चॅनलचं पॅकेज! हे काय नवीन?

Primary tabs

उपयोजक's picture
उपयोजक in तंत्रजगत
11 Dec 2018 - 5:50 pm

सध्या टिव्हीवर वारंवार दाखवतायत की १ जानेवारीपासून आपल्याला हवे ते चॅनेल पॅकेज निवडता येणारेत.जे पॅक निवडू तेवढ्याचेच पैसे द्यायची सोय आहे.त्यासाठी १९ डिसेंबरच्या आत पॅकेज निवडायचेत.चॅनलच्या दरांचीही माहिती प्रत्येक चॅनल देतंय.उदा.झी मराठी १९ रु.सोनी मराठी ९ रु. इ.

हा नेमका काय प्रकार आहे?यामुळे सेट टॉप ग्राहकांचे फायदे/तोटे कोणते होणार?हे केल्यामुळे सदर सेवा पुरवणार्‍या कंपन्यांचे फायदे/तोटे कोणते होणारेयत?

कृपया याबद्दल कोणाला माहिती असेल तर सांगा! _/\_

प्रतिक्रिया

कंजूस's picture

11 Dec 2018 - 7:53 pm | कंजूस

तुमचे टाटा स्काइ आहे का?
त्यांचे आणि सोनीवाल्यांचा फीवरून वाद वाढला आहे.

उपयोजक's picture

11 Dec 2018 - 8:15 pm | उपयोजक

In digital

यानंतर इतर चानेलवाल्यांनीही सर्विस प्रवाइडरांकडे अधिकचे पैसे आणिआत्यात अमुकअमुक अशा अटी घातल्या असतील॥
शिवाय येणाऱ्या जियो टिविमुळे आताचे खूप घाबरले आहेत.

पैलवान's picture

12 Dec 2018 - 11:16 pm | पैलवान

काही महिन्यांपासून hbo, cartoon network, WB दिसत नव्हते. कस्टमर केअरला मेल केल्यावर चालू झाले. त्यांचा(videocon आणि Turner) काहीतरी वाद चालू असल्याचे कळले.

उपयोजक's picture

13 Dec 2018 - 10:55 am | उपयोजक

कृपया सर्व केबल तसेच सर्व डिश टीव्ही ग्राहकांनी काळजीपूर्वक वाचावे....
29/12/2018 पासून केबल/ डिश/ IP TV आणि HITS सर्व्हिस सेक्टरमध्ये खूप मोठा बदल होणार आहे, आता चालू असलेल्या केबल/डिश आणि इतर सर्व सेवांचे चॅनेल पॅकेज बंद होणार आहेत. त्याला सुप्रीम कोर्टातून ही मंजुरी मिळाली आहे. त्यामुळे आपण आता पाहत असलेले चॅनेल्स तुम्हाला 29 डिसेंबर नंतर पाहता येणार नाहीत याची ग्राहकांनी नोंद घ्यावी,
29 डिसेंबर नंतर आपणाला केबल/ डिश/ IP TV/ Hits सर्वांचे फक्त एकच 130/- रुपयांचे पॅकेज मिळेल फ्री चॅनेल्सचे. आणि पे चॅनेल्स पाहण्यासाठी आपणाला पाहिजे तेवढ्या चॅनेल्सचे पैसे देऊन ते पाहता येतील.
उदा. -
१)आपणाला फक्त झी मराठी पाहिजे असेल तर
बेस पॅक - RS.130/-
झी मराठी - RS. 19/-
-----------------------
एकूण - 149/-
उदा. -
2) आपणाला फक्त कलर्स मराठी, सोनी मराठी, मुव्हीज ओके पाहिजे असेल तर
बेस पॅक - RS.130/-
कलर्स मराठी - RS. 17/-
सोनी मराठी - RS. 10/-
मुव्हीज ओके - RS. 1/-
-----------------------
एकूण - 158/-
आशा पद्धतीने चॅनेल्स निवडून पैसे भरावे लागतील. सर्व चॅनेल्सची किंमत ही ग्राहकांसाठी ठरवून देण्यात आली आहे. ती आपणाला कोणत्याही डिश अथवा केबलच्या वेबसाईटवर पाहायला मिळेल सर्व केबल/ डिश/ IP tv / Hits कंपन्यांसाठी एकच दर निश्चित करण्यात आला आहे. एखाद्या केबल ऑपरेटर/ डिश कंपनी ने MRP पेक्षा जास्त पैसे घेतले तर त्याच्यावर फौजदारी गुन्हा दाखल करण्याची तरतूद केली गेली आहे. तसेच कोणत्याही SD किंवा HD चॅनेल्सची किंमत 19 रुपयांन पेक्षा जास्त ठेवता येणार नाही मग तो कोणत्याही कॅटेगिरी मधील असला तरी
उदा.
1) स्टार स्पोर्ट हिंदी
पहिली किं. Rs. 40/- PM आताची कीं. Rs. 19/- PM
2) टेन स्पोर्ट
पहिली कीं. Rs. 35/- PM
आताची HD RS.19/- PM
2) टेन स्पोर्ट HD
पहिली कीं. Rs. 60/- PM
आताची कीं. RS. 19/- PM
3) स्टार स्पोर्ट हिंदी HD
पहिली किं. Rs. 65/- PM आताची कीं. Rs. 19/- PM
GST 18% Extra

