चाहूल एका सृजनाची
पाऊस एक आशा - भविष्याची
पाऊस एक दिशा -ध्येयाची
पाऊस म्हणजे हिरवळ -आनंदाची
पाऊस म्हणजे दर्वळ -सुगंधाची
पाऊस एक आधार -जीवनाचा
पाऊस एक निर्धार -स्वप्नांचा
पाऊस म्हणजे रिमझिम-संगीताची
पाऊस म्हणजे किलबिल -बालपणाची
पाऊस एक देवता -गाभाऱ्याला
पाऊस एक पाहुणा -घराला
पाऊस म्हणजे नवता -वसुंधरेला
पाऊस म्हणजे उधान -सागराला
चाहूल एका सृजनाची
कथा साऱ्या जीवनाची
केवढी रूपे त्या पावसाची
हजारो हातांच्या विधात्याची
-संतोष बोंगाळे