विडंबन

काल अगदी असंच मला तो नेसकॅफेवर कॉफी पिताना भेटला
मी "मी पाटील" म्हणताच, "मी नातलग" काहीसं तो म्हटला
माझं सारं बोलणं तसं अगदी पुर्णपणे ईंग्रजीतून चालू होतं
तो मात्र मराठी आणि ईंग्रजी दोन्हींची काशी घालताना दिसला

माझ्याच वयाचा, पण "सार्‍या जगाचं ओझं माझ्या खांदयावर"
असं शब्दाशब्दाला भासवणारा, मला जरा तो आगाऊच वाटला
पोरगा नक्कीच सुखवस्तू अन खात्यापित्या घरातला असावा
"मोबाईल, गाडीचा" अभिमान त्याच्या चेहर्‍यावर होता साचला

आमची प्रेरणा
आपल्यालाही जमायला हवं
'बाबां'सारखं वागायला
पोलिस आले पकडायला तर
पाय लावून पळायला

॥ काँग्रेसची आरती़॥
मुळ रचना-आरती ज्ञानराजा॥

आरती काँग्रेसराजा,तुझा वाजला बेंडबाजा।
दुष्टावा नी दंभाचा,कीती झाला गाजावाजा॥ध्रु॥

गाड-गीळांचा अंनंत,आणी दिग्विजयांचा सींगं।
चॅ नल वरी गुरंगूरं,त्यांचं फुटलं आता बींग॥१॥

अण्णांचं आंदोलनं,मागुन रामदेवांची तोफ।
वाट लागली काँग्रेसची,त्यांची पुरती उडली झोप॥२॥

बाबांमागे पोलीसं,किती बेरकी कारस्थान।
अत्याचारी काँग्रेसनी,कापली लोकशाहीची मानं॥३॥

आज-काल मला तुझी
'करुणा' वाटायला लागली आहे...
टूजीचा अमंगळ गजर
आता पाठलाग करायला लागला आहे...

उगाच वोट्स मागायला,
कितींदा रे येतोस?
डीबीच्या रीआलिटी शो मध्ये
बलवा मात्र 'शहीद' होऊन जातो

बोलयचं असतं मला, बरच काही
नजर सांगून जाते,
मिडीयासमोर येताच, का मग
माझी कणी मोळी होऊन जाते?

'दया' उरली नाही
उरली 'करुणा'ही नाही
एअर सेलच्या हवाबंद डब्यात
पुरेसा 'निधी' जमला नाही

बंधू- भगीनी नकोत मला,
भ्रष्टाचारात रमतो मी...
म्हणूनच देशप्रेमाच्या भावना
स्वस्तातच विकल्यात मी!

राजाच्याजवळी अधिकार कसले आहे चमत्कारिक
देई ठेऊन ते कुठे अजून हे नाही कुणा ठाऊक
त्याचा बडगा चालतो न कधीही आहे मुका वाटते
शक्ती येई न त्यास हो कधि तरी राष्ट्र कसे चालते?

देशातून कल्लोळ आज उठला राजा पाहतो जरी
मंत्र्यावर राज्य टाकून निजतसे रात्री बिछान्यावरी
बारा भानगडी अश्या सतत हो तो हाक ये नेमकी
राजा गोंधळ माजला चहूकडे आता तरी उठ कि

'अम्मा'ची करण्यात जम्मत तसे शिबूसवे भांडता
जाई संपुनिया टर्महि मुळी पत्ता कधि लागता
राजाने परतून राज्य बघुनी मांडे मनी भाजले
डाव्यांवीण असले तरीही फसले चोहीकडे आदळे

आमची प्रेरणा चित्तरंजन यांची अप्रतिम गझल तसा प्रत्येक वर्षी जून येतो

तसा प्रत्येक दिवशी मून येतो
तझ्या वाचूनही हनिमून येतो
फिकटसे चेहरे स्मरतात काही
पुन्हा नोस्ताल्जिया गडदून येतो

कुणी नाही, कुणी चिटपाखरूही
अशा वाटाच मी पाहून येतो
कुणी आहे तिथे, बेचैन आहे
किती आवाज हा आतून येतो

तिच्या मौनातली उद्गारचिन्हे
असा का हा बरे थांबून येतो?
कसे सांगू तिला मी काय होते
इथे कोणी कधी सांगून येतो?

सध्या कंपनीत सगळीकडे अपरेझलच्या चर्चा आणि काथ्याकुट चालू आहे, त्यातच काल कविवर्य सुरेश भटांची अप्रतिम गझल आकाश उजळले होते वाचनात आली आणि आमच्या लेखणीला बर्‍याच दिवसांनी प्रेरणा मिळाली..

इतकेच मला भरताना अपरेझल कळले होते
सगळ्यांचे रेटिंग 'त्यांनी' आधीच ठरवले होते

ही सिस्टिम अपरेझलची बोलून बदलली नाही
मी ऍप्रिशिएशन लेटर नुसतेच जमवले होते

मी ऐकवली साहेबाला माझी 'कर्म' कहाणी
'यादी'तून त्यांने माझे पण नाव वगळले होते

झालेल्या अपरेझलचा उपहास चला विसरू या
(रेटिंग कधी दिधलेले माघारी वळले होते? )

या विडंबनाची स्फूर्ती आहे अरूण मनोहरांची ही सुंदर गझल, त्या चांगल्या शब्दांचा 'कच्चा माल' म्हणून वापर केल्याबद्दल क्षमस्व!

अताशा असे हे मला काय होते
जराशा श्रीखंडाने पँट तंग होते

रिचवित आलो सागर आमरसाचे
आता पाहून थेंबही मन हे दुभंग होते

खूर्चीस पाठी लोटू, चक्क टेबल की हलावे
भलतेच जडभारी झाले ते माझेच अंग होते

टेकून पाठ थोडी पंखा वरी फिरावा
निद्रेत माझिया झणी नुसते तरंग होते

स्वप्नात पाहिले, कळले माझे मला की
संपत्या सुटीचे ते पूर्वरंग होते

( चाल : असावा सुंदर चॉकलेटचा बंगला -)

"आदर्श " सुंदर हाच आमचा बंगला
सरकारी दरबारी 'कुणकुण 'ता चांगला !

ह्या आमच्या बंगल्याला संधीचं दार -
भेसळींच्या पोत्यातनं तिथून वसूल फार !

रोज रोज नोटांच्या ' पेटया ' दोन -
' आल्या आल्या ! '- म्हणायला, छोटासा फोन !

' बिस्किटां'च्या प्राप्तीवर जोर छानदार -
' परमिटां'च्या भांडणात फुल्ल हाल हाल !

खंडणी-खोरामागे बंदा हा रहातो,
मोठ्याशा फायलीशी लपाछपी खेळतो !