साहित्यः
१. मोकळा शीजवलेला भात
२. उभे चीरलेले कांदे - २
३. उभी चीरलेली सीमला मीरची - १
४. वाफवलेले किंवा फ्रोझन मटार - १/२ वाटि
५. बारीक चीरलेले टोमॅटो - ३ ते ४
६. पनीर क्युब्स - १ पाकिट
७. पेस्ट - २ चमचे (२ पाकळ्या लसूण, पेरभर आलं, २ हिरव्या मिरच्या, कोथींबीर)
८. बटर क्युब्स - ३
९. तेल - २ चमचे (म्हणजे बटर जळणार नाहि)
१०. गरम मसाला - १/२ चमचा
११. धणे पावडर - १.५ चमचा
१२. लाल तिखट - १ चमचा
१३. बिर्यानी मसाला - १/२ चमचा (एच्छिक पण छान फ्लेवर येतो)
१४. चवीनुसार मीठ
१५. बारीक चीरलेली कोथींबीर/किसलेलं पनीर
कृती:
१. फ्रोजन पनीर क्युब्स वापरणार असाल तर थोडया वेळ गरम पाण्यात घालून ठेवा जेणेकरुन मउ होतील. हे क्युब्स किंचीत मोठे असतात म्हणुन त्यांचे मधून दोन भाग करा. थोडे क्युब्स बाजूला ठेवुन बाकिचे आवडत असल्यास शॅलो फ्राय करुन घ्या. बाजूला ठेवलेले क्युब्स किसुन ठेवा.
२. मंद आचेवर नॉन स्टिक कढई/वोक/पॅन मधे बटर क्युब्स घाला. लगेच दोन चमचे तेल घाला. तेल तापलं कि उभा चीरलेला कांदा घालून परता. कांदा साधारण तपकिरी झाला कि वाटलेली पेस्ट घाला. पेस्टचा कच्चा वास गेला कि उभी चीरलेली सीमला मीरची घालून परता
३. सीमला मीरची मउ झाली कि आता बारीक चीरलेला टोमॅटो घाला. वाफा देत देत टोमॅटो पुर्णपणे शीजला कि वाफलेले मटार घाला. मटार घालून १-२ मि. परतलं कि सगळे मसाले / चवीनुसार मीठ घाला.
४. पाण्याचा हलका हबका मारा जेणेकरुन मसाले खाली लागणार/चीकटणार नाहित. एक ४-५ मि. शॅलो फ्राय केलेलं पनीर, किसलेलं थोडसं पनीर आणि कोथींबीर त्यात घाला. कढईवर झाकण ठेवून एक ४-५ मि. पनीर मधे सर्व मसाले मिसळून जाउ दया. अर्थात भाजी मधे मधे ढवळत रहा.
५. पाणी पुर्ण आटुन भाजी सुकि झाली कि गॅस बंद करा. आता त्यात मोकळा शीजवलेला भात हलक्या हाताने मिक्स करा.
६. बारीक चीरलेली कोथींबीर आणि किसलेलं पनीर पेरुन गर्मागरम मटार - पनीर पुलाव आवडत्या चटणी/रायतं किंवा लोणच्या सोबत पेश करा.
अवांतरः पनीर शॅलो फ्राय केलेलं पॅन काळच / ग्लेझ उडालेलं आहे. त्यावर कोणी ताशेरे ओढू नये हि विनंती.
प्रतिक्रिया
1 Feb 2015 - 5:58 pm | रेवती
हा भात आयता करून मिळाल्यास मजा येईल. ;) कृती चांगली वाटतिये. फोटू आवडला पण आधी खोबरे घातलेय काय असे वाटले. नंतर ते पनीर असल्याचे समजले.
2 Feb 2015 - 1:15 am | आनन्दिता
दिपक कुवैत म्हटल्यावर ते पनीरच्च असणार ही खात्री होती. ;)
2 Feb 2015 - 1:23 am | डॉ सुहास म्हात्रे
+१००
नायतर लोकांनी "हे पनिर घालून करता येईल का ?" असं विचारलं असतंच :)
1 Feb 2015 - 6:35 pm | सव्यसाची
भारी झालाय. :)
पुलाव ला आलेला रंग विशेष आवडला आहे.
