जुन्या वस्तू

अमेरिकेत अशा वस्तुंचा बाजार भरतो असे काही तरी वाचले होते. बाकी, आमच्या औरंगाबादेत असा एक बाजार रविवारी भरतो. खूप कामाच्या वस्तू मिळतात. मी तरी घेतो बॉ...तर-

>>>> आपण कधि जुनी वस्तु विकत घेतली आहे का ?

हो. एक मोठा वॉल्व असलेला रेडियो घेतला होता. माझी सध्याची पल्सर बाईक (कोणाची तरी बँकेने ओढून नेलेली होती) मी वापरतो आहे. अजूनही कोणाकडे अशी स्टाइलीश बाईक आहे, आणि ती जर कोणाला विकायची असेल तर मी ग्राहक आहे. :)

>>>> आपले अनुभव काय आहेत???
काही वस्तुंसाठी दुरुस्तीचा खर्च वरच्यावर करावा लागतो त्यामुळे नवीनच वस्तू बरी असा विचार मनात जुनी वस्तू विकत घेतल्यावर येत असतो, हाच वाईट अनुभव असतो.

-दिलीप बिरुटे

नवजात अर्भकाला जुने वापरलेले सुती कपडे घालत
हे कपडे जवळच्या, प्रेमाच्या लोकांनी मुद्दाम सांभाळून ठेवलेले असत.
असे कपडे मऊ तर असतातच, शिवाय नवीन कपड्यात असणारी खळ व रंगातील रसायने नसतात.

शक्यतो टाळतो.

राजीखुशीनं एखाद्यानं वस्तू विकली असेल तर ठीक, मात्र नाइलाजानं विकावं असल्यास न घेणं (स्वतःपुरता विचार करता) इष्ट!

आम्ही आतापर्यंत २ गाड्या (१ फियाट आणि १ मारुती ८००) सेकण्ड हॅण्ड घेऊन, काही वर्षं वापरून, परत तिसर्‍या माणसाला विकल्या. आम्हाला किंवा त्या घेणार्‍याला काही त्रास झालेला नाही. मारुती ८०० तर इतकी चांगली होती, की ३ वर्षांत एका पंक्चरशिवाय काही दुरुस्ती करावी लागली नाही.

जेव्हा तुम्हाला जास्त लोन घ्यायचं नसेल, तेव्हा घरं/गाड्या सेकण्ड हॅण्ड घ्यायला काहीच हरकत नाही, कारण ती विकणारा माणूस अधिक चांगलं घर्/गाडी घेण्यासाठीच आधीची विकत असतो. त्यामुळे त्याच्या इच्छा अडकून रहात असतील वगैरे गोष्टीत काही तत्थ्य असावं असं नाही वाटत.

आपण कधि जुनी वस्तु विकत घेतली आहे का?
आपले अनुभव काय आहेत???

भावना (पक्षी "गर्भीत अर्थ") पोहोचल्या;) ;-) :wink:

हायजॅक होतोय!!!!

नवीन कोरी व्हिंटेज कार हवी आहे

अंधश्रद्धा आहे ही ..असे काही नसते ..

आता म्हणाल मेलेल्या माणसांच्या वासना / तळतळाट चे काय ??

त्याही वस्तुंमध्ये अडकल्या असतिलच कि ....

सी.एम / पी एम च्या खुर्ची मध्ये किति जणांच्या वासना / तळतळाट आसतील ...

बकी तुम्हला अनुभव काय ?

अवांतर : मि पा वर जुन्या धाग्यामध्ये काहि जणांच्या वासना अडकल्या असतात ..

आमच्या आसपास सेकंडहॅण्ड* गाड्यांची दोन तीन नवी दुकाने निघाली आहेत आणि ती जोरात धंदा करतात. त्या अर्थी लोकांचा त्यावर फारसा विश्वास नसावा.

माझ्या वडिलांनी लँब्रेटा स्कूटर सेकंड हॅण्ड घेतली होती. मूळ मालकाला त्या स्कूटरवर अपघात झाल्यामुळे त्यांनी ती विकली. आम्हाला त्या (अपघाती) स्कूटरने काही त्रास दिला नाही.

