मिसळपाववर नवे दालन.

चांगली कल्पना आहे. पण अर्थविषयात एवढे धागे येतात का माहित नाही.

अन त्यात शंका विचारण्याची सोय असावी.. म्हणजे माझ्या सारख्या अडाण्याला चार गोष्टी कळतील..

असं दालन असू नये असं मला वाटतं. या दालनात दोन प्रकारचे लेख येऊ शकतात -

(प्रकार १) उत्सुकता म्हणून अर्थविषयांचा आढावा घेणारे लेख (उदा. युरोपियन फायनान्शियल क्रायसिस)
(प्रकार २) अर्थसल्ला देऊ पहाणारे लेख

प्रकार १ साठी मुख्य बोर्डावरच भरपूर संधी आहे. असे अभ्यासू लेख अधूनमधून येत असतात, त्यावर खूप छान चर्चाही रंगते. मिपावरचे मला माहीत असलेले अर्थतज्ज्ञ म्हणजे क्लिंटन, मोदक, संक्षी, वेल्लाभट. यांनी (आणि इतर अर्थतज्ज्ञांनी असेच उत्तमोत्तम धागे काढावेत ही विनंती.)

प्रकार २ ला माझा आक्षेप आहे. गुंतवणूक विषयक सल्ल्यांत मिपाने माध्यम म्हणूनही सामील होऊ नये असं माझं मत आहे. क्ष शेअरची हॉट टिप लागली आहे, य म्युचुअल फंड चांगला आहे, वगैरे भानगडींपासून मिपा लांबच बरं. (आणि हो, मला इतिहासही ठाऊक आहे.) समजा एकादा सदस्य "तो" शेअर घेऊन बुडला तर तो त्या टिपकर्त्याबरोबर मिपालाही दोष देईल. (मिपा धोरण काहीही असलं तरी.) मिपासदस्य म्हणून मला हे आजिबात आवडणार नाही.

समजा सल्ला गुंतवणूक विषयक नसला (उदा. करसल्ला) तरीही प्रश्नकर्त्याच्या परिस्थितीचं संपूर्ण भान ठेवूनच हा सल्ला द्यावा लागतो. त्यात आर्थिक परिस्थितीबरोबर कौटुंबिक, सामाजिक परिस्थिती वगैरेही आली. हे तपशील उघडपणे किती जण देतील? अशा वेळी "तुमच्या विश्वासू सीए कडे जा" हा सल्ला सर्वश्रेष्ठ असतो. तो देण्यासाठी मिपाची गरज नाही - कॉमन सेन्सचा भाग आहे.

कल्पना छान आहे.

मात्र त्यात विषयाचे बंधन नसावे. हे एखाद्या विषयाची सोप्या भाषेतली शास्त्रिय माहिती देण्याच्या उद्देशाने काढलेल्या धाग्याचे वेगळे दालन असावे. कोणताही सर्वसामान्य मिपाकराला उपयोगी / वाचायला आवडेल असा विषय असावा (अर्थ, व्यवस्थापन, संगणक, इ.). मिपावर अनेक विषयांचे तज्ञ आहेत त्यांच्या ज्ञानाचा फायदा सर्व मिपाकरांना होईल. यामुळे मनोरंजनाबरोबर मिपा वाचकांचे विश्वासू प्रबोधनही होईल.

तेथे केवळ अभ्यासू लेख असावे. गंमत अथवा ललित लेख नसावेत... त्याकरिता मुख्य (स्वगृह) पान आहेच. यापानावर फार अवांतर अथवा उगिच केलेली टिंगलटवाळी असू नये.

मी मिपावर येऊन वर्षाहून अधिक काळ गेला आहे. अर्थ व राजकारण यात खरोखरच रस असलेले व गति असलेली मिपावर फार कमी लोक आहेत. काही आय डी कॉग्रेस द्वेषाने काही भाजपा द्वेषाने तर काही आण्ण्णा व केजरीवाल द्वेषाने देखील पछाडल्या सारख्या लिहित असतात. हे बरोबर नाही. अर्थ व राजकारण हे नर्म विनोदासाठी येथे येण्याचे विषय नाहीत.याचे भान क्लिंटन, विकास ई नी बर्‍यापैकी ठेवलेले दिसते. राजकारणात भाग घेणे व त्यात रस दाखविणे या दोन्ही गोष्टी वेगळया आहेत. रस हा घेतलाच पाहिजे. अर्थ कारणाचे तेच आहे. बरेच लोक गरीब रहातात कारण जुगार न खेळता देखील चोर्‍या न करता देखील श्रीमंत होता येते ते सांगणाराच कोणी नसतो.
अतिशय गंभीरपणे इन्कमटॅक्स ( की ज्या विषयी भल्या भल्यांच्या संकल्पना पूर्ण चुकीच्या असतात )या विषयावर लिहिलेला एकही लेख मी एथे वाचलेला नाही यात सारे आले.

