मसाला खाकरा
साहित्यः
गव्हाचे पीठ - १ वाटी
हळद - १ चमचा
लाल तिखट - ४ चमचे
पाव-भाजी मसाला - १ चमचा
चाट मसाला - ४ चमचे
कसुरी मेथी - १ चमचा
तुप - ४ चमचे
मिठ - ३ चमचे
कृती:
१. गव्हाच्या पीठामधे हळद, २ चमचे लाल तिखट, पावभाजी मसाला, २ चमचे चाट मसाला, कसुरी मेथी, २ चमचे तुप व चवीनुसार मीठ टाकुन निट मिक्स करुन घ्यावे.
२. सर्व निट मिक्स करुन झाल्यावर, त्याचे पीठ मळुन घ्यावे व १/२ तास झाकुन ठेवावे.
३. १/२ तासाने पीठाचे छोटे गोळे करुन घ्यावे व त्याच्या पापडा एवढ्या पातळ पोळ्या लाटुन घ्याव्या.
४. ह्या पोळ्या आधी दोन्ही बाजुनी अर्धवट भाजुन घ्याव्यात.
५. प्रत्येक पोळी भाजुन झाल्यावर ताटलीत काढावी. त्याला थोडे तुप लावावे व वरतुन चाट मसाला भुरभुरावा.
६. अशा प्रकारे सर्व पोळ्या भाजुन घ्याव्या व ४-५ तास तशाच ठेवाव्या.
७. ४-५ तासाने १ पोळी घ्यावी. तव्यावर ही पोळी टाकावी. मंद आचेवर हि पोळी फडक्याने दाबत दोन्ही बाजुनी कडक होई पर्यंत भाजुन घ्यावी.
८. तो पर्यंत एका वाटीत १ चमचा मिठ, २ चमचे लाल तिखट व १ चमचा चाट मसाला मिक्स करुन घ्यावा.
९. पोळी कडक झाल्यावर ताटलीत काढावी. त्याला वरतुन तुप लावावे व चाट मसाल्याचे मिश्रण भुरभुरावे.
१०. खाकरे थंड झाल्यावर air-tight डब्यामधे भरुन ठेवावे.
प्रतिक्रिया
मस्तच
खाकर्याच्या पा.कृ. बद्दल धन्यवाद. मला एकदा करून पहायचेच होते.
आणि फोटो तर जबरा.... फोटोतले खाकरे उचलून खावेसे वाटत आहे
खाकरा मस्तच पण एक शंका : १
खाकरा मस्तच
पण एक शंका :
१ वाटी गव्हाच्या पीठात ४ चमचे लाल तिखट ?
खाकरा जास्ती तिखट तर नाही ना होणार ?
पियुशा......
http://lovelypiyu.blogspot.com
पीठ मळताना त्यात फक्त २ चमचे
पीठ मळताना त्यात फक्त २ चमचे लाल तिखट घातले आहे आणि उरलेले २ चमचे तिखट शेवटी वरतुन टाकायला वापरले.
आपण जगण्यासाठी खात नसुन खाण्यासाठी जगतो.
http://fooddreamers.blogspot.com
मलाही करुन पहायचे
मलाही करुन पहायचे होते.....मस्त झालेत ह....
खॅक...खॅककककक...
खॅक...खॅककककक...
मधुमेहा विरुद्ध लढा
माझी जालवही
असे खाकरे किती दिवस टिकू
असे खाकरे किती दिवस टिकू शकतात? म्हणजे ७/८ दिवसांच्या प्रवासाची बेगमी करता येईल इतपत टिकतात काय?
मधुमेहा विरुद्ध लढा
माझी जालवही
सहज टिकतात. ७ ते ८
सहज टिकतात. ७ ते ८ दिवसांपेक्षा जास्त टिकतात.
फोटू चांगला आलाय मृ.
पण माझा या पदार्थाला पास.
खूप पेशन्सचे काम आहे असे ऐकले आहे.
असे जबरदस्त खाकरे कितीही दिवस
असे जबरदस्त खाकरे कितीही दिवस टिकू शकत असले तरी त्यासाठी ते शिल्लक राहायला हवेत ना?
एकाच दिवसात फस्त होऊन जातील.
-------------------------------------------------
अतिदानाद्बलिर्बद्धो ह्यतिमानात् सुयोधन:।
विनष्टो रावणो लौल्यादति सर्वत्र वर्जयेत्।।
खाकरे भरपुर दिवस टिकतात.
