साहित्यः
२-३ वाट्या मिक्स भाज्या (बेबीकॉर्न , रंगीत भोपळी मिरच्या, गाजर )
भरताचे वांगे (अर्धेच ) बारीक चिरुन मीठाच्या पाण्यात घालून ठेवणे
२ कांदे बारीक चिरुन
मुठभर पालकाची पाने
२-३ लसुण पाकळ्या बारीक चिरून
बेसील (इटालियन तुळस ;) )
तयार Lasagna /Lasagne सॉस (मी डॉलमियो/ दॉलमियो सॉस वापरला आहे)
किसलेले मोझ्झरेला चीज
किसलेले पारमेझान चीज
२ टीस्पून पांढरी किंवा काळीमिरपूड
१-२ टीस्पून ड्राईड हर्ब्स
ऑलिव्ह ऑईल
तयार Lasagna / Lasagne शीट्स (पास्ता शीट्स)
मीठ चवीनुसार
पाकृ:
एका भांड्यात पाणी व थोडे तेल घालून उकळायला ठेवावे. पाणी उकळू लागले की त्यात पास्ता शीट्स घालाव्यात. पास्ता शीट्स शिजल्या की भांडे गार पाण्याखाली धरावे व शीट्स चाळणीत काढून ठेवावे.
एका पॅनमध्ये ऑलिव्ह ऑईल गरम करावे व त्यात बारीक चिरलेला लसुण व कांदा घालून परतणे.
कांदा परतला गेला की त्यात मिक्स भाज्या घालून परतावे.
भाज्या चांगल्या परतल्या की त्यात चिरलेले वांगे व पालकाची पाने घालावीत.
वांगे जरा मऊ झाले की त्यात पास्ता सॉस घालावा व सगळं एकत्र करावे.
त्यात थोडेच मीठ (पास्ता सॉसमध्ये ही मीठ असतं व चीजमध्ये ही त्याप्रमाणे थोडेच घालावे ) ड्राईड हर्ब्स व मिरपूड घालावी.
काचेच्या चौकोनी डिशला थोडं बटर लावून घ्यावे. त्यावर थोडा तयार केलेला सॉस पसरावा.
आता त्यावर शिजवलेल्या पास्ता शीट्स लावावे. ( पास्ता शीट्स शिजवताना काळजी घ्यावी,माझ्या काही शीट्स एकमेकांना चिकटल्या होत्या त्यामुळे मला त्याचे तुकडे कापावे लागले :( तसेही आपल्याला थर द्यायचे आहेत म्हणून चालून गेले )
त्यावर पुन्हा तयार केलेला सॉस पसरावा, बेसीलची पाने घालावी व किसलेले पारमेझान चीज भुरभुरावे.
त्यावर पुन्हा पास्ता शीट्स लावाव्यात व परत सगळे सॉस, बेसील व पारमेझान चीज लावावे , असे सगळे थर तयार कारावे.शेवटी पास्ता शीटने सगळे कव्हर करावे.
आता त्यावर पुन्हा सॉस, पारमेझान चीज लावावे. शेवटी किसलेले मोझ्झरेला चीज पसरावे.
प्री-हीट केलेल्या ओव्हनमध्ये १८० डीग्रीवर ४०-४५ मिनिटे बेक करावे.
Veg Lasagna /Lasagne तयार आहे :) गरमा-गरम सर्व्ह करा.
हे घ्या :)
नोटः
*हल्ली अशा ही Lasagna /Lasagne शीट्स मिळतात ज्या प्री-कुक कराव्या लागत नाही...थेट पाकृत वापरता येतात तुम्ही त्याही वापरु शकता.
*भाज्या तुम्ही कोण्त्याही वापरु शकता मश्रुम, Courgettes, भोपळा.
*तुम्ही नुसता पालक व रीकोटा चीज घालून ही हे बनवु शकता.
*आवडत असल्यास पास्ताचे थर देताना मध्ये व्हाईट सॉस ही लावु शकता.
प्रतिक्रिया
6 Feb 2012 - 6:43 pm | बिपिन कार्यकर्ते
लासान्या आवडतंच. सध्या आमची एक पाकृ एक्स्पर्ट मैत्रिण उपलब्ध आहे, तेव्हा हे करून बघितल्या जाईल! :)
फोटो मात्र अतिशय टेम्प्टिंग आहेत! :(
6 Feb 2012 - 6:55 pm | स्मिता.
माझं फेवरेट्ट आणि फोटू अॅज युज्वल! इथे पाकृ दिल्याबद्दल अनेकानेक आभार... पण नुसतं पाकृ वाचून जिभेचे चोचले नाही ना पुरवले जात :(
फक्त पालक व रीकोटा चीज घालून केलेलं लसान्या आवडत नाही. फार लगेच नकोसं होतं.
6 Feb 2012 - 7:26 pm | Maharani
माझी आवडती पाकृ !! share केल्या बद्द्ल धन्यवाद!! TEMPTING!!
6 Feb 2012 - 7:46 pm | मानस्
छान दिसतोय पदार्थ, पण इथे पुण्यात यातलं बरचसं साहित्य मिळेल असं वाटत नाही.
6 Feb 2012 - 8:56 pm | बिपिन कार्यकर्ते
इथे मिळतंय का बघा बरं! मिळालं तर बनवा आणि आम्हाला बोलवा! :)
http://pune.metromela.com/Dorabjee%27s/store/Camp/796
6 Feb 2012 - 10:27 pm | निवेदिता-ताई
पण पुणे तिथे काय उणे--- अस म्हणतात ना..
6 Feb 2012 - 9:25 pm | पिंगू
झकास.. मस्त बनलाय.. फक्त तोंडी तारीफ करु शकतो, प्रत्यक्ष बनवायला केव्हा वेळ मिळेल माहित नाही..
