विडंबन

[चाल: राधा ही बावरी -]

गर्दीत वाहने-लांब रांग पाहता , नजर भिरभिरते
ऐकून हॉर्न,विसरून भान,ही वाट काढण्या बघते
त्या अतिक्रमणांच्या विळख्यामधुनी- हाक ईश्वरा देई
माता ही घाबरी पोरीची माता ही घाबरी !

इवल्या इवल्या पायांची त्रेधातिरपिट उडताना
थेंब थेंब वाहनातुनी पिचकारीचे पडताना
तो गणवेषाचा रंग पाहता पोर घाबरुन जाई
तो उशीर होता गेट शाळेचे बंद ! मारतील बाई ?

आज इथे तर उद्या तिथे - दूर निधन ते अपघाती
पोरीसोबत जाताना उगा पावले अडखळती
ते ऊन म्हणा पाऊस म्हणा , पालिकेस जाग न येई
ते खड्डा खणणे रस्त्यामधुनी , बंद कधी ना होई !

(मा.सलिलदांच्या कवितेतील काही ओळी त्यांची क्षमा मागुन)

वास्तव बदललं तरी आठवणी पुसल्या जात नाहीत. कांदा उतरला म्हणतात. कवितेची वेळ जरी चुकली तरी वेदना अजून ताज्याच आहेत.
या कांद्याचं मूळ येथे आहे.

सख्या चला बागामधी , पेरु कांदे चला.

पुन्हा एकदा पी. सावळाराम यांची माफी मागून,

घट सगळे धर चल सखये, नळ मोरीमधला बंद झाला, बंद झाला रे ॥धृ.॥

धुणि कशि होतील, अर्धीच र्‍हातील,
जो तो आता रांगही लावील
सर्व कुळाच्या संडासाला, बंद झाला रे, बंद झाला रे ॥१॥

बघ तो वरचा भट शिंदळिचा,
कितके घट तो आणि एकटा
मध्येच लायनित तो घुसला रे, बंद झाला रे बंद झाला रे ॥२॥

नेलीस जोडी, भरे तेवढी
तोवर करतो जिन्यात कोंडी
छकुली तूही धर हा पेला, बंद झाला रे, बंद झाला रे ॥३॥

मूळ गीत : घट डोईवर घट कमरेवर

आदर्श म्हणॆ लवासाला
तु किती लाखाचा
तर टु-जी म्हणे सी.डब्ल्यु.जी ला
तु किती कोटीचा
एक घोटाळा म्हणे दुस-याला
काडीने खाल्ले काय अन
हाताने खाल्ले काय
शेण म्हणजे शेण असते
लाखाचा असो वा कोटीचा
तुमचे आमचे सेम असते

मूळ कविता : संदीप खरे

गाडी सुटली , हमाल हलले , काढा चाळीस पटकन बोले,
गाडी सुटली , पाकीट निघता , हमाल डोळे हसरे झाले,
गाडी सुटली नोट वीसाची , हातामधुनि तरी सुटेना ,
चार बोचकी चाळीस रुपडे , पटू दे म्हटले तरी पटेना,
का रे इतका जीव जाळुनी , नोट वीसाची हाती मिळते,
डोळ्यादेखत गायब होते , खुर्दा चिल्लर हाती उरते.

गाडी गेली फलाटावरी , लालपणाचा गलका झाला,
गाडी गेली , सोडा मारुन जीव तापला हलका झाला.

ह्या विडंबनासाठी वापरलेला कच्चा माल
:)

एक बाई ठेवावी म्हणतोय....

एक बाई ठेवावी म्हणतोय,
करायला गरमागरम भाकरी
मटण्-मुर्गीच्या रश्श्याबरोबर,
जोडी जुळत नाही हो दुसरी!!

शुभ्र दळलेली जवार
बनवी होऊनि तदाकार
अस्सल मर्‍हाटी भाकर
सुबक, पातळ, गोलाकार

एक बाई ठेवावी म्हणतोय
दिसायला असु द्या कशीतरी
नसो अंगी बाकी काही गुण
फक्त भाकरी मिळो ऊनऊन

तर एक बाई ठेवावी म्हणतोय!
(मित्रहो, तुमचा काय सल्ला?)
:)