परिक्षणासाठी मदत हवी.

या निर्णयाबद्दल मनःपूर्वक अभिनंदन व शुभेच्छा!!

भारतात राहत नसल्याने या परिक्षणात सहभागी होऊ शकत नाही. पण काही कल्पना सुचल्यास अवश्य कळवीन.

भ्रमणध्वनी क्रमांक व्यनि करा. माझा नंबर व्यनि करतोय. उद्या बोलीन तुमच्याशी.

डांगे गृहोद्योगाला शुभेच्छा!!!

फीडबॅक प्रश्नतालिकेतून मिळणार्‍या उत्तरांचं परीक्षण तुम्ही नीट करालच, पण माझे आपले चार आणे.

एकाद्या पदार्थाची चव हा अत्यंत वैयक्तिक प्रकार आहे. तरी लिंग, वय, वसतीस्थान, इ. वर विशिष्ट चव अ‍ॅप्रिशिएट होणं अवलंबून असतं. उदा. कांदा लसूण मसाला कशी चव देतो आहे हे स्पंदनाताई जास्त विचक्षणपणे सांगू शकतील. वाटण/हिरव्या मसाल्यासाठी पैसाताई. पावभाजी मसाल्यासाठी आयुष्यभर एकाच दुकानातली/शहरातली पावभाजी खाल्लेल्या माणसापेक्षा दहा ठिकाणी तोंडं मारून आलेला माणूस योग्य. वगैरे.

तर मुद्दा असा आहे, की फीडबॅकमध्ये आलेली उत्तरं आणि फीडबॅक देणार्‍या व्यक्तीचं लिंग, वय, वसतीस्थान यामध्ये संबंध (कोरिलेशन) असेल. तो लक्षात घेऊनच फीडबॅकचा अर्थ लावणं योग्य.

आणि आता इतर ( Customer Insights :-) )

1) बाजारातील एकाही मसाले/ मिक्स विषयी फार खुश नाही.
२) शक्यतो घरुन मसाले आणतो ( तिथे ते सर्व आख्खे विकत घेउन दळलेले असतात )
३) जेव्हा केव्हा कुर्ग, केरळला जाणे होते तिथुन आख्खे मसाले आणतो. गेली ३ वर्षे असेच चालवले आहे. हळद अशीच वाइ सांगली हुन.
४) सर्व प्रमुख ब्रॅन्ड चे मसाले ( एवरेस्ट, एमडीएच, रामदेव वगैरे ) जवळजवळ एकाच किमतीला असतात.
५) तुम्ही म्हणाले तसे, फिलर्स फारच वापरतात. हिन्ग वगैरे फारच.

चांगल्या दर्जाचा मसाला बाजारात नक्की जागा तयार करेल. जळगावचा वासु मसाला आम्ही कसाही मागवायचो.

कस्ट्मर सर्वेचा उद्योग भरपुर केला आहे. त्याब्द्दल थोडेसे -
१) कोणताही प्रॉडक्ट आणताना ३ प्रकारच्या गरजांचा विचार करा. बेसिक, परफोर्मन्स आणि डिलाइट.
http://en.wikipedia.org/wiki/Kano_model
२) कस्टमर फिडबॅक साठी ( कुरियर वाले ) एक मस्त गुगल फॉर्म तयार करा. अनालिसिसचे काम झटक्यात होइल. काही मदत लागल्यास सांगा.

हॉटेल्स हा एक ग्राहक होउ शकेल का?

मनापासून अभिनंदन..... लवकरच तुमचे मसाले आम्हाला इथेही खायला मिळोत अशाच शुभेच्छा देतो.

जागू यांना सुद्धा विचारा . त्या एक्सपर्ट आहेत.

नवीन व्यवसायासाठी अनेकोत्तम शुभेच्छा. तुमच्या परीक्षणात भाग घ्यायला आवडेल पण भारतात राहत नसल्यामुळे भाग घेऊ शकत नाही. ग्राहक ह्या दृष्टीने लवकरच प्रतिसाद देईन.

शुभेच्छा डांगेसाहेब

नवीन उपक्रमास खुप शुभेच्छा!! इथे विकतचा तयार गोडा मसाला खावा लागत आहे :-(

इथल्या पाककला-निपुणांबरोबरच, पेठकर साहेबही वेळ मिळाला की सल्ला देतीलच असं वाटतं, एका यशस्वी व्यावसायिकाचा तो अनुभवी सल्ला नक्कीच उपयोगाचा असेल.

