Skip to main content

गणितं..

लेखक मन्या ऽ यांनी शनिवार, 16/05/2020 14:05 या दिवशी प्रकाशित केले.

गणितं..

आयुष्याच्या पाटीवरची
गणितं माझी चुकली
चुका लपवण्यासाठी
मी ती पटापट पुसली
मनाचा शिक्षक आहे थोर
कडक शिस्तीचा
पुसलेली गणितं
परत परत विचारली

उत्तर देता येईनात
झाली पळता भुई थोडी
माझे मनच होऊनी मैत्र
आता माझी शिकवणी घेई
शिकवणी झाली चांगली
मास्तरांनी सांगितला
एक जालिम उपाय
जुनी शिदोरी पाठीला
नवे अनुभव बांध गाठीला
निर्धास्त होऊन जग
मी आहेच तुझ्या सोबतीला

उपाय कामी आला
अन् आनंदीआनंद झाला
नवे लोक नवी आव्हानं
असतील रोज रोज
कशाला दडायचे
आता थेट भिडायचे
मनसोक्त जगायचे
पण ह्यावेळी
गणितं सोडवताना
भान मात्र ठेवायचे!

-दिप्ती भगत
(६ डिसेंबर, २०१९)

काव्यरस
मुक्त कविता
गणित
चुका
आयुष्य
लेखनविषय:
वाचने 4401
प्रतिक्रिया 5

प्रतिक्रिया

गणेशा शनिवार, 23/05/2020 07:33

मनीचे मन....भारी..

अवांतर :

कॉमर्स वाल्यांचा मला कायम हेवा वाटायचा.. सायन्स ला होतो, गणित आवडता विषय पण इतर वेळेस कॉमर्स असावे असं वाटायचं कायम.

मन्या ऽ शनिवार, 23/05/2020 09:23

अवांतर: हे आपल्याकडे टक्केवारीमुळे कायम होत आलंय. ज्यांना टक्के जास्त ते सायन्स. जे ऍवरेज ते कॉमर्सला जातात.
ज्यां उरलेले आर्ट्समधे हातपाय मारतात. खुप कमी लोक स्वतःची आवड जपत करिअर चुज करतात. असो. चालायचंच.