1 Feb 2015 - 7:09 pm | सानिकास्वप्निल
पनीर किंग इज बॅक ;)
मटर-पनीर पुलाव छान दिसतोय, मस्तं पाककृती व झक्कास फोटू :)
1 Feb 2015 - 7:40 pm | मुक्त विहारि
बायकोने त्याला, "मटार-उसळ आणि भात" असे नांव दिल्याने, नंतर त्या भानगडीत पडलो नाही.
बादवे,
सोमवारच्या ऐवजी, रविवारी पा.क्रु. टाकल्याने, "भाते" ह्यांच्या प्रतिसादाच्या अपेक्षेत.
1 Feb 2015 - 9:05 pm | निवेदिता-ताई
झकास
1 Feb 2015 - 9:15 pm | अजया
उद्याच करते!
1 Feb 2015 - 9:25 pm | सुहास झेले
मस्तच !!
1 Feb 2015 - 9:36 pm | अत्रुप्त आत्मा
शेवटच्या तीन फोटूंमधून क्रमाक्रमाने गंध येत.. शेवटी चवंही मनात उतरली आहे!
(सध्या पाकशाळा-प्रवेश झालेला असल्यामुळे.... लवकरच करून बघण्यात येइल..असे म्हणण्याची रिस्क घेतो! :) )
1 Feb 2015 - 11:03 pm | मुक्त विहारि
एकाच वाक्यात बरेच मतितार्थ लक्षांत आले...
3 Feb 2015 - 2:46 pm | दिपक.कुवेत
कुणाचं शरीर धरलतं हो बुवा??
3 Feb 2015 - 10:35 pm | अत्रुप्त आत्मा
@कुणाचं शरीर धरलतं हो बुवा??>> खि खि खि!!! =))
माझ्या'च दहावर्षापूर्वीच्या मनोकायिकात-शिरण्याचा प्रयत्न करतोय हल्ली! ;)
1 Feb 2015 - 9:49 pm | भाते
सोमवार ऐवजी रविवारी पाकृ टाकल्यापध्दल धन्यवाद! आणि
(मिपाच्या भाषेत) बऱ्याच मोठया कालखंडानंतर पुन्हा एकदा पाकृ विभागात परत आल्यापध्दल अभिनंदन!
वरचेवर अशाच पाकृ रविवारी टाकत रहा हि सुचना!
फोटो आणि पाकृ दोन्ही झक्कास.
3 Feb 2015 - 2:48 pm | दिपक.कुवेत
सुचना पें जरुर गौर फरमाया जायेगा! हम अपनी तर्फसे पुरी पुरी कोशीश करेंगे|
2 Feb 2015 - 1:23 am | डॉ सुहास म्हात्रे
स्लssssssर्प ! यापेक्षा जास्त अजून काय ?!
2 Feb 2015 - 2:36 am | आदूबाळ
कढई आणि वोक मधे नेमका काय फरक असतो? फ्लॅट बॉटमचा वोक मिळतो का? (चिन्यांच्या दुकानात पाहिलेले राउंड बॉटम होते)
2 Feb 2015 - 3:53 am | सस्नेह
छान सोपी पाकृ !
दीपकभौ पाकृ विभागात लै दिवसांनी दिसले याचा आनंद झाला =)
2 Feb 2015 - 4:19 am | शिद
झकास!
2 Feb 2015 - 8:45 am | कंजूस
नेहमीप्रमाणेच छान.
2 Feb 2015 - 9:53 am | अनन्न्या
वाचखूण साठवली आहे!
2 Feb 2015 - 10:26 am | सविता००१
मस्तच रे. आजच करणार
2 Feb 2015 - 1:38 pm | विजय पिंपळापुरे
हा भात आणखी रिच बनवायाचा असेल तर चीज़ क्यूब अथवा खिसुन घालवे.
2 Feb 2015 - 2:23 pm | इशा१२३
खूप दिवसानी आली रेसिपी.मस्त फोटो आणि सोपी पाकृ.करुन पहाते.
2 Feb 2015 - 2:30 pm | जागु
मस्तच.
2 Feb 2015 - 7:47 pm | स्वप्नांची राणी
कालच करुन पाहिला...आणि भात म्हटल्यावर नाक मुरडणाऱ्या नवऱ्यानी चक्क आज डब्ब्यात नेला! त्याच्या ऑफिस मधे पण सुपरहिट झाला! रंग पण असाच दिलखेचक आला होता. धन्यवाद, एका सोप्प्या आणि टेस्टी पाककृती बद्दल!!