एक मुद्दा इथे आवर्जून माण्डावासा वाटतो तो म्हणजे जगभर पसरलेल्या केरळी मण्डळी साठी अनेक रेडियो केन्द्रे कार्यरत आहेत , त्यावरही दररोज सुमारे २ तास अर्थ व गुन्तवणूक विशयक माहिती आणि चर्चात्मक कार्यक्रम हमखास असतात. यास्तव असे सदर मिपा वर सुरू झाल्यास आनन्दच होइल... स्वागतार्ह सूचना!

ज्ञानव जी, पैसा युयोग्य मार्गांनी मिळवावा, तो कसा योग्य प्रकारे वर्धन करावा, याच्या वैधानिक युक्त्या सांगणारे धागे काढले जावेत.
नंतरच्या प्रतिसादातून आपण एका दणक्यात

मिपाचा कट्टा पानवाल्याच्या टपरीवर पान विडी ओढून पिंक टाकणारा कट्टा होऊ नये ते एक व्यासपीठ असावे जिथे विविध विषयाची माहिती मिळेल आणि मराठी माणूस किती विषयात गंभीर मुशाफिरी करू शकतो ते कळेल...

असे वाचून .... पुनांच्या

लेखक हा पौष्टिक वाङ्मय निर्माण करून समाजास पुष्ट बनवणारा साहित्यिक बल्लवाचार्य असला पाहिजे. काही एका क्षेत्रात तरी स्वतंत्र विचार असणे, ते स्पष्टपणे प्रकट करण्याची हातोटी साधणे व निर्भयपणे सांगण्याची तयारी ठेवणे हे नामवंत लेखकांचे व वक्त्यांचे विशेष गूण असतात.

या वक्तव्याची आठवण आली.

असे दालन हवेच .'भटकंती'चा बुकमार्क केला तसा त्याचा करून ठेवेन .

पेपर अथवा पुस्तकातील लेखावर शंका विचारून उत्तरे मिळत नाहित तसेच लेखकाला त्यात नवी माहिती टाकता येत नाही .

सामान्यांना काही खास सुरक्षित गुंतवणुकीची माहिती हवी असते उदा: पिपिएफ ,पोस्टातील एम आईएस ,इनफ्रास्ट्रक्चर बॉंड ,टैक्स वाचवणाऱ्या योजना इत्यादि.
तसेच काहीवेळा विमा योजनेकडेही गुंतवणूक महणून पाहिले जाते . यांची तरी चर्चा होण्यास हरकत नाही .

१९७८ मध्ये पिपिएफ जाहिर झाली त्यावेळी श्री ए एन शानभाग यांचे 'इन दि वंडरलैंड अव इन्वेस्टमंट ' हे पुस्तक आले होते .त्याची खूप चर्चा झाली होती .

अर्थ सल्ला म्हणजे शेअरची टीप इतका संकुचित विचार मी केला नाही. तुम्हाला काय "इतिहास" माहित आहे ते मला माहित नाही पण तो एक अनुभव म्हणजे सर्वस्व नव्हे. टीप देणार्याला नावे ठेवणे हा बुडीत गेलेल्या माणसाचा नव्हे तर प्रत्येक अपयशी माणसाचा स्थायी भाव असतो. पण असे मूर्ख जे आहेत ते कमी व्हावेत आणि तुमच्या माझ्यासारखे शहाणे वाढावेत हाच हेतू आहे.
अर्थसाक्षारता हाच माझा एकमेव उद्देश आहे. एखाद्या विम्याची पोलिसि मी का, केव्हा, कोणत्या वयाला, किती काळापर्यंत घ्यावी हे जर मला इथे समजले तर मला एक दिशा मिळेल केवळ शब्दबंबाळ तात्त्विक (?) लेखन करायचे आणि त्यावर प्रतिसादातून निरर्थक आरडा ओरडा करायचा इतपत मिपा लहान राहू नये. अर्थक्षेत्रातील घडामोडी सांगणारे लेख इंग्रजी, गुजराती मासिकातून येतात पण मी चवथी पास माणूस ते वाचू शकत नाही आणि मराठीत आजच्या घडीला एकही अर्थसाक्षर करेल असे पोर्टल नाही. ह्या क्षेत्राची terminologoy मला कळत नाही.
सिरियात फुटलेल्या बॉम्बचे आणि डॉलरचे काय गणित आहे कुणी सांगेल का ?
आज अल्गोरीधामिक ट्रेडिंग बद्दल गुजरती लोक पुढे नव्हे पार पुढे गेले आहेत आणि मला त्याबद्दल माहितीही नाही हे का होते.
मला वाटते आता जे कुणी अर्थकारण आणि अर्थासाक्षर्ते विषयी लिहू शकते त्यांनी लिहावे आणि मिपाचा कट्टा पानवाल्याच्या टपरीवर पान विडी ओढून पिंक टाकणारा कट्टा होऊ नये ते एक व्यासपीठ असावे जिथे विविध विषयाची माहिती मिळेल आणि मराठी माणूस किती विषयात गंभीर मुशाफिरी करू शकतो ते कळेल...
>>>> १००% अनुमोदन....
झाला तर फायदाच होइल अस माझ मत....

