रिमिक्स ओ.एस.

Primary tabs

इरसाल कार्टं's picture
इरसाल कार्टं in तंत्रजगत
30 Nov 2016 - 5:54 pm

नमस्कार मिपाकाराहो!
तुम्ही तुमच्या डेस्कटॉप वर अँड्रॉईड वापरून बघितलाय?
ज्यांना वापरायची इच्छा असेल त्यांच्यासाठी एक छान पर्याय उपलब्ध आहे जालावर.

नाही, मी ब्लू स्टॅक्स बद्दल बोलत नाहीये.

हे प्रकरण थोडं वेगळं आहे...
रिमिक्स ओ.एस.

अँड्रॉईड मार्शमेलो वर आधारित हि ऑपरेटिंग सिस्टम तुम्ही तुमच्या विंडोज वर किंवा अगदी पेन ड्राईव्ह वर इंस्टॉल करू शकता आणि एक स्वतंत्र ओ.एस. प्रमाणे वापरू शकता.

तर हि ओ.एस. इंस्टॉल करण्यासाठी पुढील प्रमाणे सुविधा असलेला कॉम्पुटर असायला हवा.
1. 2 GHz dual core processor or better
2. 2 GB system memory
3. Minimum 8 GB of free hard drive space

आता वरील गोष्टी उपलब्ध असल्यास तुम्ही या लिंक http://www.jide.com/remixos-for-pc
वर जाऊन हि ओ.एस. डाऊनलोड करू शकता. या लिंक वर डाऊनलोड करण्यासाठी टोरेंट तसेच मिरर हे दोन्ही पर्याय उपलब्ध आहेत(मी टोरेंटचा पर्याय निवडला).

1. डाऊनलोड झालेल्या झिप फाईल चे नाव release_Remix_OS_for_PC_Android_M_64bit_B2016112101 असे दिसेल. त्यामधील Remix_OS_for_PC_Installation_Tool-B2016080802 हि .exe फाईल उघडा.
2. आता समोर येणाऱ्या विंडो मध्ये ISO फिले साठी Browse या बटनावर क्लिक करून डाऊनलोड केलेल्या फोल्डर मधील Remix_OS_for_PC_Android_M_64bit_B2016112101 नावाची ISO फाईल निवडा.
3. त्यानंतर तुम्हाला हि ओ.एस. कुठे(USB/HDD) इंस्टॉल करायची आहे तो पर्याय निवडा( इथे मी HDD हा पर्याय निवडला).
4. आता तुमच्या कॉम्पुटर वरील तो ड्राईव्ह निवडा जिथे तुम्हाला हि ओ.एस. इंस्टॉल करायची आहे.
5. त्यानंतर तुम्हाला हवी असलेली रॉम क्षमता निवडा(32 GB Recomended).
6. आता पुढील ५ ते 10 मिनिटे एक मस्त कॉफी घेत इंस्टॉलेशन पूर्ण व्हायची वाट बघा. Smile
7. तुमचा कॉम्पुटर रीस्टार्ट झाला कि तुम्हाला विंडोज अनो रिमिक्स ओ.एस हे दोन पर्याय दिसतील, त्यातील रिमिक्स ओ.एस हा पर्याय निवडा.
8. आता पुढील सर्व प्रक्रिया नवीन घेतलेल्या अँड्रॉईड स्मार्टफोन सारखीच असेल.
तुम्ही स्मार्ट फोन वर वापरत असलेली सर्व अॅप्स आरामात वापरू शकता.
नक्की ट्राय करून बघा.

प्रतिक्रिया

इंटरेस्टींग. ओएस किती जीबी खाते? एकाच लॅपटॉपवर खिडक्यांसकट हे इन्स्टॉल केलं तर संथ होईल का जरा लॅपटॉप?

बोका's picture

30 Nov 2016 - 7:13 pm | बोका

रिमिक्स ओएस हार्डडिस्क च्या सी किंवा डि ड्राईव्ह मध्ये एक फोल्डर बनवते. त्यात आपण निवडू त्याप्रमाणे ८/१६/३२ जीबी ची सिस्टिम फाईल बनते.
त्यामुळे विंडोज संथ चालेल असे वाटत नाही.
मी रिमिक्स ओएस माझ्या लिनक्स मशीनवर वापरून बघीतली. छान आहे. लिनक्स मशीनवर इन्स्टाल करतान थोडा त्रास झाला. ग्रुब मधे फेरफार करावे लागले.

