पुरवठ्याची काजू कतली.
आईकडे गौरीच्या दिवशी मोठ्या आरतीच्या वेळी पूर्वी आवर्जून केली जाणणारी पाककृती देतेय.नंतर माझ्यापेक्षा धाकटा भाऊ कमवायला लागल्यावर काजूकतली विकत आणू लागला.पण तरीही त्याला चिडवत सगळे म्हणायचे,’’माईच्या हातची सर नाही हां.’’कारण वडीचे आकारमानही मोठे न् जाड असायचेच.चवही आगळीच.रवा घातलाय याची शंकासुद्धा येत नाही.चला तर बनवा यंदाच्या गणपतीला.
खालील प्रमाण हवे तवढे कमी जास्त करून घ्या.
साहित्य:-
१. १ वाटी रवा.(शक्यतो फाईन रवा घ्यावा०)
२. १ वाटी तूप.
३. ३ वाट्या दूध सायीसकट.
४. ४ वाट्या साखर.
५. १ वाटी रवाळ काजूपूड.
६. वासासाठी ७/८ वेलचांची पूड.
७. १०/१२ केशर धागे ऐच्छिक.
कृती:-
१. वाटीभर रवा जाड असेल तर कोरडाच रंग बदलू न देता भाजावा. थंड झाल्यवर मिक्सर मधून फिरवून घ्यावा.फाईन असेल तर नुसताच भाजावा.
२. त्यात अनुक्रमांक दोन ते चार चे साहित्य नॉनस्टिक पॅनमध्ये एकत्र करून अंदाचे २०/२५ मिनिटे मोठ्या आचेवर आटवावे.
३. खाली उतरल्यावर काजूपूड व केशर घालून ढवळत रहावे. गार झाल्या त्याचा गोळा होऊ लागतो.
४. त्यात वेलचीपूड घालावी.
५. तूप लावलेल्या ताटात अगर ट्रे मध्ये थापावे.वड्या पाडाव्यात.
६. दोन्ही बाजूला प्लास्टिक घालून लाटूही शकता.
(हा फोटो जालावरचा असला तरी तो माझ्या एका मामेभावानेच टाकला आहे.)
प्रतिक्रिया
23 Sep 2015 - 10:00 am | इशा१२३
सुंदर सोपी रेसिपी.छानच!
23 Sep 2015 - 10:04 am | पैसा
कसल्या सुंदर दिसताहेत वड्या! मला वाटते मिठाईवाले पण अशाच करत असणार. नाहीतर १००० रुपले किलोचे काजूगर घेऊन काजूकतली ५००-६०० रुपये किलोने विकणे त्याना शक्य दिसत नाही. कारण साखर वगैरे असली तरी मेहनत, पॅकिंग इ. चा खर्च प्रचंड असतोच.
23 Sep 2015 - 10:18 am | पियुशा
वा सुंदर ! किती सोपि आनी सुटसुटीत आहे . :)
23 Sep 2015 - 10:53 am | पद्मावति
वॉव...काय मस्तं दिसताहेत काजुकतली. खुप छान पाककृती.
23 Sep 2015 - 11:01 am | पदम
सोपि नि छान पाककृती. आवडिचा पदार्थ.
23 Sep 2015 - 11:10 am | अत्रुप्त आत्मा
मत्त्त्त्त!
23 Sep 2015 - 11:32 am | त्रिवेणी
आवडती काजुकतली.
23 Sep 2015 - 11:34 am | स्वाती दिनेश
काजूवड्या छानच दिसत आहेत.
स्वाती
23 Sep 2015 - 12:50 pm | अजया
झकास पाकृ. पुढच्या गणपतीला याच करुन ठेवेन आता.
23 Sep 2015 - 1:35 pm | स्वाती दिनेश
हे मिश्रण थोडे अजून घट्ट करून मोदकाच्या साच्यात घालून काजू मोदकही करता येतील ग.
स्वाती
23 Sep 2015 - 1:49 pm | मधुरा देशपांडे
वाह. काजूकतली भयंकर आवडते. हा प्रकार करायला सोप्पा वाटतोय त्यामुळे लवकरच करणार.
23 Sep 2015 - 2:25 pm | कविता१९७८
मस्तच सुगरण ताई
23 Sep 2015 - 3:04 pm | सूड
रेसिपी छान आहे, पण रवा कधी घालायचा? अनुक्रमांक २ ते ४ च्या साहित्याबरोबर तो पण घालायचा का?
23 Sep 2015 - 4:41 pm | सानिकास्वप्निल
पाकृ आवडली, नक्की बनवणार.
23 Sep 2015 - 5:20 pm | रेवती
फोटू व पाकृ आवडली. रवा व काजूपूड मिसळून मगच आटवायला घ्यायचे असावे.
23 Sep 2015 - 7:18 pm | नूतन सावंत
सूड,तुझे बरोबर आहे."त्यात" हा शब्द २.च्या सुरुवातीला हवा.
6 Oct 2015 - 2:29 pm | मनीषा
छान आहे पाककृती.
6 Oct 2015 - 4:24 pm | अनन्न्या
कृती पण सोपी आहे.