वैभव लक्ष्मी व्रत : ओरिजिनल वायरल ???

तौलनिक आर्थिक स्थैर्य, आरोग्य क्षेत्रातील सुधारणा, शिक्षण , असुरक्षिततेच्या भावना कमी होणे,( अंध) श्रद्धांना ओहोटी मुळे 'नव्या पिढीत' ऑन अ‍ॅन अ‍ॅव्हरेज 'व्रत' प्रकारांना ओहोटी लागली असावी. महानगरीय मध्याम व उच्चमध्यमवर्गात हे प्रमाण बरेच कमी झाले असावे - पण मर्यादीत प्रमाणात शिल्लक असावे. कनिष्ठ मध्यमवर्ग आणि इतर शहर गावे यात अद्यापही प्रमाण असावे. नेमके किती आणि काय शिल्लक आहे याची इथे काही व्यक्तिगत अनुभवातून माहिती येईल त्या पलिकडे आंतरजालावरुन माहितीस मर्यादा येतात.

धार्मिक पुस्तके आणि तस्बिरीम्च्या विक्री होतात तिथे कोणती विक्रि अधिक होते याची माहिती मिळू शकते. मुद्रक प्रकाशकांच्या आणि वितरकांच्या रेकॉर्डवरुन एखादी पिएचडी करण्यास समाजशास्त्र विषयाच्या अभ्यासकांना वाव असावा असे वाटते.

amazon पहिल्या शंभर बेस्ट सेलींग बुक्स यादी ऑवरली अपडेट करते त्यात मराठी कॅटेगरीत या क्षणी बालाजी तांब्यांचे आयुर्वेदीय गर्भ संस्कार टॉपवर दिसते आहे . त्या नंतर धार्मिक पुस्तकात भगवद गीता स्ट्रेट ४० व्या क्रमांकावर दिसते, मा एकदम ५४ व्या क्रमांकावर दत्त अनुभूती दिसते - ९५ व्या क्रमांकावर' कर्दळीवन एक अनुभूती'-९९ क्रमांकावर 'श्री दत्त परिक्रमा' दिसते ( गेल्या काही वर्षात अक्कलकोटच्या स्वामी समर्थांच्या भक्तीचा प्रसार वाढत असावा कदाचित त्याचा परिणाम असेल का माहित नाही)

गूगल ट्रेंड मध्ये 'Vrata' शब्दावर काळजी पूर्वक शोध घेतल्यास महाराष्ट्रातील ट्रेंड्सची माहिती कमी मिळत असली तरी अखिल भारतीय तुलनेत माहिती मिळू शकते . Vrata हा शब्द ऑगस्ट सप्टेंबर ऑक्टोबर या कालावधीत अधिक स्पाईक दिसतात ऑक्टोबरातील स्पाईक सर्वाधिक आहे. आणि उत्तराखन्ड आणि हरियाणातील हिमाचल प्रदेश मधून शोध सर्वाधिक आहेत, उत्तराखंडाच्या तुलनेत महाराष्ट्रातील शोध केवळ ३१ टक्के आहेत. गूगल ट्रेंड वेबसर्च आणि युट्यूबसर्च दोन्ही देते आणि संतोषी माता व्रत हि सर्वाधीक शोधली जाणारी टर्म दिसते.

गूगल ट्रेंड संदर्भ

एक मराठी सिनेमाही होता यावर. अलका कुबल.

मला वाटले हेमंत लाटकर उर्फ हे.ला.काका परत आले कि काय? ;-)

**'नव्या पिढीत' ऑन अ‍ॅन अ‍ॅव्हरेज 'व्रत' प्रकारांना ओहोटी लागली असावी. महानगरीय मध्याम व उच्चमध्यमवर्गात हे प्रमाण बरेच कमी झाले असावे -**

छ्याछ्या! वाढतंय!
फक्त अश्विनात नवरात्रात अनवाणी जायचे ते आता मार्गशीर्ष आणि चैत्रामध्ये सुरू झालं आहे.