इरसाल कार्टं's picture

1 Dec 2016 - 5:44 pm | इरसाल कार्टं

खिडकीवर काहीही परिणाम होणार नाही. ti पाहिल्यासारखीच फटाफट उघडेल.

पाटीलभाऊ's picture

30 Nov 2016 - 6:27 pm | पाटीलभाऊ

पण...आम्ही विंडोजप्रेमी...!
असंच अँड्रॉइड ओ.एस. विंडोज भ्रमणध्वनीवर चालवता येईल का ?

खिडकी (भ्रमणध्वनी आणि संगणक)वाला,
पाटीलभाऊ.

पैसा's picture

30 Nov 2016 - 6:30 pm | पैसा

आपोआप dual बूट option येतोय का? मग चांगले आहे. पण अँड्रॉइड पेक्षा मला दुसऱ्या लिनक्स प्रणाली जास्त आवडतात.

मराठी कथालेखक's picture

30 Nov 2016 - 7:13 pm | मराठी कथालेखक

ड्राईव्ह (HDD ) निवडल्यास ड्राईववरील फॉमॅट होतो का ? म्हणजे संपुर्ण ड्राईव या ओ एस ला लागतो का ? काही फोटोज टाकाल काय ?

पण उबंटूसारखा लिनक्स ओएस फुकट उपलब्ध असताना हा उद्योग का करायचा?

गामा पैलवान's picture

30 Nov 2016 - 8:17 pm | गामा पैलवान

अरे वा, इरसाल कार्टा! तुम्ही सुंदर पर्याय मिळवून दिलात. मी कृतकयंत्रावर (=व्हर्च्युअल मशीन) चढवून पाहेन.
आ.न.,
-गा.पै.

आनंदयात्री's picture

30 Nov 2016 - 8:23 pm | आनंदयात्री

__/\__ आणि आभार 'कृतकयंत्र' या शब्दासाठी Smile

इरसाल कार्टं's picture

2 Dec 2016 - 4:08 pm | इरसाल कार्टं

मी सहमत आहे!!!

mayu4u's picture

2 Dec 2016 - 4:31 pm | mayu4u

असेच म्हणतो!

आनंदयात्री's picture

30 Nov 2016 - 8:22 pm | आनंदयात्री

हे वापरून हायपर व्ही वर अँड्रॉइड वर्चुअल मशीन बनवता आले तर टेस्टिंगसाठी उपयोग होऊ शकेल. अर्थात प्रत्येक मोबाईल डेव्हलपमेंट प्लॅटफॉर्मवर हरतऱ्हेचे इम्युलेटर उपलब्ध असतांना असे करून टेस्टिंग करायची गरज पडेल काय असाही प्रश्न आहेच.

इरसाल कार्टं's picture

14 Dec 2016 - 10:12 am | इरसाल कार्टं

खरेतर आपण टोरेंट हि संकल्पना खूप वेगळ्या बाजूने बघतो.
टोरेंट वापरणे हे बेकायदेशीर नसून टोरेंट वरून पायरेटेड चित्रपट, गेम्स, गाणी आणि सॉफ्टवेअर सारख्या गोष्टी डाउनलोड करणे बेकायदेशीर आहे.
बर्याचश्या वेबसाईट्स वर मुद्दाम टोरेंट फाईल दिलेली असते वापरकर्त्यांच्या सोयीसाठी. मंद इंटरनेट वापरणाऱ्यांची हे तर खूपच सोयीस्कर आहे.
तुम्ही यू टोरेंट डाउनलोड काररून घ्या, आणि बिनधास्त रिमिक्स व एस डाउनलोड करा.

सतिश गावडे's picture

24 Jan 2017 - 9:42 am | सतिश गावडे

हा उपद्व्याप करुन पाहीला. ओएस इन्स्टॉल होते. मात्र बुट होत नाही.

find --set-root --ignore-floppies /menu.lst

error 15:File Not Found

Press any key to continue . . .

असा एरर येतो. दुरुस्त करण्यासाठी नेटवरील उपाय करुन पाहीले. काही फायदा झाला नाही. एकाने ड्राईव्ह फोल्डरचा टाईप NTFS चा FAT32 करा असे सुचवले आहे. मात्र माझ्या ६४ बीट मशिनवर तो पर्याय येत नाही.

इरसाल कार्टं's picture

29 Jan 2017 - 2:53 pm | इरसाल कार्टं

बघतो ऊद्या हापिसात जाऊन.