ए आई, सांग ना, कधी येइल बाबा घरा?
ए आई......,सांग ना SSSSS!
आता गोष्ट नको आम्हाला,
गाण्यातला रस संपला!
लुटुपुटीच्या भातुकलीचा,
आला खुप खुप कंटाळा SSSS!
ए आई, सांग ना SSSSS, कधी येइल बाबा घरा?
नकोच आई मजला,
चॉकलेटचा तो बंगला !
अन बर्फीची ती झाडे,
इथे आहेत, हवी SSSS कुणाला?
ए आई, सांग ना SSSSS, कधी येइल बाबा घरा?
राजपुत्र अन परीराणीच्या,
गोष्टींचा स्टॉकही संपला !
टॉम अँड जेरी, पापायनेही,
बघ जीव; आमचा SSS उबला !
ए आई, सांग नाSSSSS, कधी येइल बाबा घरा?
चिवचिव करती चिमणपिले,
चोचीतच घास राहीला !
असेल का गं गेला ?
त्यांचाही बाबा टूरSSS ला?
ए आई, सांग नाSSSSS, कधी येइल बाबा घरा?
बघ चांदोबा तो रुसला,
चांदण्याही..., बघ धुसफुसल्या !
अंगाई नच रुचे आम्हाला,
आम्हा हवाय बाबा......, थोपटायलाSSSSS !
ए आई, सांग नाSSSSS, कधी येइल बाबा घरा?
विशाल.
प्रतिक्रिया
27 Jul 2009 - 12:20 pm | प्रकाश घाटपांडे
पार्श्वभुमी व प्रेरणास्थान कळले नाही
प्रकाश घाटपांडे
आमच्या अनुदिनीत जरुर डोकवा.
27 Jul 2009 - 12:59 pm | विशाल कुलकर्णी
प्रेरणास्थान "आयुष्यावर बोलु काही" ....
पार्श्वभुमी ....? एक माजी पोलीस हे विचारतोय? ;-)
सस्नेह
विशाल
*************************************************************
मज पिसे लागलेले सुखांचे
गे हलकेच धुके ओसरते आहे...
28 Jul 2009 - 8:56 am | प्रा.डॉ.दिलीप बिरुटे
कविता वाचल्यावर मलाही परवा झी मराठीवर पाहिलेल्या "आयुष्यावर बोलु काही" ची आठवण झाली. काय मुळुमुळू रडतात स्त्रीया बाबांच्या आठवणींनी...!
(सर्वच स्त्रीयांचा एक वीक प्वॉइंट म्हणजे...'बाबा' ....असे वाटते)
-दिलीप बिरुटे
27 Jul 2009 - 5:04 pm | विसोबा खेचर
कविता आवडली..
बाकी, बाबा कुठे उलथलाय देव जाणे! :)
तात्या.
27 Jul 2009 - 9:55 pm | पक्या
छान कविता.
एकच खटकले...घरला हा शब्द. सगळी कविता शहरी बोली भाषेत आहे आणि घरला हा एकच शब्द ग्रामीण वाटतोय.
28 Jul 2009 - 9:36 am | विशाल कुलकर्णी
धन्यवाद, पक्या मलाही ते लक्षात आले होते, पण बदल करायचे काल राहुनच गेले. आज अपेक्षित बदल केला आहे. धन्स ! :-)
सस्नेह
विशाल
*************************************************************
मज पिसे लागलेले सुखांचे
गे हलकेच धुके ओसरते आहे...
28 Jul 2009 - 12:45 pm | बेचवसुमार
पण ह्या नादात ला..ला..ला हे यमक फसले की हो! :T ह.घ्या.
28 Jul 2009 - 12:55 pm | विशाल कुलकर्णी
'ला' नसला तरी 'आ' आहे ना! चालीत गुणगुणता आली म्हणजे झाले. आता तुम्ही "आ" वासु नका म्हणजे झाले. :T ह. घ्या. >:)
सस्नेह
विशाल
*************************************************************
मज पिसे लागलेले सुखांचे
गे हलकेच धुके ओसरते आहे...
28 Jul 2009 - 9:48 am | आशिष सुर्वे
विशाल भाऊ,
आपली कविता आवडली !
-
कोकणी फणस
''आयुष्य ही देवाच्या हातची मिसळच जणू.. सुख-दु:खाची!''