तंदूरी मलाई ब्रॉकोली

Primary tabs

केडी's picture
केडी in पाककृती
17 Mar 2017 - 10:42 am

TMB1

साहित्य
५०० ग्रॅम ब्रॉकोली
१ कप किसलेले चेडार चीज
१ कप किसलेले प्रोसेसड चीज (अमुल)
१०० ग्रॅम फ्रेश क्रीम
६ ते ८ वेलदोडे
१५ ते २० काळेमिरे
२ मोठे चमचे लसूण पेस्ट
१ मोठा चमचा आलं पेस्ट
४ ते ६ हिरव्या मिरच्या (आवडीनुसार कमी जास्त करा)

कृती
एका मोठ्या पातेल्यात पाणी उकळायला ठेवा. ब्रोकोलीचे मोठे तुकडे करून घ्या. पाण्याला उकळी आली की त्यात १ मोठा चमचा मीठ घालून, ब्रोकोली २ ते ३ मिनिटे गरम पाण्यात ब्लाँच करून घ्या. गरम पाण्यातून काढून, लगेच गार पाण्यात किंवा नळाखाली गार करून घ्या. ब्रोकोली निथळत ठेवा, तो पर्येंत इतर तयारी करून घ्या.

Step1 Step2

मिक्सर मधून, मिरच्या, आलं, लसूण, वेलदोड्याचे दाणे आणि काळीमिरी बारीक करून घ्या. एका भांड्यात, चीज, क्रीम आणि हि लसूण मिरची पेस्ट एकत्र करून घ्या. मिश्रणात चवीनुसार मीठ घालून, ब्रोकोली ह्या मिश्रणात १ ते २ तास मॅरीनेट करायला ठेवा.

Step3 Step4


ओव्हन, १८० ला प्री-हीट करून, हि ब्रोकोली १५ ते २० मिनिटे भाजून घ्या. कांदा, टोमॅटो बरोबर हि तंदुरी मलई ब्रोकोली गरमागरम वाढा!

Step5


चीज आणि क्रीम मुळे एक छान richness येतो ह्या डिशला! मिरच्या कमी घातल्या तर मुले देखील आनंदाने खातील. ब्रोकोली ऐवजी, बोनलेस चिकन चे तुकडे वापरून ह्याच पद्धतीने केलेला मलई चिकन टिक्का सुद्धा सुंदर लागतो! क्रीम आणि चीज बेस्ड डिश असल्यामुळे, एखाद्या लाम्बरूस्को, जिनफन्डेल किंवा कॅबरने वाईन सोबत अजूनच मज्जा येईल!

TMB2

प्रतिक्रिया

रुस्तम's picture

17 Mar 2017 - 11:11 am | रुस्तम

सकाळी सकाळी अत्याचार

नावातकायआहे's picture

17 Mar 2017 - 12:28 pm | नावातकायआहे

खल्लास!!

पद्मावति's picture

17 Mar 2017 - 2:22 pm | पद्मावति

क्लास्स!!

रेवती's picture

17 Mar 2017 - 3:43 pm | रेवती

पाकृ आवडली.

जागु's picture

17 Mar 2017 - 3:50 pm | जागु

मस्तच.

वेल्लाभट's picture

17 Mar 2017 - 4:10 pm | वेल्लाभट

लव्हली !

प्राची अश्विनी's picture

17 Mar 2017 - 4:35 pm | प्राची अश्विनी

मॅरीनेट करायला ठेवलंय. रात्री आल्यावर हाच मेनू.

नं विसरता फोटो काढून इथे टाका, आणि कसे झालेले हे पण लिहा...
_/\_

प्राची अश्विनी's picture

18 Mar 2017 - 10:35 am | प्राची अश्विनी

कॉर्न आणि कांद्याची आयडिया भारी! फोटो छान!

प्राची अश्विनी's picture

18 Mar 2017 - 10:38 am | प्राची अश्विनी

छान झालेलं. ब्रोकोली कमी होता म्हणून मका आणि कांदा पण घातला.
फोटो पहिल्यांयांदाच अपलोड करतेय.

अत्रुप्त आत्मा's picture

17 Mar 2017 - 7:01 pm | अत्रुप्त आत्मा

दुष्ट. दुष्ट!

पैसा's picture

17 Mar 2017 - 10:06 pm | पैसा

आम्ही जरा कुठे डाएट करावं म्हटलं की हे दुष्ट लोक क्रीम चीज घेऊन आलेच म्हणून समजा!

प्राची अश्विनी's picture

18 Mar 2017 - 10:40 am | प्राची अश्विनी

अगं किटो डाएट मध्ये हेच खायचं असतं. बिनधास्त खा.

प्राची अश्विनी's picture

18 Mar 2017 - 10:40 am | प्राची अश्विनी

अगं किटो डाएट मध्ये हेच खायचं असतं. बिनधास्त खा.

सावत्या's picture

17 Mar 2017 - 10:47 pm | सावत्या

उत्तम पाककृती !!!
पण ब्रोकोली आणि चीझ विथ क्रिम....
डायटेशन ला हार्ट अटॅक येईल हो...

केडी's picture

18 Mar 2017 - 8:37 am | केडी

ला पण खाऊ घाला मग....:-)) Lol

आषाढ_दर्द_गाणे's picture

18 Mar 2017 - 4:57 am | आषाढ_दर्द_गाणे

करून पाहण्यात येईल, पण वजन कमी झाले की(च)

अहो एकदाच करून बघा....चवीला खाऊन बघा, Weight and Age are mere damn numbers! LolLol

सविता००१'s picture

18 Mar 2017 - 9:50 am | सविता००१

ओव्हन नाही माझ्याकडे. तू कर आणि बोलव मला. ते जास्त सोप्पंय..
ओव्हन नसेल तर नाही होणार का रे?

तव्यावर (ग्रील पॅन) वर भाजून बघ...

सुरन्गी's picture

18 Mar 2017 - 3:25 pm | सुरन्गी

मस्त, मस्त!मस्तच!

अजया's picture

18 Mar 2017 - 3:50 pm | अजया

नक्की करून बघणार!

स्वाती दिनेश's picture

19 Mar 2017 - 10:17 pm | स्वाती दिनेश

दिसते आहे.
करेन एकदा फुरसतीत.
(फुरसतीत करायच्या, स्वत:ला आग्रह करून करायच्या गोष्टींची यादी वाढते आहे.)
स्वाती

बरखा's picture

21 Mar 2017 - 4:59 pm | बरखा

ब्रोकोली आवडते, नक्की करुन बघणार

मदनबाण's picture

22 Mar 2017 - 5:24 am | मदनबाण

आहाहा... भूक लागली ! Smile

मदनबाण.....

आजची स्वाक्षरी :- 3 पेग :- Kannada Rapper Chandan Shetty