अंजिराचा चिक आणि औषधोपचार

१)अंजिर चित्र १तुमचे वाटतंय आणि झाड चित्र २जालावरचे ?
२)चित्र २ मधले उंबराचे असावे आणि तसले झाड तुमच्या फाटकात असावे कारण हेच वारेमाप वाढते. फांद्या तोडल्यास त्यातून पाणी आणि चीक निघतो. याच्या {आणि पळसाच्या} वाळलेल्या काटक्या होमाकरिता समिधा म्हणून वापरतात.

3)अंजिर आणि उंबर एका वर्गातली FICUS झाडे आहेत.
४)चाई: हा बुरशिजन्य रोग आहे. केसांचे मूळ याने मरत नाही पण वरचा केस मरतो. काही औषधाने ही बुरशि मारता आली तर केस पुन्हा येतात. [टक्कल पडते तेव्हा केसाचे मूळ जाते म्हणून केस येत नाहीत हा टक्कल आणि चाईत फरक आहे]
५)अलोपथिक अॅंटिबॉयटिक जंतू मारतात पण बुरशी नाही
६)तांबे ,पारा यांचे क्षार बुरशी मारतात ,'जमालगोटा' यानेही झटपट काम होते परंतू डोळ्यात गेल्यास कायमचे जातात बंदी आहे.
७)उंबराचा वडाचा चीक विषारी नाही आणि बुरशी प्रत्यक्ष भारत नाही परंतू बुरशीस जखडून ठेवतो आणि औषधासारखा अप्रत्यक्ष indirectly काम करतो।
८)बरीच औषधे आजीबाईचा बटवा छाप गुणकारी असली तरी त्याचे मेडिकल क्लेमचे बिल मिळत नाही म्हणून दुर्लक्षित आहेत .

तुमच्याकडे अंजिर आहे की उंबर?उंबराच्या चिकाचे प्रयोग ऐकण्यात आहेत.असंच कच्च्या पपईच्या चिकाने त्वचारोग बरे करण्याबाबत वाचले होते.

संदीप, तुम्ही चित्रात दाखविलेला आजार चाई म्हणजे अ‍ॅलोपॅशिया एरिआटा. हा एक आटोइम्यूनो आजार आहे.
म्हणजे आपल्याच पांढर्‍या पेशी आपल्याच एखाद्या दुसर्‍या पेशीला (इथे केसांच्या मूळातल्या पेशी) शत्रू समजून मारत सुटतात.
बर्‍याचदा हेअर फॉलिकबरोबरच इतर कुठल्या अवयवाच्या पेशीही असतात उदा. अ‍ॅलिपेशीया एरियाटा विथ थायरॉडाईटिस.
हा आजार बर्‍याचदा लहान मुलांत दिसतो.
खरे तर हा आजार ९० टक्के वेळा सेल्फ लिमिटींग म्हणजे आपोआप बरा होणारा असतो. पण तीन महिने ते किती वर्षे इतका वेळ लागेल हे प्रेडिक्ट करता येत नाही.

वर कंजूष यांनी म्हटल्याप्रमाणे फंगल(बुरशी) इन्फेक्शन होऊनही केस जातात पण ते असे दिसत नाहीत. तो प्रकार वेगळा.
मॉडर्न मेडिसीनमध्ये एकसोएक अँटीफंगल औषधेही आहेत. ;)

तर या आजारात बर्‍याचदा रिअ‍ॅश्युरंस की काही काळाने तुमचे केस आपोआप परत येतील हीच महत्वाची ट्रीटमेंट. जेव्हा इतर पेशीही इनवॉल्व असतात तेव्हा सिस्टीमिक स्टिरॉईड्स देतात. म्हणजे पूर्ण शरीरावर काम करणारी आणि या अतोशहाण्या पांढर्‍यापेशींचे काम कमी करणारी औषधे.
ज्यावेळी केवळ हेअर फॉलिकलचाच आजार असतो तेव्हा पूर्ण शरीराला या स्टिरॉईडच्या दुष्परीणामाला सामोरं जायला नको म्हणून लोकल (ट्रॉपिकल) स्टिरॉईडस देतात. डायरेक्ट डोक्यावरच्या त्वचेत, स्काल्पमध्ये टोचतात.
किंवा वरून लावायला देतात.