दिनांक 1/1/2019 पासुन केबल व डीश टीव्ही दरपत्रक
खालील प्रमाणे राहील.

उपयोजक's picture

13 Dec 2018 - 11:09 am | उपयोजक

नवे दर
ch rate

उपयोजक's picture

13 Dec 2018 - 11:55 am | उपयोजक

हे महाग आहे.आता सध्या आमच्याइथे २२० रुपयात ४००+ चॅनल्स पहायला मिळतात.फ्री चॅनल्सची लायकी काय आहे हे काही सांगायला नको.म्हणजे गरज नसताना त्यांचे ‍१३० रु भरायचे+आवडीचे चॅनेल्स.म्हणजे उरलेल्या ९० रुपयात अशी कितीशी चॅनल्स यायची??

पैलवान's picture

13 Dec 2018 - 12:27 pm | पैलवान

३ खोल्यांमध्ये ९०० रुपये (४५०+२२५+२२५) भरून जवळ जवळ सगळ्या वाहिन्या (Videocon डायमंड पॅक) दिसतात.

आता गरजेपुरता विचार केला तरी (३*(१३०+२५०))=११४० रुपये जातील.
इंग्लिश पिच्चर, डिस्कव्हरी, natजिओ असलं काही घेतलं तर ते एक्स्ट्रा.
कठीण आहे.

कालचा लोकसत्ता - पान ३ - नव्या वर्षात केबल ग्राहकांच्या खिशाला कात्री
TRAI ची नवीन खाबुगिरी . अर्थात नवीन टॅक्स. त्यामुळे हे होत आहे. अच्छे दिन !!

कंजूस's picture

13 Dec 2018 - 4:06 pm | कंजूस

स्टार, झी, यांचे बुके घेण्याचा पर्यायही ठेवतील॥ टा स्काइ बेसपॅक ९० अधिक मराठी पॅकेज ४० असे मध्यम मराठी वर्गाचे काम भागत होते॥ ते लोक , स्पोर्ट्स, मुविज पाहात नाहीत॥
या ९० मध्ये बंगाली, तमिऌ, पंजाबी,तेलगु २५+ चानेल असतात त्यांचेही काम व्हायचे.
आता डिशटिविला काय स्कीम येते बघू.

धर्मराजमुटके's picture

13 Dec 2018 - 7:29 pm | धर्मराजमुटके

काय ? तुम्ही अजुनही टीव्ही पाहता ? ममव कुठचे :) :)

कंजूस's picture

14 Dec 2018 - 6:22 am | कंजूस

काहीजण टिवि कार्यक्रम मोबाइलवर पाहतात, युट्युब विडिओ पाहतात, वाटसपमधून उडालेले कण गोळा करतात.

