विडंबन

कवीवर्य ग.दि.मांची माफी मागून

कतरीनाचा सलमान बाई कधी अ‍ॅशचा हा सलमान
कपडे काढून दावी डोले शोले
कतरीनाचा सलमान बाई कधी अ‍ॅशचा हा सलमान
बिगबॉसच्या ह्या सिज़न साठी किती गाळे घाम॥ध्रु॥

एक एक बाई नवी , फॅन गाई गीत
एक एक लफ़डी जोडी कुणी न धरे ह्याचा हात, बिचारा हा नाथ॥1॥

कधी अ‍ॅश तर कधी कतरीना संगे, हाच होई त्यांचा दास
एक एक प्रकरणी गुंते, फ़ेस येई तोंडास, खानांचा हा खान॥2॥

चाळीशीच्या उंबरठ्यावरती एकच आहे आस
आतातरी कुणी यावे कुणी घ्यावे पास, व्हावे कुणाचातरी नाथ ॥3॥

3

(चाल : गंगा जमुना डोळयात उभ्या का -)

होंडा इंडिका थाटात उभ्या का
जा मुला जा, तिच्या घरी तू सुखी रहा... |धृ |

कडकडुनी तू मिठी मारता, डोळे
माझेपण झाले ओले, चुकवित तोंड बळे
आठवले सारे सारे गहाण ते गाळे
तुज कर्जाचे भय न संगती, जा |१| जा मुला जा....

श्रीमंत उभी सासरा नि सासू जोडी
बघ धूड सासुचे हसले तोंड ती वेंगाडी
पूस रे डोळे या सदऱ्याने - आवर ती जाडी
रूप दर्पणी नसे देखणे, जा |२| जा मुला जा....

(चाल : संथ वाहते कृष्णामाई ....)

संथ पाडते गझला बाई -
गझलेवरच्या प्रतिसादांची जाणिव तिजला नाही |धृ | संथ पाडते ....

कधी न कामें करी लौकर ती ,
कूर्मगतीने सदा करी ती ;
बॉसगिरीची काही पर्वा नाही तिज ठायी |१| संथ पाडते ....

कुणी पुरे ना म्हणती गझला ,
कुणी वर्णिती उच्च गेयता ;
मात्रागणाची करून जंत्री - मोजित कुणी राही |२| संथ पाडते ....

सतत चालते काव्य-टंकणी ,
होई न व्यनितुनी बाई शहाणी ;
वाचकास ही व्हावी कैशी , सांगा सुखदायी |३| संथ पाडते ....

खुलासा : कोणत्याही जातीवर चिखलफेक करण्याचा इरादा नाही. इनो घेऊन विडंबन वाचावे ही विनंती.

प्रेरणा १ , २

वडा म्हणे मढ्याला, 'भलताच खास आहे'
भात आहे बासमती, त्याचीच रास आहे.

केले आहे पिंड, ठेवले आहे नदीकाठी
अगं म्हशी, पण त्याला शिवणार कावळाच आहे.

करे कधी सव्य अन कधी अपसव्य
असे ते जानवे त्याला नेहमी हवेच आहे.

दानं, फळे, सुपार्‍या अन् दक्षिणा भटाला,
(जाणारे)पैसेच फक्त माझे? हा शुद्ध माज आहे! ;)

आमची प्रेरणा - https://misalpav.com/node/18275 -- वड बोलला यमाला

लेखक बोलला संपादकाला ' हा काय पेच आहे ?'
उडवावयला धागा का मी एकटाच दोड्का आहे ?

धागा इथे काढावा, खरडी जरा कराव्या
वाचकांस त्या म्हणावे ' मी पण नवाच आहे'

जो आय्डि कंपुबाजी करण्यास वापरावा
ऐसा अजुन एक डुआय्डि हवाच आहे

प्रतिसाद,खरडी अन व्यनि फक्त ज्येष्ठां
वाचने फक्त माझी, हा शुद्ध जाच आहे

अमरता अन अभय मिळु दे मम धाग्यास आता
मगच सांगेन आय्डि हा, माझा सातवाच आहे

वेताळणीनं वेताळाला सांगितली गोष्ट अन मग आमीबी म्हनलं जरा गुलुगुल बोलूयात पावन्यासंगं..... ;)

वाद असे बहरात वाचका, तुम्ही नका ना रुसू
पाव्हनं चला, झाडावरती बसू !

बघा थेरडा मेला 'घोडा'
शिव्या हासडून मारा जोडा
लाज संस्कृती सारी सोडा
उगा वाटतं खूप लिहावं
नकाच काही पुसू
पाव्हनं चला, झाडावरती बसू !

काढिल खोडी नव्या दमाच्या
पुचाट गप्पा स्वातंत्र्याच्या
स्टोरी सांगिल वेताळाची
जरा मोकळ्या ह्या जालावर
खविस नागरी हसू
पाव्हनं चला, झाडावरती बसू !