मामलेदार मिसळ पंढरी

खुपच प्रसिद्ध आहे इथली मिसळ. एकदा खायची आहे. बघु कधि जमतय ते.

मा मि. ची मिसळ खाणे हे येर्‍यागबाळ्याचे काम नाही. ह्या मिसळीच्या तिखटपणाला कोणी कितीही नाव ठेवले तरी बाकीच्या मिसळी तिच्यासमोर फिक्याच . गिरगावला एका हॉटेलमध्ये मिसळीत चक्क वालाची उसळ होती,अगदीच मिळमिळीत होती चवीला. कोल्हापुरला महाल़़क्ष्मी मंदीराच्या एका गल्लीत मिसळ खाल्ली,चव शेवेच्या आमटीसारखी वाटली. मिसळीची चेष्टा करावी ती नाशिककरांनीच , पंचवटीत (नाव विसरलो) मुठभर कांदेपोहे टाकलेली मिसळ घशाखाली उतरत नव्हती.
आणि हो ठाण्यातील 'आमंत्रण'मध्ये मिसळ खाण्यासाठी जाणार असाल तर एकदा तेथील 'मशरूम मसाला' टेस्ट करा. मुंबई ठाण्यात कुठेही इतका चवदार 'मशरूम मसाला' मला तरी सापडला नाही.

मिसळीचा भ्रष्ट अवतार इकडे सिंगापुरात पेशवाई मध्ये मिळतो. पण तो खाण्यापेक्षा भारतभेटीची वाट पाहाण जास्त चांगलं :(

नाशिकमध्ये साधनाची मिसळ खाल्ली होती!
एकदम मस्त!

नाशिकमध्ये साधनाची मिसळ खाल्ली होती!
एकदम मस्त!

महाड मध्ये बाजारपेठे येथे फडके (बहुधा तेच नाव आहे. भरपुर वेळ झाला नाही गेलो)मिसळ मीळते. मस्त असते. रात्रपाळी करुन घरी जाताना तीथे मिसळ खायची आणि घरी जाउन मस्त ताणुन द्यायचे.

इथं सातारचे इतके लोक्स असूनही कोणी अजून "माधवराव"चं नाव कसं काढलं नै हो ?
अख्ख्या सातार्‍यात एकच.. फुल फेमस.

गेल्या पंधरा एक वर्षात आहे तेवढाच सेटप आणि चव देखील बर्‍यापैकी तशीच आहे आणि अजूनही स्वतः माधवराव मिसळ बनवत बसलेले असतात.

एक मिसळ आणि वरुन एक चहा नाहीतर लिंबू सरबत. बास्स.. :)

आयला, मिसळ पाहिली की नाशिककरांच्या तोंडाला पाणी सुटते... कधी या आमच्या नाशिकला, कौतुक करून थकाल.. आणि हो, एखाद्या हॉटेलाचं नाव सांगून आमच्या मिसळचा अपमान करणार नाही... प्रत्येक मिसळचा वेगळा ठसका आहे...

मिसळ कोल्हापुरलाच खावी, मामलेदार फामलेदार,बेडेकर येडेकर खुळचट पुणेरी व मुबंईच्या यड्याचे वाढवलेले प्रस्थ आहे.

नका हो नका !
नोस्टेलॅजीक का काय म्हणतात ते व्ह्यायला झालेय. तुम्ही जीथं कार पार्कींग केलीत तीथं आमचा जल्म झाला. आनि मामलेदारची मिसळ खात ल्हानाचा मोटा झालोय.. त्यामुळे आता मिसळ न खाता डोळे पाणावले.

खर्या मिसळीचे कॅरॅक्टर वेगळे असते, आजकाल लाल तिखट घालून दिलेलीइ तर्री खाउन अनेकांचा असा गैरसमज झाला आहे की मिसळ खाल्ल्याने तोंडाची आग झालीच पाहीजे.खरी मिसळ तीच जिचा तिखटपणा हवाहवासा वाटतो,तोंड भाजण्याऐवजी कानशिलं उबदार वाटायला लागतात ,डोळे धुंधावतात,प्रत्येक पुढचा घास ही अनुभूती आणखी वाढवतो.अशि अनुभूती देणारी मिसळ मी फक्त कोल्हापुरलाच खाल्ली आहे .

http://postimg.org/image/gezvuo1jl/

आज इकडचे वाचून मामलेदार ला जुनाच आलो . मिसळ चांगली होती पण इकडे सांगितली तेवढी पण जगावेगळी नव्हती !

मामलेदार मधे मिसळी भरल्या जात असताना !!!

कोल्हापूर बावडा मिसळ पाव आणि चहा अतिशय उत्कृष्ट. मी पुण्याचा असूनही पुण्यातील काटाकीर , बेडेकर मिसळ विशेष आवडत नाही.

२०० झाल्याबद्दल दोन करंट मिसळ विथ अनलिमिटेड रस्सा!

इतक्या लोकांचे मिसळपुराण वाचले.प्रत्येक टिकाणच्या मिसळीची स्वत:ची अशी खासियत असते.
तशीच आमची भिवंडीची 'कंपनीची मिसळ'
जुन्या अस्सल भिवंडीकरांना ही मिसळ खाल्ल्याशिवाय न्याहारी झाली असे वाटतच नसे.जोडीला दुधीहलवा आणि पुरी खाल्ले की त्रुप्त झाले.
मात्र त्यासाठी सकाळी लवकर जावे लागते. सकाळी नऊ नंतर मिसळ संपलेली असते.सकाळी मित्रांबरोबर गप्पा मारत कंपनीची मिसळ खायची आणि रात्री 'निशान'मध्ये बसून चहा पित दिवसभरच्या घडामोडींवर चर्चा करणे हा भिवंडीकरांचा दिनक्रम आहे.
आता भिवंडीत अनेक ठिकाणचे लोक कामासाठी आले आहेत.त्यामध्ये अस्सल भिवंडीकरांची संख्या कमी होत चालली आहे..त्यामुळे ही मिसळीची महती सांगणारे कमी होत चालले आहेत.

मुंबईत असताना मी एकदा मिसळ खाण्यासाठी म्हणून ठाण्याला गेलो होतो, भरीस भर म्हणून पुण्याहून एका मित्राला खास मिसळ खाण्यासाठी ठाण्याला बोलावले होते. त्यादिवशी नेमका रविवार होता व हॉटेल बंद होते. तेंव्हा तिथल्या काही दुकानवाल्यांनी एका हॉटेलचे (आमंत्रण की काहीतरी) नाव सांगितले, व तिथे हीच मिसळ मिळते असे सांगितले. तिथे जाऊन मिसळ खाल्ली पण आवडली नाही. :-(
मालालेदार मिसळवाल्यांचे असे एखादे हॉटेल ठाण्यात आहे का?

बाकी चिंचवडमधल्या नेवाळे मिसळ बद्दल कुणीच बोलले नाही........