कर्नाटक प्रांतात केली जाणारा हा पदार्थ. संग म्हणजे सफरचंद.बाकी कुळकथा ठावुक नै.
साहित्यः-
१)भेंडी पाव किलो. एका बाजुने उभी चिरावी.
२)एक मध्यम आकाराचे सफरचंद. मध्य्म आकाराचे तुकडे करावे.
३)२ चमचे लिबांचा रस ( किंवा एका लिंबांचा )
४)१ चमचा जिरे
५) २ हिरव्या मिरच्या बारीक चिरुन घ्याव्या.
६) ४ चमचे शेंगदाणा कुट.
७)१ चमचा काळा मसाला किंवा गरम मसाला.
८)मिठ चविनुसार ,
९) १ चमचा जिरे पुड..
१०)हळद पाव चमचा.
११) तेल
कृती ;-
१) जिरे पुड,शेंगदाण्याचे कुट.काळा मसाला .एकत्र करुन उभ्या चिरलेल्या भेंडीत भरुन घ्या.
२) कढईत तेल गरम करुन त्यात अनुक्रमे जिरे,हिरवी मिरची, हळद आणी भेंडी टाका.
३) एक वाफ आल्यावर सफरचंदाच्या फोडी,मीठ आणी लिंबाचा रस टाकुन आणखीन एक वाफ येऊ द्या.
४) आवड असल्यास कोथिंबिर टाकुन सर्व करा.
समाप्त.
- टोनी
प्रतिक्रिया
6 Jun 2016 - 10:57 am | मुक्त विहारि
कशी काय लागेल कुणास ठावूक?
6 Jun 2016 - 10:59 am | स्पा
फोटो काय जार्विस टाकणार
6 Jun 2016 - 11:01 am | मुक्त विहारि
असो,
अशा पा.कृ.चे फोटो नसावेत.
6 Jun 2016 - 11:25 am | प्रीत-मोहर
अणुमोदन. फोटो टाका बे पाकृंचे . नाहीतर पाकृ फौल आहे
6 Jun 2016 - 8:43 pm | जेपी
फोटो टाकले असते पण तेवढ्यासाठी हा पदार्थ खाण्याची माझी तयारी नाही.
बाकी हा पदार्थ कर्नाटक प्रांती विजापुर परीसरात कुठल्याही हुच्चभ्रु हॉटेलात मिळेल.
-क.लो.अ.
--टोनी aka जेपी
6 Jun 2016 - 8:45 pm | जेपी
*पण तेवढ्यासाठी हा पदार्थ पुन्हा खाण्याची माझी तयारी नाही..
7 Jun 2016 - 7:54 am | अजया
हे बरंय.पाकृ लिहिणाराच परत खाण्याची तयारी नाही म्हणतोय =))))
7 Jun 2016 - 5:52 pm | आदूबाळ
आवडलेल्या पदार्थांच्याच पाकृ टाकाव्यात असा लूल आहे का?
7 Jun 2016 - 10:53 pm | रमेश भिडे
काये का आदू, काये का???
8 Jun 2016 - 2:15 am | रेवती
लूऽऽऽऽल!
7 Jun 2016 - 7:58 am | यशोधरा
करुन पाहिली, फारच चविष्ट. येऊ देत अजून अशा अनवट पाकृ.
7 Jun 2016 - 8:44 am | अजया
खरंच केलीस का यशो? घरात सफरचंद लोळताएत दोन.चांगली लागत असेल तर करून पाहीन.
7 Jun 2016 - 8:50 am | यशोधरा
अजया!! =))))))
7 Jun 2016 - 8:57 am | अजया
दु दु दु यशो =))))
केली असती ना आत्ता चविष्ट भाजी =))))
7 Jun 2016 - 8:06 am | सुनील
मला सुचलेले काही विकल्प -
१) सफरचंदाऐवजी अननस वापरणे
२) भेंड्यांऐवजी वांगी वापरणे
३) अंडे घालून पाकृ बनवणे (ऑल टाइम मिपा फेवरेट)
7 Jun 2016 - 9:19 am | नाईकांचा बहिर्जी
अविनाश काका लोण इथवर आल्याचे पाहून जीवन धन्य झाले! असो!.
7 Jun 2016 - 10:03 am | पैसा
वेळ जात नाय का?
7 Jun 2016 - 11:14 am | दिपक.कुवेत
जुने जाणते मिपाकर असं नवोदित बल्लवांना नाउमेद करत आहेत हे बघून एक मिपाकर म्हणून....
8 Jun 2016 - 10:48 am | कवितानागेश
माझया मते हळद आणि मसाला कॅन्सल केल्यास भाजी चांगली लागेल. भेंडी क्रिस्प होऊ द्यायची आणि सफरचंद आंबट हवे.
अवांतर - साध्या जिरेपूड घातलेल्या भाज्यांमदह्ये आणि बिन कांद्याच्या सॅलेड मध्ये सफरचंद छान लागते.