स्वप्नांच्या शाळेत झालो मी भरती ,झालो ससाणा पोचलो ढगा वरती,
दिसला ससा धरती वरी ,झेप घेतली त्यावरी,
ससा झाला कावरा बावरा,माझा झाला बैजूबावरा ,
घेऊ लागलो तान-लकेर ,क्षणात झालो मी फकिर ,
दुसऱ्या क्षणी होतो मी राजा,वाजू लागला सनई-बाजा,
झालो मी राजाचा रंक ,कधी झालो येसाजी कंक ,
आला हाती दाणपट्टा माझ्या ,चिरू लागलो ताज्या भाज्या,
मौजेची ती स्वप्ने पडती ,स्वप्नात माझ्या झाडे उडती,
गजर झाला जाग मला आली ,स्वप्नांच्या शाळेची सुट्टी झाली .
प्रतिक्रिया
21 Apr 2013 - 6:28 pm | पक पक पक
चान चान....
21 Apr 2013 - 9:58 pm | सस्नेह
ताज्या भाज्या चिरायला दाणपट्टा ?
21 Apr 2013 - 10:16 pm | प्यारे१
छान बालकविता!