गेल्या वर्षी बागेत प्लमचे झाड अगदी फळांनी लगडले होते, भरपूर खाऊन, मित्र-परिवारात वाटून ही काही संपेना, ह्या वर्षी ठरवले होते की प्लम लागले की खाऊन उरतील त्याची चटणी, जॅम असे काही बनवायचे , पण ह्यावर्षी फुलं तशी कमीच फुलली मग फळं ही त्यामनाने कमीच लागली, दोनदा काढून खाऊन झाले मग म्हटले आता जी उरली आहेत त्याची चटणी करु, तर ही प्लमची आंबट-गोड-तिखट चटणी / रेलिशची पाकृ देतेय.
साहित्यः
१२-१५ पिकलेली प्लम्स (आमच्याकडे व्ह्किटोरिया जातीची प्लम्स आहेत, कोणतीही पिकलेली प्लम्स घेऊ शकता)
साधारण १/२ वाटी चिरलेला गुळ (प्लम्सच्या गोडीनुसार गुळाचे प्रमाण घ्यावे)
१/२ टीस्पून मोहरी
१/२ टीस्पून जीरे
१/२ टीस्पून बडीशेप
३-४ लवंगा
१/२ इंच आले किसून घेणे
१-१/४ टीस्पून लाल तिखट
मीठ चवीनुसार
पाकृ:
प्लमस स्वच्छ धुवून, बिया काढून, बारीक फोडी करुन घेणे.
पॅनमध्ये तेल गरम करुन मोहरी, लवंगा घालून फोडणी करणे.
मोहरी तडतडली की जीरे व बडीशेप घालून परतणे.
आता त्यात चिरलेले प्लम्सचे तुकडे घालून ५ मिनिटे परतणे.
प्लमला पाणी सुटून ते मऊसर होतील, जमेल तसे चमच्याने गर दाबून घ्यावा.
आता त्या किसलेले आले व मीठ घालून घेणे.
दोन मिनिटे परतल्यावर त्यात लाल तिखट व गुळ घालून मध्यम आचेवर सतत ढवळत राहणे.
४-५ मिनिटांनी मिश्रणातील ओलसरपण कमी होऊन मिश्रण दाट होऊ लागेल, तेव्हा गॅस बंद करावा.
चटणी पूर्ण गार होऊ द्यावी.
स्टरलाईज्ड बर्णित चटणी भरुन रेफ्रिजरेटरमध्ये ठेवल्यास २-३ आठवडे सहज टिकते.
ही चटणी तोंडीलावणे म्हणून किंवा पराठे, ब्रेड, पॅनकेक्ससोबत किंवा क्रॅकर्स व चीझसोबत सर्व्ह करु शकता.
प्रतिक्रिया
5 Sep 2015 - 1:33 am | स्रुजा
वाह ! काय सुंदर दिसतीये. मी अशी विशाखाच्या रेसिपी ने अ‍ॅपल प्लम चटणी करते. मला ही लवंग , बडिशेप आणि आल्याची आयडिया फार आवडली. आता नुसती प्लम्स ची पण एकदा करेन :)
5 Sep 2015 - 2:08 am | Mrunalini
वाव..एकदम टेम्पटिंग दिसतीये चटणी..सद्ध्या इथे पण बरेच मिळतायत प्लम्स. आता करुन बघते.
5 Sep 2015 - 4:51 am | dadadarekar
मस्त
5 Sep 2015 - 5:27 am | श्रीरंग_जोशी
एकदम तोंपासु आहे ही पाककृती.
अवांतर - माझी आई टमाट्यांचे लसूण घालून लोणचे करते. दिसायला ते असेच दिसते.
5 Sep 2015 - 8:46 am | कैलासवासी सोन्याबापु
काय आठवण काढली श्रीरंग भाऊ!!! अहाहा टोमॅटो ची चटणी !! <३
5 Sep 2015 - 6:00 am | अत्रुप्त आत्मा
मस्त हो मस्त!