अविनाशकुलकर्णी's picture

14 Dec 2018 - 3:03 pm | अविनाशकुलकर्णी

बाळूमामा चंग भलं
कुंडम कुंडा कुंडम कुंडा कुंडम कुंडा

श्री गावसेना प्रमुख's picture

15 Dec 2018 - 9:48 am | श्री गावसेना प्रमुख

ह्या लिंक मध्ये सर्व चॅनल चे रेट दिलेले आहेत https://ultra.news/t-t/42687/new-trai-tariff-for-dth-cable-list-of-chann... उगी मोदिंच्या नावाने चिखलफेक करु नये x आपण जे पॅक घेतो त्यातील खुप कमी चॅनल बघतो त्या कारणाने सरकारने हा नियम लागु केलेला आहे.

रेडिमेड पॅकेज काढून टाका असे काही आदेश नाहीत. त्यातले एखादे घेता येईल.
बाकी जाहिरातवाल्यांचा प्रतिसाद कमी होऊन मालिकावाल्यांचे उत्पन्न घटेल?

SHASHANKPARAB's picture

17 Dec 2018 - 8:02 am | SHASHANKPARAB

300-400 चॅनल्स 24 तासांत (प्रत्यक्षात त्याहूनही कमी) कशी पहिली जातात हा एक संशोधनाचा विषय ठरू शकेल.. माझ्या घरी इन डिजिटल सेट टॉप बॉक्स आहे ज्यात भरमसाठ चॅनल्स 380 रुपयांत दिसतात. पण त्यातील जास्तीत जास्त 15 चॅनल्स महिन्यातील वेगवेगळ्या वेळी पहिली जातात. इतरांची गोष्टही काही वेगळी नसावी, अर्थात कोणी बेरोजगार असेल आणि टीव्ही बघण्याशिवाय आणखी काही काम नसेल तर सर्फिंग करायला 300 चॅनल्स लागू शकतात.

जेवढी वीज आणि जेवढा पाण्याचा वापर तेवढे देयक येते ना मग दिवसाचा जेवढा वेळ टीवी पाहाण्यात जाईल तेवढे देयक ग्राहकांकडून घ्यावे. चॅनल्सनी किंवा ट्रायने....
नाहीतरी प्रत्येकाकडे सेट टाॅप बाॅक्स आहेच. माेजमाप करणे अशक्य नाही.

उपयुक्त माहिती आणि चर्चा.

यापूर्वी दीर्घकाळासाठी (वार्षिक, अर्धवार्षिक) पॅकेज रिन्युअल म्हणून ऑलरेडी घेतलेल्या आगाऊ रकमेचं या कंपन्या काय करणार? अंशतः परतावा की पुढे वापरासाठी क्रेडिट?

क्रेडिट - नवीन पॅकेजप्रमाणे शेवटची तारीख बदलते.

पण हवे ते चानेलस घ्या हे चार वर्षांपूर्वीच आलं आहे॥ शिवाय रेडिमेडही घेऊ शकतो.

चौथा कोनाडा's picture

21 Dec 2018 - 5:51 pm | चौथा कोनाडा

नुकतंच टाटा स्काय हेल्पलाईन (१८०० २०८ ६६३३) च्या क्रमांकावर नविन २९ डिसेंबरपासून सुरु होणाऱ्या योजने विषयी चौकशी केली. माझा सध्या धमाल मिक्स (रू .३२० प्रतिमहिना) पॅक आहे, त्यावर काय परिणाम होइल अशी विचारणा केली असता, त्यावर नविन योजनेवर काम चालू आहे, त्याची माहिती मिळताच आपणाशी संपर्क साधून माहिती दिली जाईल असे सांगितले गेलेय. माहिती कशी मिळेल हे विचारले असता “माहित नाही” असे उत्तर मिळाले. पण माहिती मिळताच ताबडतोब आपल्याला कळवण्यात येइल हे सांगितले.
इथं असे कुणाचे पॅक सुरु आहेत, इतर मिपाकरांचा काय अनुभव आहे?