तसेच जुने कपडे, पुस्तके धाकट्या भावंडांनी वापरण्याची सर्रास पद्धत होती.

*हल्ली सेकंड हॅण्ड न म्हणता प्री-ओन्ड म्हणण्याची पद्धत आहे.

माझ्या मुलाला लहान असताना सॅन्डबॉक्स हवे होते. मला तो प्रकार नको होता. पण दोन तीन महिने त्याचा हट्ट पाहून क्रेग्जलीस्ट्वर विकायला आलेली बॉक्स मी पसंत केली आणि ४० मैल ती आणायला गेले तर ते भारतीय कुटुंब होते (त्यांनीच गप्पा वाढवल्या म्हणून समजले) त्यावेळी आर्थिक संकटात सापडल्याने बर्‍याच वस्तू विकायला काढल्या होत्या. आम्ही बॉक्स गाडीत ठेवताना त्यांचा लहान मुलगा इतका आशाळभूतपणे पहात होता की मला गलबलून आले. घरी आणल्यानंतर माझ्या मुलाने एकदाही त्या वाळूपेटीला हात लावला नाही. "आता म्ह्टल्याप्रमाणे आणलीये तर खेळ तरी!" असे रागावल्याने दोनदा खेळला आणि नंतर हातही लावला नाही. अजूनही त्या कुटुंबाची झालेली अवस्था आठवते. मुलांची रोजच्या खेळण्यातली खेळणी विकायला काढण्यात त्या आईवडीलांनाही काही मौज वाटली नसेल. याव्यतिरिक्त वापरून व्यवस्थित असलेल्या वस्तू विकायला काढल्या तर त्यात वाईट वाटायची शक्यता कमी असते. त्या घेताना काही वाटू नये. मी कधी घेतल्या नाहीयेत पण!

आमच्या कुलकर्णी काकांचे टॉपिक्च असे हटके असतात. _/\_

नव्या वस्तु देखिल ५०% पेक्षा जास्त जुने साहित्य वापरुनच बनविल्या असतात.. उदा. सोफा..
आशाळभुत भावना समोर दिसत असेल तर आपण साहजिकच त्या वस्तु टाळतो.. पण व्यवहारी विचार करता.. वापरा आणि सोडुन द्या हा नियमच "आहे रे" आणि "नाही रे" मधील दुरी कमी करेल....

मी घर घेतले ते पण रिसेल मध्ये घेतले गाडी मारुती ८०० पण जुनीच घेतले आहे. पण मला अद्याप काही वाईट अनुभव आला नाही.
कदाचित देवावर माझी जास्त श्रद्धा आहे म्हणून कि काय?

सेकंड हँड किंवा प्री-ओन्ड वस्तूंमध्ये आधीच्या मालकाच्या भावना गुंतलेल्या असतात त्या मुळे त्या लाभत नाहीत ही केवळ अंधश्रद्धा आहे.

मी एक मनगटी घड्याळ, एक मोटरसायकल, तीन कार्स, तीन एसीज्, दोन टिव्हीज्, एक व्हिसीआर्, एक सोफा, एक कपड्याचे कपाट, एक मिक्सर, एक डीप फ्रायर आणि शाळा कॉलेजात अगणित पुस्तके सेकंड हँड सेल मध्ये घेतली आहेत. वाईट अनुभव सोडा, त्या सर्व वस्तूंनी 'दृष्ट लागावी अशी' सेवा मला दिली आहे.

नव्या कोर्‍या वस्तूसुद्धा कित्येकदा आणल्यापासून अनेकदा बिघडतात, कधी कधी अक्षरशः पैसा फुकट जातो. अंधश्रद्धेतून विचार केल्यास त्या वस्तू सुद्धा शो-रुम मध्ये असताना कोणाला तरी आवडल्या असतील पण पैशाअभावी घेता आल्या नसतील तर त्यात ही 'त्या' 'त्या' अनेक गिर्‍हाईकांच्या भावना त्यात गुंतलेल्या असतीलच. असा विचार केल्यास नव्या किंवा जुन्या कुठल्याच वस्तू खरेदी करता येणार नाहीत.