2 Feb 2015 - 9:12 pm | सूड
तृतीया विभक्ती:
एकवचनः ने ए शी
बहुवचनः नी ही ई शी
3 Feb 2015 - 9:07 am | स्वप्नांची राणी
ईतका भरपूर पण नव्हता बनवला हो...एकवचनीच बनवला होता!
3 Feb 2015 - 1:01 pm | कपिलमुनी
भाताबद्दल नाही , नवर्याबद्दल आहे
3 Feb 2015 - 2:23 pm | सूड
*YES*
3 Feb 2015 - 2:40 pm | दिपक.कुवेत
ठरवा आता ब्वॉम तुमचं तुम्हिच!!! :D
3 Feb 2015 - 2:06 am | प्यारे१
पनीर सोडून पाकृ आवडली.
-नॉनव्हेज न खाणारा असल्यानं पर्यायी पनीर चे प्रकार खाऊन कंटाळलेला प्यारे
3 Feb 2015 - 1:46 pm | आरोही
काल केला ,मस्त झालेला .धन्यवाद .
3 Feb 2015 - 2:37 pm | दिपक.कुवेत
पुलाव करुन आवर्जून कळवणार्यांचे आणि प्रतिसाद देणार्यांचे सर्वांचे मनापासून आभार. मस्त खा आणि स्वस्थ रहा.
स्वःगतः रच्याकने माझा आयडि बदलून आता दिपक.पनीर हा आयडि घ्यावा काय?? :)
4 Feb 2015 - 4:08 pm | सविता००१
तसं पण मी तुला दिपक.पनीर च म्हणते;)
4 Feb 2015 - 4:09 pm | सविता००१
मस्त झाला रे. घरी जाम आवडला सगळ्यांना.
धन्स
4 Feb 2015 - 4:50 pm | दिपक.कुवेत
आवडला ना सगळ्यांना??? मग झालं तर.
3 Feb 2015 - 6:34 pm | त्रिवेणी
मी पनीर न घालता करणार.
3 Feb 2015 - 6:46 pm | मितान
दीपकभाऊ, आज मोठ्या उत्साहात रेसिपी करायला घेतली. पण मेला भात काही मोकळा झाला नाही. त्यामुळे चव उत्तम येऊनही पुलाव प्रेक्षणीय झाला नाही :(
चव मात्र घरात सर्वांना खूप आवडली.
3 Feb 2015 - 7:30 pm | दिपक.कुवेत
हरकत नाहि नेक्स्ट टाईम परत प्रयत्न कर. भात मोकळा कसा करावा याबद्दल टिप्स हव्या असतील तर मी पोस्ट केलेल्या "तवा पुलाव" चे प्रतिसाद बघ. ऑल दि बेस्ट.
3 Feb 2015 - 7:59 pm | जेपी
आज केला.
सध्या मटारचा सुक्काळ असल्यामुळे,
भातात मटार घातलाय का मटारात भात असा प्रश्न पडला.पनीर उगी उगी खाल्ल
बाकी रेशीपी आवडली
फोटु नाय काडला.
3 Feb 2015 - 9:19 pm | पैसा
पहिलाच फटु बघून चकले. पुलावात खोबरं काय करतंय म्हणून! ते पनीर आहे हे नंतर कळलं!
3 Feb 2015 - 9:23 pm | यशोधरा
मस्त!
3 Feb 2015 - 10:13 pm | काकाकाकू
फोटोपण छान आलेत.
4 Feb 2015 - 3:41 pm | पियुशा
वाह वाह ! क्या पुलाव है :)
( कृतीच्या फोटो मध्ये इतके मटारअन फायनल फोटुत
एकही मटार दिसत नाही , चुन चुन के खाये क्या मटार दिपक भाय तुमने :p )
4 Feb 2015 - 4:55 pm | दिपक.कुवेत
कि पुलाव के उपर जो पनीर किसके डाला है ना उसीके नीचे ये कंबखक्त मटर भी छुप गये है....जालीम उपर दिखनेका नाम हि नहि लेते....पर है अंदर (मटर...सग्गळ्ळं कसं डिट्टेल मधे लिहायला लागतं बाबा नाहितर मिपाकर टपून बसलेच आहेत)...फिक्किर नको करु.