हेल्पलाईन नंबरवर बोलणारे कंपनीचे अधिकारी नसतात. इमेल करा. शोधून देतो अॅड्रेस.
डिशटिविलाही इमेलच करतो.
दोनतीन तासांत तिकडून फोन येतो आणि प्रश्न नक्की सोडवतात संध्याकाळच्या आत.
पण आताचा प्राब्लेम मोठा आहे, तुमचा वैयक्तिक नाही.

चौथा कोनाडा's picture

22 Dec 2018 - 1:44 pm | चौथा कोनाडा

धन्यवाद, कंजूस साहेब.

मेल पण पाठवतो त्यांना.

पैलवान's picture

27 Dec 2018 - 3:39 pm | पैलवान

विडिओकॉनने वाहिन्यांच्या किंमती दाखवायला सुरुवात केलीय.
झी मराठी १९
कलर्स मराठी 10
स्टार प्रवाह ९
झी युवा ४
सोनी मराठी ४
झी टॉकीज १२
एबीपी माझा ५०पैसे
झी २४तास १०पैसे
सोनी मॅक्स १५
झी सिनेमा १९
स्टार गोल्ड ८
स्टार मुव्हीज १२
पिक्स १०
एचबीओ १२
&फ्लिक्स १५
WB १
मुव्हीज नाऊ १०
संगीत वाहिन्या बहुतेक फुकट आहेत. काही १०पैसे, काही ३ रुपये.
हिंदी वृत्तवाहिन्या फुकट ते १ रुपया
इंग्रजी वृत्तवाहिन्या थोड्या महाग आहेत १ ते ३ रुपये.

स्टार स्पोर्ट्स १९/६/१९
सोनी टेन आणि सिक्स आणि espn १९/१५/१७/१५/५
स्टार स्पोर्ट्स सिलेक्ट १९/७/१

डिस्कव्हरी/हिस्ट्री/नॅशनल जिओ ४/३/२
बाकी इन्फोटेनमेंट १ रुपया प्रत्येकी.

*फुकट सगळ्यांसाठी मिळून १३०-१४० भरायचेत वाटतं.

पण ते बेस पॅकेज मिनिमम ९० रु अधिक हवे असलेले असं करतील का?

प्रसाद_१९८२'s picture

27 Dec 2018 - 4:57 pm | प्रसाद_१९८२

देशभरात 'ट्राय'ने २९ डिसेंबरपासून केबल टीव्ही, डीटीएच ग्राहकांना चॅनल निवडण्याचे स्वातंत्र्य देण्याचा निर्णय घेतला. त्याला केबल व्यावसायिकांनी जोरदार विरोध करत, आंदोलनाचा निर्णय घेतला. 'ट्राय'च्या नव्या नियमांविरोधात केबल व्यावसायिकांनी २७ व २८ डिसेंबर रोजी ब्लॅक आऊट आंदोलन म्हणजे वाहिन्यांचे प्रसारण बंद करण्याचा निर्णय घेतला होता. हजारो केबल व्यावसायिक बुधवारी दिल्लीत धडकले. तेथे झालेल्या बैठकीत २९ डिसेंबरपासून या निर्णयाची अंमलबजावणी होणार नसल्याचे आश्वासन 'ट्राय'नं दिल्याचे बांते यांनी सांगितले.
--
https://maharashtratimes.indiatimes.com/maharashtra/nagpur-vidarbha-news...

मुक्त विहारि's picture

27 Dec 2018 - 5:19 pm | मुक्त विहारि

आमचे आणि मालिका आणि केबल वाल्यांचे पटत नसल्याने, ह्या त्रासातून सुटलो.

यु-ट्युब झिंदाबाद...