ज्ञानवराव,
आपल्या शेअर ट्रेडिंगच्या ज्ञानाविषयी पूर्ण आदर बाळगूनच हे लिहितोय.
अर्थशास्त्र म्हणजे शेअर सोडून बरेच काही असणार पण इथल्या निरिक्षणावरुन माझे तरी असे मत बनलेय हा चाकरमान्यांचा कट्टा आहे. जास्तीत जास्त सद्स्य हे नोकरदार, रिटायर्ड अथवा नोकरदार/गृहिणी आहेत. गुंतवणूक किंवा बचत ह्या दृष्टिकोनातून तरी किती करणार? ऑनलाइन सल्ल्याला कितपत किंमत देणार? बर तुम्हीच याची अनिश्चितता अन अभ्यास यावर जड जड शब्दात चर्चा करणार मग बेसिक कुतुहल असणार्‍याला काय कळणार? शेअरचे अन त्या धंद्याचे इतर पैलूसंदर्भात तुम्हाला प्रश्न विचारला होता पण त्याचे हि उत्तर वेगळ्या पध्द्तीने शेअर ट्रेडिंग कसे केले जाते असे मिळाले. माझा मुद्दा असा होता कि हा व्यवसाय म्हणून कसा केला जातो, त्याला मदत करु शकणार्‍या कुठल्या गोष्टी ठरतात? याची उत्तरे मिळतील पण तसे ज्ञान मिळाले नाही.(उदा. मी दारुचा व्यवसाय करतो. एफेलार ३ वर लिकर घेऊन विकणे व त्या फरकावर समाधानी राहणे एवढेच बीअर बारचे अर्थशास्त्र नाही, ते वाईन शॉप झाले. पण बारचे ठिकाण, वातावरण, ग्राहकाची गरज, अधिकच्या सेवा (खाणे वगिअरे) त्यातल्या मनोव्रूत्ती, तंत्र्ज्ञानाची मदत, त्यातल्या रोजगाराच्या संधी, धोके, फायदे असा समग्र विशय हाताळला तर ते अधिक मनोरंजक ठरेल.)
असेच इतर अर्थशास्त्रातले ज्ञान उदा. एखाद्या नवीन व्यवसायाचा प्रोजेक्ट कसा करावा, त्याची उभारणी, त्याला आवश्यक कर्जे, त्यांचे दर, उपलब्ध्ता, बाजारपेठेचा अभ्यास, ब्रॅन्डीण्ग, अ‍ॅडाव्हर्टायझिन्ग, मार्केट ट्रेन्ड, त्या व्यवसायातले विविध अनुभव, मनुष्य्स्वभाव अशा गोष्टींचा जरी मनोरंजक पध्द्तीने आढावा घेतल्यास मिपाकरांना मनोरंजनाबरोबरच ज्ञान हि मिळेल असे मला वाटते.
एकूण पाहता अशा प्ध्धतीचे लिखाण मराठी कट्ट्यावर होईल असे मला तरी वाटत नाही तस्मात नवीन दालन वगैरे सोडा आहे त्या विषयांवर बर्‍यापैकी प्रतिसाद( ते पण टिपीकल ८ टक्के नव्हे ७.५ हो, किंवा रिलायन्स नको आयस्सीसीआय घ्या हो वगैरे टाइपचे) मिळाले तरी बस्स सध्या. :)
म्हणून इतक्यात हे राम नको, हरे कृष्ण मनोवृत्ती स्विकारा :)