उपक्रमास शुभेच्छा. पण २० ग्रॅम मसाला थोडा कमी वाटतोय.
थोडा जास्त दील्यास, भाजी, चिकन, मटण, मासे यात टाकून, चव पाहून अभिप्राय दिला जाईल..

आम्हाला पाठवा.

सर्वप्रथम शुभेच्छा आणि ऑल दी बेस्ट! मला तुमची होम-वर्क करण्याची पध्दत आवडली.

मी तर म्हणेन तुम्ही तुमचे जे कोणी ग्राहक ठरविले असतील त्यात सगळ्यात पहिला नं. मिपाकरांचा लावा, जर सहज शक्य असेल तर तुम्ही आम्हाला कुरियर ने पाठवा म्हणजे भारतातल्या काना-कोप-यात तर तुमच्या मसाल्याची जाहिरात होईलच पण परदेशामधे सुध्दा बोलबाला होईल :)

भरमार जाहीरात करतात टिव्हीवर त्यांचे मसाले फारसे चवदार आणि किफायती वाटत नाहीत.
दुसरे असे की जास्तीत जास्त गृहपयोगी प्रदर्शने शकत्यो संस्थांची असतील (किसान प्रदर्शन)अश्या ठिकाणी आपली उप्त्पादने (अभिप्राय वहीसोबत ठेवाच)
आणि आपल्या मसाल्याची चव आणि ओढ साता समुद्रापार पोहचो ही श्री चरणी शुभेच्छा !

आता तुम्हाला बहुराष्ट्रीय कंपन्यांशी स्पर्धा करावी लागेल

लोणची, तयार मसाले, ब्रेड, पापड ते मेणबत्त्या अशा २० प्रकारच्या वस्तूंची निर्मिती ही केवळ सूक्ष्म व लघुउद्योगांमधूनच केली जावी, असा १९६७ सालापासून चालत आलेला धोरणात्मक निर्णय आहे. या सूचीतील वस्तूंचे उत्पादन आता सर्व कंपन्यांसाठी अगदी बहुराष्ट्रीय कंपन्यांसाठीही खुले झाले आहे.

दुवा

अभिनंदन आणि शुभेच्छा.

"मसाला" सिनेमाने भलतेच प्रभावित झालेले दिसताय !!

अवांतरः मसाला शेंगदाण्यांचा व्यवसाय उघडला असतात तर आतापर्यंत परदेशातून पण मागणी आली असती.... ( मिपाकर रसिक हो :-)) !!)...... ह घ्या.......

आम्ही आमच्या गावी , धुळे येथुन मसाला तयार करुन आणतो. लाल मिरची तेल टाकून भाजून घेतो. त्यानंतर सर्व कच्चा मसाला , एकत्रीत करुन चक्कीवर दळून घेतो. त्यातील जीन्नस कोणकोणते हे प्रमाण मजकडे लिहिलेले आहे.आपणास हवे असल्यास , पाठवू शकतो.