नवी कोरी पुस्तके घेउन पण एटीकेटी ने आमची पाठ कधी सोडली नाही . ;-)

एक पर्यावरण प्रेमी म्हणून दुसर्‍याने वापरलेल्या वस्तू विकत घेणे व वापरणे आपल्या हिताचे आहे असे मला वाटते.
समजा मला एक सायकल हवी आहे. मी वापरलेली सायकल (अगदी आपल्याला हव्या त्या पद्धतीने पारखून) घेतली तर किंमत कमी पडतेच शिवाय ती एक सायकल पडून रहाणे वा कचर्‍यात फेकली जाण्यापासून वाचते.

सायकल बनवणे, ती दुकानापर्यंत पोचवणे, गिर्‍हाईकापर्यंत पोचवणे ह्यात ऊर्जा व कच्चा माल वापरला जातो. वस्तू जास्त वापरली गेली तर ह्या सगळ्या ऊर्जेचा जास्त वापर होतो आणि पर्यावरणाची हानी कमी होते.

असेच कार, टीव्ही, कंप्यूटर वा फोनलाही लागू पडेल.

सेकंड हँड गोष्ट वापरल्यामुळे आपण पर्यावरणाला मदत करत आहोत हा मुद्दा बरेच लोक लक्षात घेत नाहीत.

अनेक व्यायामाची नवी उपकरणे ही अवाच्या सवा भावात असतात. बहुतेक लोक आता मी नियमित व्यायाम करणार असा विचार करून, मोहाला बळी पडून असेच कुठलेसे उपकरण घेतात आणि काही दिवसात त्यावर धूळ बसू लागते. असे उपकरण जवळपास नवेकोरे, अगदी किरकोळ किंमतीत विकत घेता येते आणि साफसूफ करून वापरता येते असा अनुभव आहे.

मला तरी वैयक्तिकरित्या त्यात काही वावगे वाटत नाही. पण रेवतीताईंचा अनुभव आहे तसा काही आला तर मी कदाचित वापरणार नाही.

तरीही अनेकदा लोकं आपल्या वस्तु फुकट देऊन टाकत असतात. मी ही अनेक वस्तू नवीन आलेल्या लोकांना देण्याचा प्रयत्न करतो. त्यातून काही वेळा गैरसमज झाल्याने आताशा तसे करताना काळजी घेतो! :( आता मी देण्यासाठी गमट्री वापरण्याच्या विचारात आहे.
गम ट्रीवर कोणत्याही वस्तूची जाहिरात फुकट करता येते त्यात फ्रीबी नावाचा विभागच आहे. तेथे फुकट देउन टाकण्याच्या जाहिराती असतात. यात कपडे, कुत्रे, वॉशिंग मशिन्स वासून वाटेल ते असते. एका बहाद्दराने तर मागे फुकट प्रॉपर्टी हवी आहे अशी जाहिरात दिली होती. :)
http://sydney.gumtree.com.au/f-Classifieds-W0QQAdTypeZ2QQPriceAlternativeZ3

काही स्त्रीया सेकंडहॅंड नवरे करतात, तर काही पुरुष सेकंडहॅंड बायका...

त्यांचे पण अनुभव असतील कोणाला तर येउ द्यात.

लग्न या एकाच प्रकारा मधे फ्रेशेर्स ला डीमांड असते...अनुभवी लोकांना कमी असते...

वापरलेले सेकंडहँड बीचक्राफ्ट बी२४आर सिएरा विकणे आहे. किंमत सव्वीस लाख पन्नास हजार मात्र.

१९८१ मॉडेल. चार सीटर. एअरवर्दी आणि उत्तम स्थितीत.

कोणाच्या इच्छा गुंतल्या आहेत का कल्पना नाही.