चानेल निवडण्याचे स्वातंत्र्य ठेवले तर मला वाटतं आता जे लोक तिनशे - पाचशे रुपये देत आहेत त्यांचं दिडशे किंवा कमी रुपयांत काम होईल. मग डिटीएचवाल्यांचं कलेक्शन धाडकन खाली येईल. सरकारी जिएसटीसुद्धा कमी जाईल. शंभरावरून पंचवीस जाईल.
मालिका निर्माते कलाकारांना कमी पैसे देतील.

पैलवान's picture

28 Dec 2018 - 2:26 pm | पैलवान

एकूण असं असणार आहे.
किमान शुल्क = Network Capacity Fee = रु १३०(+१८% कर) = १०० फुकट वाहिन्या
बाकी वाहिन्या (किंवा वाहिन्यांकडून मिळणारे गुच्छ) = वरील प्रतिसादाप्रमाणे.
या शंभरहून पुढच्या अतिरिक्त वाहिन्यांसाठी प्रति २० वाहिन्यांमागे रुपये २५ Network Capacity Fee म्हणुन द्यावे लागतील.

उदा. तुम्हाला झी मराठी, इत्यादी १० सशुल्क वाहिन्या हव्या असतील ज्यांची किंमत समजा ९० रुपये आहे,
तर १३० (किमान Network Capacity Fee) + ९० (तुम्ही निवडलेल्या १० सशुल्क वाहिन्यांची किंमत) + २५ (तुम्ही निवडलेल्या १० वाहिन्यांची Network Capacity Fee) = २४५ रुपये + १८% = २८९ रुपये द्यावे लागतील.

जर तुम्ही ४२ सशुल्क वाहिन्या निवडल्या ज्यांची एकत्रित किंमत २६० रुपये आहे, तर त्यांची एकून Network Capacity Fee २५*३=७५ रुपये असेल.
एकूण १३०+२६०+७५ = ४६५ + १८% कर = ५४९ रुपये द्यावे लागतील.

टाटास्काइचे बेस पॅकेज ९९ होते ते त्यांनी १३० केलं.
२०११ साली ९९ अधिक तुमचे चानेल असं होतं. मला दुकानदाराने विचारलं की तुम्ही अमुक अमुक दोन चानेल बघता का? नाही बघत तर सरळ २२० चं रेडी पॅकेज घ्या . त्याप्रमाणे काम होत होतं.
आता डिशटिविचं सुपरफॅम्ली पॅकेज आहे त्यात कामाचे चानेल्स आहेत. फक्त तेच आता नवीन नियमात बसवायचे आहेत. कालपर्यंत त्यांचं माइडिशटिवि अॅप अपडेट नव्हतं ते आज झालं आहे. बघू त्यातून होतं का. सध्या त्या अॅपवर लोड फार आहे. वेबसाइट अजून अपडेट झालेली नाही.

कंजूस's picture

29 Dec 2018 - 7:19 am | कंजूस

हा लेख पाहा -

चानेल बदलाची सर्व माहिती इथे

चौकटराजा's picture

29 Dec 2018 - 9:19 am | चौकटराजा

हे बेसपॅकेज वगैरे बंद करावे .सर्वे चॅनल पेड करावी व कोणतेही चॅनल ची निवड करण्याची मुभा हीच खरी ग्राहकाची सोय ! बाकी माझे टी वही पाहणे बातम्या व क्रिकेट मॅच सोडले तर बंदच झाले आहे . यु ट्यूब झिन्दावाद !

चौथा कोनाडा's picture

17 Jan 2019 - 5:15 am | चौथा कोनाडा

या चॅनेल निवड प्रकरणाची मुदत ३१ जाने २०१९ पर्यंत वाढवण्यात आलीय. कंपन्या सुद्धा या बाबतीत नीट विचार करू शकत नाहीत असे दिसते. त्यांच्या फायद्याचे असते तर लगेच अंमलबजावणी केली असती. एकंदीत हे गोंधळाचे प्रकरण दिसते.

मिपाकरांनी काय विचार केलाय ?
कुणी हे सिलेकट केले आहे काय ?