'चव' ही व्यक्तीसापेक्ष असते आणि मसाल्याचा दर्जा ही चव ठरवत असते.
मला घरासाठी लागणारे बहुतेक मसाले मी स्वतः घरीच किंवा चक्कीवर दळून घेतो. पावभाजीसाठी एव्हरेस्ट, बादशाह, मंगल वगैरे मसाले वापरून झाले. एव्हरेस्ट मसाल्याच्या पुरवठ्यात सातत्य नसल्यामुळे 'मंगल' चा पावभाजी मसाला वापरून पाहिला. त्याची चव जुळेजुळे पर्यंत तो मसालाच बाजारातून गायब झाला. बादशाह पावभाजी मसाला पुरवठ्यात आणि चवीत चांगले सातत्य आहे आणि इथल्या माझ्या गिर्‍हाईकांनी तो मनापासून स्विकारल्यामुळे मी तो बदलत नाही. तर, उपहारगृहवाल्यांचे असे असते की मसाला चविष्ट असावा, पोटाला त्रासदायक नसावा (अ‍ॅसिडीटीच्या तक्रारी येऊ नयेत), पुरवठा नियमित असावा, मसाल्यामुळे मुळ पदार्थाचा रंग बदलू नये. हे निकष मी पाळतो. (अनुभवातून आलेले ज्ञान).
उपहारगृह व्यवसायात जाणकार मालकवर्ग कमी असतो. सरसकट स्वयपाक्यावर अवलंबून (स्वतःला स्वयंपाक येत नसेल तर, बहुसंख्य मालक) आणि स्वस्तातला माल खरेदी करून उत्पादन किंमत न्यूनतम ठेवण्याचा आणि त्यायोगे जास्तीत जास्त नफा कमविण्याचे उद्दीष्ट ठेवणारे अधिक असतात. पण उत्कृष्ट चव सांभाळल्यास जास्त आणि नियमित गिर्हाईके येऊन उपहारगृहाचे नांव होणे आणि पर्यायाने नियमीत नफा मिळविणे ह्यावर कमी लोकांचा भर असतो. पण तो ज्यांचा असतो ते मसाल्यांबाबत चोखंदळ असतात. किंमत पहात नाहीत.
उपहारगृहांना मसाले विकायचे असतील तर किलोची, पाच किलोची पाकिटे बनवून कमी दरात द्यावी. सेल जास्त होत असल्याने परवडते सुद्धा. आमच्याकडून ही किरकोळ विक्रीपेक्षा घाऊक विक्रीत जसे ऑफिसला लागणारा नाश्ता जो २००-३०० नग समोसा, बटाटावडा असा जात असतो. त्यांना आम्ही किरकोळ विक्रिकिमतीपेक्षा कमी किमतीत देत असतो.
विक्री कौशल्याबाबत सांगायचे झाल्यास उपहारगृह मालकांना १५० ते २०० ग्रॅमचे पाकीट 'सँपल' म्हणून फुकटात द्यावे. त्याच बरोबर तो मसाला बनविताना त्याच्या चवीच्या दृष्टीने तुम्ही काय काळजी घेतली आहे (घटक जीनसांची प्रत) वगैरे वगैरे बाबी न कंटाळता उपहारगृहमालकास समजवाव्यात. बाजारातील इतर मसाल्यांपेक्षा तुमचा मसाला उजवा का आहे हे विशद करून सांगावे. तो मसाला वापरल्याने त्या उपहारगृहाची गिर्‍हाईके अशी चव इतरत्र मिळत नसल्याने कशी नियमीत येतील वगैरे पटवून द्यावे. आणि तो मसाला वापरला जाई पर्यंत त्या उपहारगृहाला भेट देऊन 'फिड बॅक' घेत राहावा.
दुकानदारांना किरकोळ गिर्हाईकांना मसाले वि़कण्यासाठी द्यायच्या पॅकेटसमधे एखाद्या व्हेज आणि नॉनव्हेज पदार्थाची छापील पाककृती (म्हणजे तो मसाला कसला असेल त्या नुसार. जसे, पावभाजी मसाला, बिर्याणी मसाला, भाज्यांचा मसाला, काळा मसाला, कच्चा मसाला वगैरे वगैरे बरोबर पावभाजीची, बिर्याणीची , भाजीची, उसळीची वगैरे द्यावी) किरकोळ गिर्‍हाईकाला त्या पदार्थाशी असलेलं त्या मसाल्याचं नातं ती पाककृती करून पडताळून पाहता येतं.
महिला मंडळाच्या कार्यक्रमात २५ ते ५० ग्रॅमची पाकीटे वाटावीत. त्याच वेळी त्या कार्यक्रमात तुमच्या मसाल्याच्या ब्रँडचे बॅनर्स असावेत. शक्य झाल्यास बँकांमध्ये, सरकारी खात्यात, शाळांमधून जिथे महिलावर्ग बहुसंख्येने असतो तिथे 'सँपल' वाटप करावे.
ह्या सर्व प्रकरणात प्रथम आपले उत्पादन आपल्या शहरात मुळ धरेपर्यंत सतत सर्वांशी संवाद साधणं (Blowing your own trumpet) फार महत्वाचं असतं. माल ज्या वेगाने संपेल त्या वेगाने उत्पादन वाढवावं. बाजारातला माल आधी संपला आणि तुमचे स्टॉक्स कमी पडू लागले तर ब्रँड मार खातो.

सुरुवातीला फायदा कमी झाला तरी चालेल पण किमत मार्केट मधील प्रस्थापित ब्रँड पेक्षा जास्त ठेऊ नये. थोडी जास्त चालेल पण अति जास्त नसावी. पुढे जसजसा जम बसेल तसतशी किंमत वाढविता येईलच.

शुभेच्छा...!