शनिवारपासून श्रावण सुरू झाला. आता महिनाभर वेगवेगळे उपास केले जातील. उपासाला साबुदाणा खाऊन कंटाळा येतो, आणि आरोग्यासाठीही तो हितकर नाही. शिंगाडा हा कंद उपासासाठी वापरल्या जाणाय्रा पदार्थांपैकी एक असला तरी आपण त्याचा फार कमी वापर करतो. आयुर्वेदिकदृष्ट्या शिंगाडा ऊर्जावर्धक आहे, त्यापासून पीठ तयार करतात. हे पीठ थालिपिठासाठी वापरतात. त्याची खीर, लाडूही करतात.
साहित्यः शिंगाड्याचे पीठ दोन वाट्या, पिठी साखर दीड वाटी, साजूक तूप पाऊण वाटी, सुक्या खोबय्राचा कीस अर्धी वाटी, दाण्याचे कूट अर्धी वाटी, वेलची पावडर.
कृती: शिंगाड्याचे पीठ कढईत घ्यावे. त्यात तूप घालून तांबूस रंगावर भाजून घ्यावे, गार करण्यास ठेवावे. सुके खोबरे किसून, भाजून घ्यावे, शेंगदाणे भाजून त्याचे कूट करून घ्यावे. भाजलेले पीठ गार झाले की त्यात पिठीसाखर, दाण्याचे कूट, सुक्या खोबय्राचा कीस बारीक करून मिसळावा. स्वादानुसार वेलची पावडर घालावी. सर्व पीठ नीट मिसळून लाडू वळावेत. लाडू नीट वळले जात नसतील तर गरजेनुसार साजूक तूप घालावे.
यामध्ये डिंक तळून , खारीक पावडरही घालता येईल. फक्त त्यानुसार लागल्यास पिठीसाखरेचे प्रमाण वाढवावे. या प्रमाणात १५/१८ लाडू होतील. हा लाडू अतिशय पौष्टिक आहे, लहान मुलांना अवश्य द्यावा.
प्रतिक्रिया
17 Aug 2015 - 4:57 pm | जडभरत
खूप सुंदर दिसताहेत लाडू.
मस्तच!
17 Aug 2015 - 6:44 pm | मधुरा देशपांडे
आवडली पाकृ.
17 Aug 2015 - 7:14 pm | अजया
छान सात्विक पाकृ!
17 Aug 2015 - 7:36 pm | Mrunalini
पाकृ आवडली.. इथे आम्हाला काहि शेंगाड्याचे पीठ मिळणार नाही. त्यामुळे भारतात आल्यावर ट्राय करेल.
17 Aug 2015 - 10:44 pm | सानिकास्वप्निल
छान आहे पाककृती :)
फोटो पण मस्तं.
17 Aug 2015 - 11:52 pm | इशा१२३
मस्त दिसतायेत लाडु ...करुन पाहिन.
17 Aug 2015 - 11:56 pm | श्रीरंग_जोशी
पाकृ आवडली. फोटोही छानच.
18 Aug 2015 - 12:11 am | रेवती
सुंदर दिसतायत लाडू.
18 Aug 2015 - 3:53 pm | अनन्न्या
कणकेच्या लाडवासारखे लागतात. सर्वांचे आभार.
18 Aug 2015 - 4:18 pm | पद्मावति
खूप छान, सोप्पी पाककृति. धन्यवाद.
19 Aug 2015 - 3:26 am | विशाखा राऊत
मस्त मस्त लाडु
19 Aug 2015 - 3:54 pm | नीलमोहर
छान आहेत लाडू !!
19 Aug 2015 - 10:09 pm | त्रिवेणी
लाडू मस्त दिसतायत.
19 Aug 2015 - 11:41 pm | अत्रुप्त आत्मा
मला पायजे.
समांतरः- त्या खिचड्या खाण्यापेक्षा हे लाडू कित्ती चांगले.. पण करतच नैत कुणी असलं कै. :-/ दुत्त दुत्त :-/
2 Sep 2015 - 11:12 am | दिव्यश्री
मी करेण पण मला कध्धी कध्धी :-/ दुत्त दुत्त :-/ अस म्हणाच णै .
बाय द वे मस्त पाकृ. :)
20 Aug 2015 - 9:16 pm | रातराणी
मस्त दिसतायत लाडू :)
21 Aug 2015 - 5:28 pm | अनन्न्या
तुमच्या punyache माहित नै.
आभारी आहे सर्वांची!
23 Aug 2015 - 11:24 am | यशोधरा
अनन्न्या, दुत्त!! दुत्त!!!
पुण्याला असं म्हणते! वरुन लाडवांचे फोटो टाकते!!!
22 Aug 2015 - 9:23 am | मदनबाण
मस्त ! :)
{ओले शिंगाडे सोलुन खाणारा} :)
मदनबाण.....
आजची स्वाक्षरी :- Yasmine - Khodny W Rooh / ياسمين - خدني وروح
23 Aug 2015 - 11:10 am | पियुशा
शिंगाड्याचे लाडु मस्त दिसताहेत :)
23 Aug 2015 - 1:07 pm | पैसा
मस्त पाकृ!
2 Sep 2015 - 9:37 am | स्पंदना
भारी पाक्कृती.
आता मिळाले की आणेन हे पिठं.