- पिंगू
6 Feb 2012 - 9:28 pm | प्राजु
माझी अतिशय लाडकी डीश आहे..
मी पालक रिकोटा घालून करते... :)
7 Feb 2012 - 10:22 am | पियुशा
झक्कास !!!!!!
6 Feb 2012 - 9:49 pm | जाई.
खल्लास
6 Feb 2012 - 10:20 pm | अत्रुप्त आत्मा
शेवटून दोन फटूंमुळे पहाता क्षणीच प्रचंड भूक लागल्या ग्येली आहे... आता कधी खाइन असं झालेलं आहे...
6 Feb 2012 - 10:36 pm | रेवती
छान!
पालक व रिकोटा वापरून एक दोनदा लसानिया केले पण टेस्टमध्ये वेगळेपण नव्हते.
आता भाज्या घालून करून पाहीन.
6 Feb 2012 - 11:27 pm | चिंतामणी
भोपळी मिरचीला पर्याय चांगले आहेत हे.
नेहमी प्रमाणे फोटो कातील. शेवटुन दुस-या फोटोत चिजला आलेला रंग फारच Tempting आहे.
अवांतर - यूरोपीअन लोक भोपळी मिरची खातात का???????
.
7 Feb 2012 - 1:42 am | प्राजु
खातात ना! न खायला काय झालं??
फक्त ग्रीन पेप्पर, रेड पेप्पर, यल्लो पेप्पर, बेल पेप्पर अशी नावे असतात.
6 Feb 2012 - 11:33 pm | मयुरपिंपळे
सानिका खुपच छान फोटु आहे... पण तुम्ही एवढे छान छान फोटु काढता पण कॉपीराईट्स हे कोपरात का टाकत नाही.
त्यामुळे सर्व मज्जा निगुन जाते.. असे मला वाटते.
7 Feb 2012 - 1:40 am | प्राजु
सानिका... तुला एगप्लान्ट पार्माजान येतं का करायला?
किंवा चिकन पार्माजान सुद्धा सांग.
7 Feb 2012 - 6:15 am | सुहास झेले
जबरी.... भूक लागली. शेवटचे दोन फोटो कहर आहेत कहर.... :) :)
7 Feb 2012 - 8:36 am | प्रचेतस
कातिल पाकृ. आता लवकरच लासान्या चापायला कुठेतरी जायला पाहिजे.
7 Feb 2012 - 9:56 am | सविता००१
नेहमीप्रमाणेच झकास. आता तू इकडे कधी येणार आहेस ते सांगून ठेव. म्हणजे एअर्पोर्ट वरून तुला किड्नॅप करते आणि आणते माझ्या घरी ;)
7 Feb 2012 - 10:23 am | गवि
7 Feb 2012 - 10:31 am | इरसाल
टकाटक. चीझ टाकलेला पदार्थ म्हणजे माझ्या जिभेवरचे सगळे बड्स तरारून येतात आणि त्यांना रीन्झ करायला लाळेच्या सगळ्या वाहिन्या मोकळ्या होतात.
अवांतर : स्वप्नीलचे वजन सध्या किती आहे ?
7 Feb 2012 - 10:44 pm | सानिकास्वप्निल
हो नॉन-व्हेज नक्की बनेल :)
अवांतर : स्वप्निल अगदी फिट आहे :) भरपुर खा आणी व्यायाम करा हे आम्ही अगदी कटा़क्षाने पाळतो ;)
7 Feb 2012 - 3:43 pm | प्राजक्ता पवार
मस्तं ! :)
7 Feb 2012 - 4:03 pm | सुहास..
छान !
वरदुराज पण येवु द्यात !!
7 Feb 2012 - 6:18 pm | स्वाती२
मस्त!
7 Feb 2012 - 7:52 pm | Pearl
मस्तच. माझीही आवडती डिश. पण घरी नव्हती करून पाहिली.
रेसिपी छान आणि सोपी वाटते. करून पाहिन आता. धन्स.
१-२ टीस्पून ड्राईड हर्ब्स - हे नक्की कोणते ड्राइड हर्ब्स घ्यायचे? कारण हर्ब्स सेक्शन मध्ये ड्राइड हर्ब्सचे खूप प्रकार असतात. मग कन्फ्यूज व्हायला होते.
7 Feb 2012 - 10:38 pm | सानिकास्वप्निल
ड्राईड हर्ब्स मध्ये सगळ्या प्रकारचे हर्ब्स असतात, थाईम, ऑरेगॅनो, रोझमेरी, बेसील वगैरे :)
तुम्हाला जर का mixed ड्राईड हर्ब्स मिळाले तर उत्तम नाहीतर तुम्ही ऑरेगॅनो ही वापरु शकता तसे ही आपण ह्यात फ्रेश बेसील वापरत आहोत :)
7 Feb 2012 - 7:39 pm | गणपा
एकदम 'हेल्दी' पाकृ. :)
कधी योग येणार चाखायचा कोण जाणे.
7 Feb 2012 - 10:15 pm | पैसा
पण मला शेजारच्या अंकलच्या दुकानात फक्त मीठ आणि मिरपूड मिळेल, आणि भाजी मार्केटात भाज्या मिळतील त्यातून काही पदार्थ तयार करता येतो का हे बघावं लागेल! ;)
7 Feb 2012 - 10:48 pm | प्रा.डॉ.दिलीप बिरुटे
पाकृती होईल तेव्हा होईल किंवा वाटेला येईल तेव्हा येईल पण, पाककृतीच्या निमित्तानं टाकलेले फोटो स्पष्ट, स्वच्छ, आणि जीवघेणे असतात एवढेच सांगण्यासाठी ही पोच. :)
-दिलीप बिरुटे