जुनी गोष्ट आहे.

जुनी गोष्ट आहे.
कन्या इंजिनीअरिंगच्या शेवटच्या वर्षाला होती..
व लग्न हि ठरले होते तिचे.
रात्री जेवण झाले की आम्ही लॉग राईडला जात असू ..
दिवसभरातल्या गप्पा..पी.जे मजा यायची..
घरी जाताना कुठेतरी कॉफी असा कार्य क्रम असायचा..
मुलगी नव्या पिढीतली असल्याने सी.सी.डी वा तत्सम मध्ये कॉफी पिण्यास जाण्याचा आग्रह करीत असे..
मुळात मला कॉफी आवडत नाही..आम्ही चहा बाज..
त्यांतून जगातला सुंदर चहा फुगेवाडीच्या अशोक च्या टपरीवर मिळतो असे ठाम मत..
खर
मला म्हणजे कॉफी शॉप ही नवी संस्कृती फारशी पसंत नाहि..नव्यास विरोध असे
नाही पण कॉफीच्या कपाला अ‍ॅम्बियन्स च्या नावाखाली ७०-८०रुपये मोजणे मला
पटत नाही..त्या मुळे मी ते टाळत असे.. असो.
शेवटी कन्यच्या आग्रहा खातर आमची फौज सी.सी.डीला गेली..
मुलीचा व मैत्रिणीचा या ठिकाणी राबता असावा.कारण ऑर्डर घेणा~या मुलाने तिला ओळखीचे स्मित हास्य दिले.
हिने व कन्याने कॉफी मागवली व मी चहा..
व आम्ही गप्पात रंगलो..
थोड्याच वेळात त्या युवकाने कॉफी व चहा सर्व्ह केला.
चहा विदेशी पद्धतीने दिला होता म्हणजे चहा निराळा साखर व दूध निराळे..
मी
पण चहाच्या बॅग्ज्स डीप डीप करत होतो...कपाला हात लावल्यावर मला कप गरम
लागला नाही म्हणून मी चहात बोट बुडवले तर चहा अगदी कोमट व पिण्या योग्य
नसल्याचे ध्यानात आले..
त्या मुळे मी त्या मुलास हाक मारली व चहा कोमट असल्याचे सांगितले.
त्या वर त्याने "बहुतेक हीटर ची कॉइल गेली असेल..व दूध तर गरम आहे " असे सांगू लागला.
मला
त्या सबबी पटेनात..एक तर आमचे उभे आयुष्य कामगारा मधे गेलेले..किती अडचणी
असल्या तरी त्या वर मात करीत जॉब अचूक झालाच पाहिजे अश्या "स्कूल ऑफ
थॉट्स" मधून मी आलेला असल्याने मी त्याला सबबी न सांगणे..अडचणीवर मात करणे
ग्राहक व सेवा यावर १-दीड मिनिटात सुनावले व जर चहा गरम होत नसेल तर हरकत
नाही ऑर्डर कॅन्सल करा असे म्हणून विषय संपवला..
त्याने पण तो गार चहा उचलला व निघून गेला...
तो गेल्यावर कन्या भडकली व म्हणाली.." पपा तुम्ही म्हणजे न..किती लेक्चर दिले त्याला...
हे
ऐकल्यावर आर्यपत्नी तरी कशी संधी सोडेल? कन्येच्या सुरात सुर मिसळतं तिची
री ओढत त्या वदल्या "नाही तर काय..पपाला कुठे काय बोलावे समजतच नाही..
नुसते चहा गार आहे गरम करून आण इतके बोलायचे सोडून बसले लेक्चर देत.."
त्या
वर मी काहीच बोललो नाही..पण माझी प्रतिक्रिया खुप उत्स्फूर्त/प्रतिक्षिप्त
होती..का कुणास ठाऊक सबबी सांगणारे डोक्यात जातात..थोडे शांत झाल्यावर
मात्र मला हि पटले इतके बोलायची काही गरज नव्हती..
शेवटी दोघीची कॉफी पिणे संपल्यावर बिलाची वाट पाहतं बसलो..
मी हिला सांगितले तुम्ही बिल द्या तो पर्यंत मी कार इकडे आणतो..व चालू पडलो..
चार पाउले चाललो नसेल तेव्हढ्यात मुलीची हाक आली मागे वळून पाहिले तर त्या युवकाने चहा आणलेला होता..