5 Sep 2015 - 8:06 am | अजया
तोंपासु!
5 Sep 2015 - 8:36 am | नूतन सावंत
सानिका,_/\_
रंगाभाऊ,लोणच्याची कृती मिळेल का?
5 Sep 2015 - 8:45 am | कैलासवासी सोन्याबापु
प्लम्स म्हणजे आपल्याकडे "आलूबुखारा" म्हणतात तेच फळ असते का? जबरदस्त पाककृती आहे ही.
5 Sep 2015 - 8:53 am | इशा१२३
सुंदर दिसतीय ग चटणी.एकदम तोपासु.
सध्या मिळतायत प्लम.करुन पहाते.
5 Sep 2015 - 9:40 am | तुषार काळभोर
_/\_
आम्ही जातो आमुच्या गांवा,
आमचा रामराम घ्यावा..
5 Sep 2015 - 10:27 am | मनिमौ
छानच असतात तुझ्या पाकृ. देखणे फोटो आणी सोप्या भाषेत लिहिलेले वर्णन
5 Sep 2015 - 11:05 am | नीलमोहर
छान सोपी पाकृ.
प्लम्स आणि ते झाड पण भारीच..
5 Sep 2015 - 11:48 am | कविता१९७८
वाह साने, भारीच
5 Sep 2015 - 11:58 am | जागु
आहाहा काय सुंदर रंग आलाय चटाणीला. मस्तच.
5 Sep 2015 - 12:23 pm | डॉ सुहास म्हात्रे
नेहमीप्रमाणेच "स्लssssssर्प" प्रकारची पाकृ !
5 Sep 2015 - 1:53 pm | पद्मावति
चटणीचा रंग काय मस्तं चटकदार दिसतोय.
छान सोपी पाककृती. प्लम्स नुसते खायला मला फार आवडत नाहीत पण आता ही चटणीची आयडिया फारच मस्तं मिळाली. नक्की करून पाहते.
5 Sep 2015 - 7:08 pm | मनीषा
चटणी छान दिसते आहे.
चविष्टं असणारच
5 Sep 2015 - 7:44 pm | अभ्या..
छान फोटो.
मस्त प्रेझेण्टेशन
5 Sep 2015 - 10:52 pm | पैसा
कसली भारी दिसते आहे ती चटणी!
5 Sep 2015 - 11:04 pm | त्रिवेणी
कसला सुंदर कलर आलय ग चटनीला.
जरा कमी खटपट आहे सो नक्की करुन बघनार.
6 Sep 2015 - 1:17 pm | उमा @ मिपा
सुंदर!
11 Sep 2015 - 3:38 pm | मीता
मस्त चटणी
11 Sep 2015 - 4:48 pm | सूड
भारी!!
11 Sep 2015 - 5:47 pm | रेवती
वाह! फोटो किती सुंदर. पाकृही आवडली.
12 Sep 2015 - 5:07 am | मदनबाण
मस्त ! :)
शेवटचा फोटू त्रास दायक आहे ! ;)
मदनबाण.....
आजची स्वाक्षरी :- Nazrein Mili Dil Dhadka... ;) :- Raja
12 Sep 2015 - 1:22 pm | सविता००१
केली मी ही चटणी.
मस्स्स्स्स्स्स्स्स्स्स्त
जाम भाव खाल्ला आहे तुझ्या रेसिपीने.
झकास
12 Sep 2015 - 9:51 pm | स्वाती२
मस्त दिसतेय!
मी प्लमची चटणी फ्रीज करुन ठेवलेय. लागेल तसे एक पाकिट काढते.
16 Sep 2015 - 6:19 pm | दिपक.कुवेत
फोटो कातील...
17 Sep 2015 - 9:35 am | मुक्त विहारि
नेहमीचाच प्रतिसाद...
१. सुंदर फोटो
२. सुंदर लेखनशैली