खाकरे भरपुर दिवस टिकतात. त्यामुळे प्रवासात न्यायला एकदम मस्त.
आपण जगण्यासाठी खात नसुन खाण्यासाठी जगतो.
http://fooddreamers.blogspot.com
जबह-या
जिवघेणा फोटो आहे खाक-याचा.
लहरों से डर कर नौका पार नहीं होती,
कोशिश करने वालों की कभी हार नहीं होती.
आवडते खाकरे.
खाकरे भारी आवडतात. पण त्याची पाककृती जरा जास्तच क्लिष्ट वाटते आहे. पण तेवढाच नवनिर्मितीचा आनंद मोठा.
प्रयत्न करून पाहिन.
जाम पेशन्सचं काम आहे, जमेलच
जाम पेशन्सचं काम आहे, जमेलच ही शक्यता कमी. पण कधी कधी खाकरा खायला जाम कंटाळा येतो, पण मग त्यावेळी ब्रेड आणुन खाकरा सँडविच करुन खातो, मस्त लागतं ते.
http://harshad-gaaanikha.blogspot.com/
आणि खाण्याबद्दल म्हणाल तर खाण्यासाठीच जगणारेच जे असतात ना त्यापॅकी आम्ही एक आहोत. नाही तर वर जाताना काय घेउन जाणार हो, प्लॅट च्या टॅक्सची पावती की १/२ एकराचा सात बारा की ५ तोळे सोनं.
पेशन्सच काम आहे हे खर... मला
पेशन्सच काम आहे हे खर... मला पण स्वतःला एवढा कंटाळा आला होता शेवटी, पण पुर्ण केले.
आपण जगण्यासाठी खात नसुन खाण्यासाठी जगतो.
http://fooddreamers.blogspot.com
मस्त मस्त
खूप छान खाकरे आणि फोटो पण तितकाच सुंदर आहे. आता करून पहायलाच हवेत.
सविता
मस्तच.
मस्तच.
मस्त !
ह्या विकांताला काय प्रयोग करावा ह्याची चिंता मिटली.
इकडे कसुरी मेथी शोधणे आले आता. बहूदा इंडिया मार्ट मध्ये मिळून जाईल.
©º°¨¨°º© परा ©º°¨¨°º©
आमचे राज्य
Only Fairytales Have Happy Endings ...
मस्तचं
नक्की करुन बघणार खाकरा...मला खूप आवडतो
मस्त पाकृ मृणाल
***************************************************************
People Who Love To Eat Are Always The Best People - Julia Child
***************************************************************
http://delectable-delicious.blogspot.com/
क्या बात है.
क्या बात है.
असे करतात होय खाकरे ?
दुकानात आयते मिळत असल्याने करण्याच्या वा पाकृ शोधण्याच्या भानगडीत कधी पडलो नाही.
~*~*~*~*~*~*~*~*~*~*
-माझं लेखन / माझी खादाडी
मिपाच्या स्मायली
मस्त फोटो!
तुझं बरं आहे बाबा गणपा, आयते दुकानात मिळतात..
खाकरे करणे म्हणजे जाम पेशन्सचे काम आहे पण आता फोटोत पाहून करावेसे वाटू लागले आहेत,
स्वाती
धन्यवाद
ह्या रेसिपीसाठी. बरेच दिवस शोधत होते ही रेसिपी.
खुपच जबरदस्त दिसतायेत खाकरे. आवडल्या गेल्या आहे.
( तुम्ही प्रत्येक स्टेपचे फोटो काढत नाही का?)
मस्तच!
खाकरे खूप आवडतात. पण वेळखाऊ म्हणून कधी करून बगितले नाहीत. पण आता फोटो बघून पुन्हा इच्छा होतेय
==================================
इथे वेडं असण्याचे अनेक फायदे आहेत,
शहाण्यांसाठी जगण्याचे काटेकोर कायदे आहेत...
सगळ्यांचे धन्यवाद.
सगळ्यांचे धन्यवाद.
आपण जगण्यासाठी खात नसुन खाण्यासाठी जगतो.
http://fooddreamers.blogspot.com
एकदा करून बघायला हवे. बाकी
एकदा करून बघायला हवे.
बाकी फोटू एकदम खतरा !!