मी
परत फिरलो..चहा व्यवस्थित गरम होता.त्याला थ्यांक्स केले व चहा घेतला व
बिल देऊन आम्ही बाहेर पडलो.मला खात्री होती की कामगारा ने मनात आणले की तो
अडचणीवर मात करू शकतो..मात्र मनात नसेल तर ...
पुढे कन्यचे लग्न झाले व ति सासरी गेली.त्या मुळे सारेच बंद झाले..
पुढे १-१.१/२ वर्षानंतर ति व जावई भारतात आले.
एका दुपारी बहिणीची मुलगी पण राहायला आली होती..गप्पा मारताना एकदम सी.सी.डी ला जायचे ठरले.
सी.सी.डी म्हटल्यावर हि व मुलगी माझ्याकडे बघून हसले व मलाही तो जुना प्रसंग आठवला.
कपडे
बदलून सारे तयार होत होतो तितक्यात हिने मुली समोर दादा गिरी करत मला
दटावले व जावया समोर लेक्चर बाजी नको.चहा गार असेल तर मला सांगा मी
व्यवस्था करते असा दम भरला.
च्यायला..बायका कुठे कसे उट्टे काढतील याचा नेम नसतो.
आम्ही
सी.सी.डी च्या कॉफी शॉप मध्ये गेलो..५-५.३० चा सुमार असल्याने पॅटिओ मधे न
बसता आत ए.सी त बसलो..मी मेनू कार्ड चाळत होतो.तेव्हढ्या मुलगी समोर उभ्या
असलेल्या एक्सेकुटिव्ह लुक असलेल्या युवकाशी बोलत असल्याचे लक्षात
आले..साधारण तो तिला हल्ली दिसत नाहीत व त्यावर ति सांगत होती की लग्न
झाले असून भारतात नसते अश्या स्वरूपाचे बोलणे काना वर आले..त्याने पण
माझ्या कडे बघून एक स्मित हास्य केले व मी पण परत फेड केली.
ओळखींचा वाटत होता पण नेमका कोण लक्षात येईना.
तो गेल्यावर कन्या म्हणाली पपा .ओळखला का याला? तुम्ही त्याला चहा गार दिला म्हणून लेक्चर दिले तो..आता हा या ब्रॅंच चा मॅनेजर आहे.
मी बर म्हतले.
आम्ही ऑर्डर दिली मी चहाच मागवला.
चहा मात्र यावेळी चांगला गरम होता..
गप्पा टप्पा संपल्यावर बिल आले मी बिल चेक करून पैसे काढले तेव्हढ्यात तो युवक समोर आला व मला म्हणाला..
सर चहा मनासारखा गरम होता ना?
मी ओळखले की तो युवक हि तो प्रसंग विसरलेला नाही..
हो मस्त मजा आली चहा पिताना.. मी त्याला हसत म्हटले.
तुम्हाला आठवते का एकदा चहा गार होता म्हणून तुम्ही मला काही टिप्स दिल्या होत्या...
संभाषण नेमके कुठल्या दिशेने जाणार न कळल्याने मी सावधपणे म्हटले ..हो चहा त्या वेळी फारच गार होता म्हणून जरा चिडलो पण होतो..
त्या
वर तो हसत म्हणाला..पण सर त्या प्रसंगा नंतर व टिप्स मुळे मी मात्र
बदललो..कामा कडे बघण्याचा माझा नजरीया बदलला. व मीजास्त इन्वॉल्व होऊन काम
करू लागलो...
माझ्यातला बदल म~नेजमेंटच्या पण लक्षात आला व काही महिन्या पूर्वीच मला प्रमोशन मिळाले व मी या ब्रांच्यचा इनचार्ज आहे....
ते ऐकून मला मात्र खूपं बरे वाटले.. अनेक कामगारांना मी शिकवले होते..नाठाळात बदल करून कामास उद्युक्त केले होते..
वा अभिनंदन ...असे म्हणून मी त्याच्या कडे बघून हसलो..व पैसे बिला जवळ ठेवले.
पुढे तो म्हणाला.. सर मी आपणास एक विनंती करतो की आजची ट्रीट तुमच्या परिवारास माझ्या कडुन..कृपया पैसे देऊ नका..व ट्रीट कबुल करा..
मी पण काहि न बोलता त्याच्या विनंतीस मान देऊन पैसे खिशात ठेवले..
खूपं बरे वाटत होते..
जाताना त्याच्या पाठी वर एक कौतुकाची थाप मारत कीप इट अप असे म्हणत बाहेर पडलो.