मन भरून येते पण आभाळ काही भरत नाही

मन भरून येते पण आभाळ काही भरत नाही
उलाघाली दीस जातो पण रात्र काही सरत नाही....

दोष थोडा पावसाचा अन दोष थोडा माझाही,
कहर बरसतो वरुन तरी आत काही भिजवत नाही..

रोज रोज गा-हाणे मित्र ऐकून ऐकणार काय ?
भर दुपार मैफल माझी साकी कोणी सजवत नाही ..

ढगाळ दुपार ओसरून
सांज त्यावर कलताना ..
रिता पेला रिते मन
घेउन गाणे म्हणताना ...

मीच मला संगतीला ताल कोणी धरत नाही ....
उलाघाली दीस जातो पण रात्र काही सरत नाही....
-- सागर लहरी ३/८/२०0९