5 Feb 2015 - 1:48 pm | अक्षया
छान दिसतोय पुलाव.. करुन बघेन. :)
5 Feb 2015 - 9:26 pm | स्वाती दिनेश
पुलाव आवडला आहे.
स्वाती
6 Feb 2015 - 2:25 am | स्रुजा
आम्ही पण काल रात्री केला होता हा भात. फार सुंदर चव आली. मी फक्त हिरव्या सिमला मिरची ऐवजी पिवळी घातली जरा वेगळा रंग यायला आणि वाटणात थोडा पुदिना चुरुन घातला, मस्त अरोमा आला. आणि साईड म्हणून आस्परागस सलाड घेतलं.
काल आमच्याकडे १५ तास स्नो झाला , तेवढ्या थंडीत तुमच्या या स्पाईसी भाताने फार मजा आणली. कालच्या डिनर ला मिळालेले सगळे कौतुक शेरे तुमचे तुम्हाला पोहोचवते :)
6 Feb 2015 - 2:04 pm | दिपक.कुवेत
वॉव....भुरुभुरु पडणार्या बर्फात हा स्पायसी पुलाव खायला खुपच मजा आली असेल. मस्त. पुदिना अॅडिशनहि छान. आता मी पण एकदा पुदिना घालून परत करतो पुलाव.
6 Feb 2015 - 3:01 pm | सूड
ओह ओके, तुमच्याकडे स्नो झाला तर !!
6 Feb 2015 - 5:05 pm | दिपक.कुवेत
उपहासाने बोललचं पाहिजे असं काहि नाहिये. १५ तास स्नो झाला हे अगदि आपल्याकडे भारतात..."काल दिवसभर पाउस कोसळत होता" हे सांगण्याएवढचं साहजीक आहे. असो. जास्त काहि बोलत नाहि. तु सुजाण नक्किच आहेस.
6 Feb 2015 - 8:54 pm | स्रुजा
दिपक, तुम्ही म्हणता ते खरं आहे. सूड अत्यंत सुजाण आहेत. आता हेच बघा ना , हा आहे पाक्रु चा धागा. पण पाकृ वर काही प्रतिसाद देण्याच्या भानगडीत ते पडले नाहीत. जे बाकीचे सांगणारच अशा गोष्टींमध्ये का अमुल्य वेळ घालवा? तो वेळ ते सत्करणी लावतात लोकांचे विभक्ति प्रत्यय सुधारण्यात , पुर्ण प्रतिसादामधलं एखादंच वाक्य संदर्भाशिवाय बाहेर काढून त्याचा अनर्थ करणं या सारख्या अत्यंत महत्त्वाच्या कामात. आता हे शेरे इथे किती प्रयोजन-लेस आहेत हा मुद्दा वेगळा. त्यांनी पाकृ मध्ये रस दाखवायचं काय कारण ना ? असले पदार्थ काय कुणी ही करेल, त्याचं प्रामाणिक कौतूक पण काय कुणीही करेल पण कामं - धंदे सोडून पाकृच्या धाग्यावर असले उच्च कोटीचे अवांतर करायला कुणी तरी तितकाच सुजाण आयडी पाहीजे सूड सारखा , नाही?
9 Feb 2015 - 7:28 pm | कपिलमुनी
*dash1* *DASH* *WALL*
9 Feb 2015 - 7:38 pm | सूड
+१
9 Feb 2015 - 7:43 pm | दिपक.कुवेत
माझ्याकडुन सुडास सप्रेम भेट :)
9 Feb 2015 - 7:45 pm | सूड
हा हा !! ;)
6 Feb 2015 - 2:08 pm | प्रचेतस
काय बनावतोस रे तू !!!!, जबऱ्याच.
9 Feb 2015 - 7:36 pm | बॅटमॅन
बिनकामी भूक चाळवल्याबद्दल निषेध. झक मारत कैतरी बनवावं लागतं असलं जीवघेणं काही पाहिलं की.
11 Feb 2015 - 11:43 am | मदनबाण
मरी गयो रे ! ;)
मदनबाण.....
आजची स्वाक्षरी :- Ek दो Teen चार Otthukkadi... ;) :- { Anjaan }