बायका नवरात्री आणि संक्रांति व्रत आवर्जून आणि सामूहिक फतवा काढून करताना दिसतात म्हाणजे नवरात्र जवळ आले की कोणत्या दिवशी कोणत्या रंगाचे कपडे घालायचे असे काहीबाही आणि संक्रांतीला हळदी कुंकवाचा सामूहिक वाण लुटायचा कार्यक्रम

कोणतेही व्रत हि अत्यन्त खाजगी गोष्ट आहे. मला या दोन्ही व्रताचा वाईट अनुभव आलाय माझ्या ऑफिसमध्ये नवरात्री आधी फळ्यावर 7 दिवसांचे रंग लिहून ठेवले होते माझे तेव्हा नुकतेच लग्न झाले होते मी एकही दिवस साडी नेसली नाही आणि ते रंग देखील पाळू शकले नाही तर रोज मला कुणी न कुणी यावरून टोके कि अगं तुझ लग्न झालंय ना? मग रंगाची साडी नेस(काय संबंध?- इति मी) एखादे व्रत मोठ्या प्रमाणात सामूहिकरित्या केले जात असले तरी यात जबरदस्ती नसावी असं मी मानते. आजही मी ते रंग प्रकरण पाळत नाही जे पाळतात त्यांच्याबद्दल आक्षेपही नाही.

वैभवलक्ष्मी व्रत फलदायी ठरले - व्रताची पुस्तके छापणार्याला.

असे कुठेतरी वाचले होते .

नवरात्रीत नऊ दिवस वेगवेगळ्या रंगाच्या साड्या नेसतात हि अतिशय चांगली गोष्ट आहे. नाही तरी आमची बायको आजकाल साड्या फार कमी नसते. बाकी साडीत स्त्री जास्त चांगली दिसते त्यातून सालंकृत असेल तर सोन्याहून पिवळे हे माझे वैयक्तिक मत. मग नऊ दिवस नवरात्र म्हणून आणि दहाव्या दिवशी दसरा म्हणून रोज बायको नटून थटून येते. दहा दिवस तेवढेच दृष्टिसुख.

मी गेम ऑफ थ्रोन्स पाहत होते आणि माझी एक आत्या म्हणाली हा जॉन स्नो एकदम अलका कुबल आहे .

=)) खरंय जॉन स्नो आणि दुसरा म्हणजे अँडी मरे.

आल्का कुब्बल किती निब्बर झाली पण तिचं तेच ते चालू आहे.बघ्वत नाही असे सिनेमे, मालिका.

पूर्वी आमच्या काळी ते एक संतोषी मातेचं व्रत होतं.....
शेजारपाजारच्या बायका ते करत असत. वैताग यायचा त्या बायकांचा!
नाही म्हणजे त्यांनी व्रत करण्याबद्दल आमची तक्रार नव्हती पण त्या व्रताचं उद्यापन हे लहान मुलांना प्रसाद देऊन केलं जायचं. आणि ते व्रत मोडलं जाऊ नये म्हणून त्या लहान निरागस (पक्षी: आम्ही) मुलांनी दिवसभर काहीही आंबट न खाण्याची शिक्षा असायची. बरं देवाचं कार्य असल्याने आई जबरदस्तीने पाठवायचीच.
एक-दोन वेळा सहन केलं. नंतर आईने मला अमकी-तमकीच्या व्रताला पाठवायची गोष्ट काढली रे काढ्ली की पटकन स्वयंपाकघरात जाऊन बरणीतल्या चिंचेचं बुटुक तोंडात टाकून मग आईला, 'काय म्हणालीस?' असं विचारत असे.
आईही मग हसून स्वतःच्या कपाळावर हात मारून, 'काही नाही, जा' असे म्हणत असे.... :)
पाळण्यातच पाय दाखवणारा,
पिवळा डांबिस