आता तुमच्या प्रश्नाची उत्तरे-
१.असे सल्ले सोपे असतात का?
तर नाही. नक्की काय आजार आहे, इतर पेशी इनॉल्व आहेत का , पेशंटचे वय काय यानुसार औषधे बदलतात.
उदा. ताप आला क्रोसिन घ्या, हे अ‍ॅलोपथिक औषधांच्या इरॅशनल यूजचे उदाहरण झाले. ताप का आला, आणखी काय लक्षणे आहेत, इतर काही उपाययोजना लागणार का , पेशंटच्या लिंग-वया-वजनानुसार पॅरासिटेमॉलचा डोस काय असावा हे रॅशनल युजचे.

२. हा सल्ला आजीबाईचा बटवा छाप वाटतो हे खरंय पण अश्या सल्ल्यांतूनच त्यात्या झाडाच्या औषधातून, किंवा त्या त्या संयुगातील उपयुक्त इलेमेंट सेपरेट करून अनेक अ‍ॅलोपथिक औषधे बनलीत.

३. हा सोप्पा प्रश्न आहे. आजार बरा होणारा नाही यापेक्षा आम्ही या आजारावर सध्या या घडीला इतकी औषधे आहेत आणि भविष्यात ट्राईड अँड टेस्टेड औषधे येऊ शकतात असे सांगतो. उदा. हिपॅटायटिस बी सारखे आजार. पूर्वी फक्त लिवर डॅमेज वाढू नये म्हणून औषधे दिली जात. आता हिपॅटायटिस बीचा व्हायरसच मारू शकेल अशी औषधे उपलब्ध झाली आहेत.

४.याचे उत्तर मी दिलेले आहे वर.
५. सदसदविवेकबुद्धी.
६. अ‍ॅलोपथित असे सतत जून्या ट्रॅडिशनल औषधांपासून उपयुक्त तत्वंवेगळे करणे, त्याच्या मूलधर्माचा अभ्यास करणे, त्याच्या क्लिनिकक ट्रायल करणे, त्याचा डोस आणि साईड इफेक्ट निश्चित करणे हे चालूच असते.
कित्येक औषधे या प्रकारे शोधण्यात होऊन विकसित झाली आहेत.
अंजीत उंबराच्या चिकातील अल्कलॉईड मध्येही स्टिरॉईडस असू शकतात. पण आता केमिकल प्रोसेसने स्वस्तात आणि प्रिसाईज मात्रा असलेली स्टिरॉईडची गोळ्या इंजेक्शने बनवता येतात म्हणून या प्रोसेसकडे फार्मा कंपन्यावाले लोक लक्ष देत नसतील.
७. हे मला माहित नाही. आमची कण्हेर आणि तगर हे जे ना असेच ओरबाडत.
आता सकाळीच सडारांगोळीच्या निमित्ताने आमच्या घरातील तीनपैकी एकजण बाहेर उभी राहते, उन वाढेपर्यंत. त्यामुळे कुणी फुलं ओरबाडायला आलं की आम्ही शब्दं झाडतो, गोळ्या नाही.

तुमच्याकडे अंजिर आहे की उंबर?

चाई (Alopecia Areata ) हा आजार कसा उदभवतो ?

चिकूदेखिल देठापासून तोडताना असाच चीक येतो. त्याचेही काही गुण असतील काय?

उंबर अथवा अंजिर त्याच्या चिकाने एखादा रोग जात असेल तर स्टिअरॉइडसपेक्षा नक्कीच बरे. चार दिवस करायला काहीच हरकत नसावी. डोक्यावरचे केस जाणे आणि परत येणे असा जो काही रोग आहे त्यात केसांची मुळे जात नसावीत एवढेच मला म्हणायचे आहे.

घरच्या देवाला वाहायला म्हणून अख्ख्या गावाची फुले हिंस्त्र पद्धतीने ओरबाडून नेणार्‍या, आमच्या फुलांनी डवरलेल्या लांबच लांब सुंदर गल्लीची सकाळी ७च्या आत वाट लावणार्‍या, आम्ही राबून जणू त्यांच्यासाठीच फुले उगवतो असे बिंदास समजणार्‍या, कितीही ओरडले तरी ढिम्म न बधणार्‍या 'ज्येष्ठ नागरिक' देवभक्तांना गोळ्या घालायचा परवाना कुठे मिळेल?

सरकारकडे खरेच जनहित याचिका दाखल करावयास हवी याबद्दल.