'हे राम' म्हणण्या इतकी वाईट अवस्था नाही हे निश्चित.
मात्र सर्वंकष गुंतवणूक हा विषय समजण्यासाठी किमान चारपाच लेखकांनी एकत्रित लिहिले पाहिजे. विविध बाजू आणि मते पुढे यावॆत. म्हणजे स्वतंत्र व्यवसाय वगैरे करण्या बाबत माहिती पण असायला हवी. अर्थ साक्षरता, मग गुंतवणूक, प्रगतीची मोजमापे, जोखिम, स्पर्धा-टिकून मोठे होणे वगैरे! (टप्प्या टप्प्याने येऊ द्या ) मग आपण त्या सगळ्यात कुठे आहोत ते समजणे आणि लक्ष्य ठरवता येणे ही पहिली पायरी असू शकेल.

मुळात गुंतवणूक हा अद्याप (दुर्दैवाने) प्रथमिक्तेचा विषय नाही. विम्यापेक्षा एक पायरी वरती आहे इतकेच. पुढच्या पिढीत मात्र हळू हळू जाणीव येतेय असे निरीक्षण आहे. बरेच पालक अर्थ जागरूकता वाढवताना दिसत आहेत.

असा विभाग निघणे काळाची गरज आहे. मिपा केवळ फास्ट्फूड कट्टा नसुन इथे चवीबरोबर पौष्टीकता देखील नांदते. अर्थ, आरोग्य वगैरे स्वतंत्र विभाग बनायलाच हवे. कधि कधि अशा विषयांचे धागे इतर (अ/)परिपक्व धाग्यांमुळे मागे पडतात व विस्मरणात जातात. स्वतंत्र दालन इज मस्ट.

खच्चून विरोधासहित शुभेच्छा. :)

टेक्निकल अ‍ॅनालिसिस व शेअर टिप्स म्हणजे अर्थसाक्षरता नव्हे.
अर्थशास्त्रावर व अर्थव्यवस्थेच्या स्वरूपावर, वेगवेगळ्या प्रवाहांवर अभ्यासपूर्ण लेख येणार असतील तर ठीक आहे.
आर्थिक गुंतवणूक हा वैयक्तिक मामला आहे आणि ती ज्याच्या त्याच्या भविष्याबद्दलच्या धारणांवर अवलंबून असावी, त्याची चर्चा चव्हाट्यावर करायची गरज वाटत नाही. गुंतवणूकीचे काही उद्दिष्ट्य नसताना निव्वळ पैसा वाढत राहावा म्हणून जाणकार लोकांनी केलेल्या उलाढाली वाचून कोणाचा फायदा होईल असे मलातरी वाटत नाही.

आणुमोड्न

अर्थसाक्षरता ही काळाची गरज आहेच. वर तुम्ही स्पष्ट केले आहे की या दालनात काय असावे हे तुम्हाला अभिप्रेत आहे... ते साध्य मनात ठेवून असे दालन येणार असेल तर स्वागत आहे.
त्यात अर्थसाक्षरतेसाठी काय वाचन करून माझ्यासारख्या लोकांना ज्ञान प्राप्त करून घेता येईल अशा स्वरूपाची माहिती सुध्दा असावी.

ज्ञानव भौ..

दालनाची वाट कशाला पहायची ?? लिहित रहायचे ..

राह मे चलते रहो .. कारवां बन जायेगा

मला तरी असं दालन हवं हे खरच वाटतं. त्याला वैयक्तिक क्न्सल्टिंगचे स्वरूप येउ न देता (जसं वर सातीताईने लिहिले आहे)काही चांगले ज्ञान मिळ्त असेल तर नक्कीच हे व्हायला हवं.

आमचे पण अनुमोदन

एखाद्या गोष्टीचा दर्जा हा त्यावरील प्रतिसादाच्या संख्येने नाही तर त्या लेखाच्या गुणवत्तेवरून ठरतो.... असो... ज्ञानव साहेब आप आगे बढो हम आपके साथ है..... नि हे सदन हरे राम व हरे कृष्ण यांसाठी नसून सरस्वतीची उपासना करून लक्ष्मीचे वरदान मिळ्वणारयांसाठी असावे अशी माफक अपेक्षा .

अर्थ क्षेत्र हे शेअर मार्केट पुरते मर्यादित नव्हे त्यास अनेक पैलू आहेत एकदा दालन खुले झाले कि इतर पैलू पण उलगडू शकतील....

