या काळ्याशार कुंतलांप्रमाणे
विखुरलेली ती कृष्णा... ती निशा
चित्रकाराने एखादं सुंदर चित्र रेखाटावं
आणि मग ...
त्याला दृष्ट लागु नये म्हणुन
काळा रंग देण्याचा दुष्टावा करावा
तशी त्या जगन्नियंत्याने ..निसर्गाने...
स्वसौंदर्याचा बचाव करण्यासाठीच
जणु निर्मीलेली .... यामिनी !!
सागराच्या पाण्यावर उमटलेली
प्रतिबिंबातुन डोकावणारी
रात्र कधी पाहीलीस प्रिये?
फेनफुलांचं फेसाळणंही
क्षणात झाकोळुन टाकणारी
एकाच क्षणात आसमंती
विविध कृष्णछटा साकारणारी
काळ्या रंगालाही ...
अनामिक, अलौकीक सौंदर्य देणारी...
थकल्या भागल्या जिवाला
लहान मोठा, गरीब श्रीमंत
चांगला-वाईट, सज्जन्-दुर्जन..
अगदी कसलाही पक्षपात न करता
आपल्या कुशीत घेणारी रात्र
परमेश्वरालातरी जमलाय का ?
असा निरपेक्षपणा !
विशाल
प्रतिक्रिया
26 May 2009 - 7:54 pm | क्रान्ति
काळ्या रंगालाही ...
अनामिक, अलौकीक सौंदर्य देणारी...
थकल्या भागल्या जिवाला
लहान मोठा, गरीब श्रीमंत
चांगला-वाईट, सज्जन्-दुर्जन..
अगदी कसलाही पक्षपात न करता
आपल्या कुशीत घेणारी रात्र
परमेश्वरालातरी जमलाय का ?
असा निरपेक्षपणा !
खासच आहे कविता.
क्रान्ति
***मन मृदु नवनीत | मन अभेद्य कातळ
मन भरली घागर | मन रिकामी ओंजळ***
अग्निसखा
26 May 2009 - 8:27 pm | सँडी
खासच आहे कविता.
हेच म्हणतो!
27 May 2009 - 10:00 am | विशाल कुलकर्णी
धन्यवाद, मित्रहो.
सस्नेह
विशाल
*************************************************************
"प्रतिसाद पाहुनी मी झालो पसार नाही, मी कोडगा कवी जो विझण्या तयार नाही?
गेले अनेक वाचक सांगून रोज मजला, पण बंद लेखणी मी करण्या तयार नाही!"
(सौजन्य : माननीय मिपाकर श्री श्री