खगांचे थवे, पाखरे ही निरागस
काय कसे रज, कण संचिताचे
थकेनात पंख, खळे ना भरारी
रिते मोकळे सोस, निळ्या अंबराचे
न हेवे न दावे, न साठे कशाचे
हवेसे नितळ, पारदर्शी उसासे
ढळे दिवस कोरा, रात्र आणि काळी
जगाची तमा ना, असे खेळ सारे
माणूस मी, भूक, व्याधी उपाधी
मुळी मूढ ईर्षा, अंध, अंग जाळी
परा, बुद्धी-प्रज्ञा, असूनी उपाशी
अवकाळ मोठा, सदा मोह पाशी
.........................अज्ञात
प्रतिक्रिया
22 Feb 2013 - 10:07 am | फिझा
आवडली कविता !!
22 Feb 2013 - 2:03 pm | मिसळलेला काव्यप्रेमी
परत एक सुंदर रचना
सुरेख!!
22 Feb 2013 - 11:52 pm | अभ्या..
:) सुरेख
23 Feb 2013 - 12:53 am | शुचि
सुंदर! अहो तो पशुपतीनाथ आहे पक्ष्यांची काळजी घायला.
23 Feb 2013 - 7:59 am | इन्दुसुता
कविता आवडली.
हवेसे नितळ, पारदर्शी उसासे
हे विशेष आवडले.
26 Feb 2013 - 7:01 pm | अज्ञातकुल
सर्वांचे मनापासून आभार :)
28 Feb 2013 - 11:36 pm | सांजसंध्या
छान