श्री. ज्ञानवसर,
तुमच्या चांगल्या हेतूबद्दल मनात शंका नाही. तुम्ही तुमच्या मिपावरच्या एक वर्षाच्या वास्तव्याबद्दल लिहिलंत...
मी मिपावर पहिले काही मोजके आठवडे सोडता पहिल्यापासून, म्हणजे गेली सहा वर्षेतरी मिपावर सभासद आहे. त्यामुळे अर्थातच मिपाच्या इतिहासाचा साक्षीदारही आहे....
अर्थगुंतवणूक हा अतिशय वैयक्तिक विषय आहे. गुंतवणूकदाराची रिस्क घेण्याची क्षमता आणि नफा-नुकसान सोसायची तयारी या संदर्भात म्हणतोय मी. जी गुंतवणूक तुमच्या दृष्टीने गुलाबी असेल तीच गुंतवणूक कुणा दुसर्‍याच्या दृष्टीने धोकादायक असेल. मिपावर जनरल सेक्शनमध्ये गुंतवणूक विषयक धागे येण्यात काहीही गैर नाही, पण एक वेगळा भाग सुरू केल्यास त्यातील धाग्यांना गुंतवणूकविषयक सल्ला मानला जाण्याची शक्यता आहे. तुम्ही हे मान्य कराल की गुंतवणूक करण्यासाठी त्या गुंतवणूकीचा सांगोपांग अभ्यास करणं (गुंतवणूक करण्याआधी!) हे अतिशय आवश्यक असतं. ते न करता जर कोणी धाग्यांवर किंवा सल्ल्यांवर अवलंबून गुंतवणूक केली आणि लॉस घेतला तर तो अप्रत्यक्ष दोषही मिपावर येऊ नये असं मला मिपाचा एक दीर्घकालीन हितचिंतक म्हणून वाटतं.
आत्मस्तुतीचा दोष पत्करून सांगतो (कारण इतर तरूण लोकांचं भवितव्य त्यावर अवलंबून आहे केवळ म्हणून) मी स्वतः गेली पंचवीस वर्षे तरी गुंतवणूक करत आलेलो आहे. या कालावधीमध्ये लाखो रुपयांचा लॉस (आणि गेन, खोटं कशाला बोला?) घेतलेला आहे. पण त्या प्रत्येक गुंतवणूकीमागे सतत अभ्यास केला आहे (तरीही काही ठिकाणी लॉस घेतला आहे हे विशेष!!). तुमचं हे वेगळं दालन मला "पी हळद,हो गोरी!" अशाप्रकारचं होईल अशी साधार भीती वाटते.
पाककृती, भटकंती, आणि काही प्रमाणात राजकारण सुद्धा, हे तसे निरूपद्रवी विषय आहेत. आर्थिक गुंतवणुकीचं तसं नाही. कुणी कुठे गुंतवणूक करावी हे तर आपण ठरवू शकत नाही. ज्यांना सल्ले हवे असतील त्यांच्यासाठी आंतरजालावर अनेक संस्थळं आहेत. पण मिपाने तरी असल्या चट मंगनी, पट ब्याह गोष्टींना अप्रत्यक्षरित्याही सहायक ठरू नये असं मला वाटतं.
अर्थात हे फक्त माझं आपलं वैयक्तिक मत, शेवटी सर्व नीलकांताच्या मनावर....
चूभूद्या घ्या...

अर्थकारणा साठी वेगळे दालन असायला हवे..

सध्या स्वगृह आणि नवे लेखन यान्ची एकच लिन्क आहे. त्यातिल एक काढुन टाकता येइल.

शेअर बाजाराचा वापर करून फ्रोड कसा करावा/ करतात :) यानुशंगाने एखादा लेख(माला) केस स्टडी येउदे.

विविध बड्या धेण्डा काढून शेअर ट्रेडिंग व्यवस्थेच्या अभ्यासातून तांत्रिक त्रुटी मधून कसा फायदा उपट्ला जातो यावर प्रकाश हवा.

जसे समजा आधीच माहीत आहे उदया मोठा दहशतवादी हल्ला होणार आहे बाजार खाली जाइल तर अर्थातच शोर्ट सेलिंग करून अकल्पित फ़ायदा काढला जाईल. अशाच काही माहितीपर गोष्टी , व्यवस्थेतिल त्रुटी वगैरे वर प्रकाश टाकावा.