विडंबन

(चाल : एक धागा सुखाचा -)

एक त्रागा सुनेचा , शंभर त्रागे सासूचे -
घरोघरी हे चित्र माणसा , तुझिया संसाराचे !

तू असशी जरी कर्ता तगडा ,
सासू सुनेचा बघशी झगडा -
सुटकेसाठी करशी नाटक - तूच आजारांचे !

उचलबांगडी बालपणाची ,
धुळीत स्वप्ने तारुण्याची -
जीर्ण माय मग उरे शेवटी - अजीर्ण अर्धांगीचे !

सासू सुनातें बघतो कोणी ,
एक सारखी बसती फुगोनी -
कुणा न दिसले , भांडणात त्या - हाल बिचाऱ्याचे !

एका तळ्यात होती बदके पिले सुरेख
होते अतिशहाणे पिल्लू तयात एक

घेताच कोणी त्याला खेळावयास संगे
सर्वाहुनी निराळे बळेच ते तरंगे

दावूनी बोट त्याला म्हणती खजिल लोक
आहे अतिशहाणे पिल्लू तळ्यात एक

पिल्लास माज भारी खुळे म्हणे सर्वांसी
पाखंड अविचारी सांगेल ते जनांसी

जो जो तयास टोची दावी उगाच धाक
होते अतिशहाणे पिल्लू तळ्यात एक

एके दिनी परंतु पिल्लास ना कळाले
ढापीव ज्ञान त्याचे डबक्यामध्ये बुडाले

घाणीत डुंबताना जन्मांतरी कित्येक
कधी न त्या कळाले तो मंडूकच एक

कालच्या सामन्याच्या मानकर्‍यांसाठी आणि अर्थात आमच्या लाडक्या सचिनदेवासाठी हे कवन...

म पो से
सदरक्षणाय खलनिग्रहाय,
चोर सोडुन पोलीसच मातलाय,
गरीबांच्या पैशांची दारु मारी,
अन म्हणतोय मी जावई सरकारी

,
दिसली गाडी की मार झडप ,
दहा आले,वीस आले कर हडप ,
अंगात खाकी आहे म्हणुन लोकही देतात मान,
नाहीतर सगळेच म्हणतात काढा ही घान,
सच्चा असो वा बेईमान तुमच्यासाठी सर्व समान,
पैसा दाखवला की झुकते यांची मान ,
दहा हजार पगारात्,दहा मजली ईमारत,
तरीही नाही तुमच्या वर आयकर खात्याची हरकत,
अहो म पो से आता तरी सुधरा,
नीदान खाकी साठी तरी
तुमच्यात बदल करा,

( चाल: आज गोकुळात रंग खेळतो हरी - )

रोज कौतुकात दंग बायको जरी ,
लाटणे जरा जपून आज बघ करी |धृ |

तोच मित्र रोज सिगारेट ओढतो
थेट खिशातून तुझ्या नोट काढतो ,
गुंतवुनी बोलण्यात चहा उकळतो -
सावध केले मी तुला कितीदा तरी |१|

सांग मित्रमंडळास काय जाहले ?
कुणी गंडविल्याविना कुणा न सोडले !
ज्यास त्यास लुटण्याचे चंग बांधले -
एकटाच वाचशील काय तू तरी |२|

तू कधीच रंगढंग नाही उधळला !
मित्रमंडळात तरी कसा गुंगला ?
तो पहा - चंडिकेस पत्ता लागला ...
हाय, धावली धरून लाटणे करी |३|

प्रेरणा-

थू थू अजि थुकला, थनी टोचला
थुंके थुथु ताजा | तो थुथुराजा
आता थुंकला, थनी टोचला

थुंकुची थाथूर होते थाप, जे थुंक थांबले|
परि वचन थुथुने त्याशी थुंकवंत ठेले||
थुंकत थाथूर शब्द त्या पुन्हा थुंकण्याते|
थुथवुनी सकल माझी थुथुशक्ती फस्त होते

आता थुंकला, थनी टोचला