रात्र काळी, चंद्र भाळी
तरूण चांदणी नवी नव्हाळी
नशा आगळी, सूर पाघळी
सळसळणार्या रानोमाळी
पिसे जीवाला, वेड मनाला
झुळझुळ वारा, गंध ओला
कोण काजवा, उगा हासला
तीट लावतो अंधाराला
नक्षत्रांच्या सहस्र माळा
धरेच्या गळा, साज आगळा
पहाट वेळा, धुक्याची कळा
रंग केशरी, या आभाळा
गारठलेली, धरा ल्यायली
शुभ्र धुक्याच्या, गर्द शाली
सूर्यकणांची मैफ़ल सजली
क्षितिजावरच्या, भव्य महाली
पहाट लेणे, रूप देखणे,
किलबिल गाणे, नवे उखाणे
शब्द रंगणे, मनी गुंफ़णे
कविते, हे तर तुझेच देणे..!
- प्राजु
प्रतिक्रिया
8 Feb 2010 - 11:18 pm | शेखर
सुंदर कवीता प्राजुजी....
मी आपल्या कवितांची कायम वाट पाहत असतो....
8 Feb 2010 - 11:20 pm | चतुरंग
मी सुद्धा वाट पाहत असतो! ;)
चतुरंग
8 Feb 2010 - 11:27 pm | अविनाशकुलकर्णी
सुंदर कविता..क्या बात है..झकास
9 Feb 2010 - 12:03 am | विसोबा खेचर
कविता तशी चांगली आहे.
आमची सकाळ पोटापाण्याच्या चिंतेने अत्यंत काळजीने उगवते. साला वास्तव फार भयानक असतं हेच खरं!
असो..
तात्या.
9 Feb 2010 - 1:12 am | अनामिक
वा वा नादमय कविता... आवडेश!
-अनामिक
9 Feb 2010 - 1:41 am | मीनल
+१
रंगी रंगणे, स्वप्न गुंफ़णे
ईश्वरा, हे तर तुझेच देणे..!
असं वाचावस वाटलं.
मीनल.
9 Feb 2010 - 1:42 am | मीनल
+१ . पण शेवटी..
रंगी रंगणे, स्वप्न गुंफ़णे
ईश्वरा, हे तर तुझेच देणे..!
असं वाचावस वाटलं.
मीनल.
9 Feb 2010 - 2:05 am | बिपिन कार्यकर्ते
कविता आवडली.
बिपिन कार्यकर्ते
9 Feb 2010 - 6:44 am | पक्या
छान ..नादमय कविता.
जय महाराष्ट्र , जय मराठी !
9 Feb 2010 - 9:25 am | उदय सप्रे
लय भारी !
म्हणजेच नेहेमीप्रमाणेच !
9 Feb 2010 - 3:58 pm | सुधीर काळे
प्राजू,
आधी विडंबन वाचल्यावर ’वरिजिनल’ कविता वाचली.
रंगासेठ यांची माफी मागून लिहितो कीं वरिजिनल "तुफ्फान" आहे.
तुम्हा लोकांना कविता सुचतातच कशा?
(तसेच संगीत दिग्दर्शकांना चाली कशा सुचतात?)
दोन्ही फार कठीण आहे!!
------------------------
सुधीर काळे
बाद मुद्दत उन्हें देखकर यूँ लगा, जैसे बेकार दिलको करार आ गया!
10 Feb 2010 - 12:41 am | प्राजु
सर्वांचे मनापासून आभार. :)
- प्राजक्ता
http://www.praaju.com/
10 Feb 2010 - 1:18 pm | वर्षा म्हसकर-नायर
प्राजु,
कविता आवडली. विडंबन पहिले वाचले आणि तिथुन इथे आले. पण कविता खरंच आवडली.