अशी चाई झालेली एक स्त्री मी पाहिली होती ! { नक्की तिला कोणता रोग झाला होता ते माहित नाही } पण डोक्याचा पार चमन गोटा झाला होता ! मी पहिल्यांदा पाहिले तेव्हा जरा घाबरलो होतो...कारण टकलु बाई कधीच पाहिली नव्हती !
पण मध्यंतरी त्याच दुकानात { दुकान मालकाची बायडी आहे ती } गेलो होतो तेव्हा घनदाट केश संभार घेउन ती उभी होती ! मला उगाच वाटले कोणी तरी दुसरी असेल, पण ती तीच होती.
असो... या चाईच्या रोगावर जास्वंदाचे फुल आणि पाने मिक्सर मधे ग्राइंड करुन त्याचा रस डोक्याला लावल्यास डोक्यावर केस उगवतात असे ऐकुन आहे.
मदनबाण.....
आजची स्वाक्षरी:- लुटा तुम्ही ऐवज इष्काचा... ;) { Bugadi Maazi Sandali Ga }

लहानपणी आमच्या शेतात एक माणुस यायचा व वेली एरंडचा चीक प्यायचा. त्याच्या मते ते पोटासाठी उत्तम असते. आम्ही त्या एरंडाच्या चीकाचा हवेत फुगे सोडण्यासाठी वापर करीत असे. लिंबाच्या काडीने एक गोल बनवायचा व तो चिकात बुडवून फुगे सोडायचे. तो चीक मी चाटून ही पाहिला होता. तुरट चव होती.

अवांतरातील जेना. सर्वत्र आढळतात. काठी किंवा छत्रीचा आकडा हा फुल ओरबाडायला उपयोगी येतो. त्यांना म्हटल पाहिजे कि आजोबा तुमच्या देवाला चोरलेली फुल चालतात का?
तरीपण दुर्लक्ष कराव अशा गोष्टींकडे. त्यांच्या मेंदुतील रचनेप्रमाणे ते वागतात. त्यांना यात गैर काहि वाटत नाही. याबात काही ज्येना आपल्या जेष्ठ नागरीकत्वाच भांडवल करतात.

हे माझी आजीकायम इतरांना विचारायची की तुमच्या देवाला चोरलेली फुल चालतात का?
तर बरेच लोक ती नाहीये अंगणात असं पाहून पहाटेच फुलं चोरून न्यायचे आणि एका बाईंनी आजीला सांगितलं की हो. आम्ही नेतो फुलं इतरांच्या बागेतली कारण तुम्हाला काही रोज तेवढी लागणार नाहीत आणि आपल्या धर्मातच लिहून ठेवलंय की देवासाठी फुलं घेतली तर ती चोरी नाही म्हणून. :(

मला माझ्या आजीचा चेहरा अजून आठवतोय. एवढी चिडली होती की तिला काही बोलता आलं नाही. नंतर माझी आईच म्हणाली की निदान आमची झाडं तरी ओरबाडू नका...

उपयोग शून्य.
:(

७. अवांतरः घरच्या देवाला वाहायला म्हणून अख्ख्या गावाची फुले हिंस्त्र पद्धतीने ओरबाडून नेणार्‍या, आमच्या फुलांनी डवरलेल्या लांबच लांब सुंदर गल्लीची सकाळी ७च्या आत वाट लावणार्‍या, आम्ही राबून जणू त्यांच्यासाठीच फुले उगवतो असे बिंदास समजणार्‍या, कितीही ओरडले तरी ढिम्म न बधणार्‍या 'ज्येष्ठ नागरिक' देवभक्तांना गोळ्या घालायचा परवाना कुठे मिळेल?

तिथे एक "कुत्र्यापासून सावध रहा चा बोर्ड आणि त्यावर एका हिंस्त्र कुत्र्याचं चित्र" लावा. एक पिसाळलेल्या कुत्र्याची कॅसेट रेकॉर्ड करून सकाळी पाच पासून लावत जा. बाकीचे सल्ले विकत मिळतील.

दुसर्‍या बाजूला त्याच रोगावर खात्रीलायक आणि सिद्ध झालेले उपचार पारंपारिक पद्धतीमधे आढळून येतात. (ऐकीव माहिती. उदा. दम्यावर मासळीतून औषध घेणे, वैगेरे वैगेरे)

:)

हळदीचा उपयोग:चमचाभर पाण्यात तुरटीचा खडा फिरवायचा त्यात थोडी हळद टाका मिश्रण गरम करा. थोडे कोमटच असताना खरचटणे, ,नख निघणे, कापणे यावर लावा सेप्टिक न होता जखम (न चिघळता) बरी होते. या उपायात हळद आणि तुरटी दोघांना अर्धे श्रेय आहे.