चिकन निजामी

साहित्यः

१ किलो चिकन साफ करुन, तुकडे करुन घेणे. चिकन पीसेस ना थोडी हळद, लाल-तिखट व थोडे मीठ लावून मॅरीनेट करावे.

२ कांदे उभे चिरून , तळून त्यांची ब्राऊन पेस्ट करुन घेणे.
१५-२० लाल सुक्या बोर मिरच्या (आवडीप्रमाणे कमी-जास्त) , २-३ टेस्पून सुके खोबरे, २ टीस्पून खसखस, ४ लवंगा, १-१/२ टीस्पून जीरे, ७-८ अख्खी काळीमिरी किंवा १ टीस्पून काळीमिरीपूड. हे सर्व वेग-वेगळे कोरडेच भाजून एकत्र करणे व थोडे पाणी घालून मिक्सरवर वाटून घेणे. (काळीमिरीपूड वापरणार असाल तर भाजायची गरज नाही.)

३/४ वाटी फेटून घेतलेले दही
१/२ ते पाऊण वाटी नारळाचे दुध
२-३ टेस्पून फ्रेश क्रिम
१-१/२ टेस्पून आले+लसुण पेस्ट
१/२ टीस्पून हळद
१ टीस्पून काश्मिरी मिरची पावडर ( ऑप्शनल आहे)
१ -१/२ टीस्पून गरम-मसाला
एक चिमुट केशर
३-४ थेंब केवडा एसेन्स
बारीक चिरलेली कोथिंबीर सजावटीसाठी
मीठ चवीनुसार
तेल

पाकृ:

एका भांड्यात तेल गरम करुन त्यात आले+लसुण पेस्ट परतून घ्यावी.
चांगली परतली गेली की त्यात लाल-मिरचीचे वाटण घालून चांगले परतावे.

मग त्यात कांद्याची ब्राऊन पेस्ट, हळद व काश्मिरी मिरची पावडर घालून तेल सुटेपर्यंत परतावे.

त्यात आता चिकन पीसेस घालून एकत्र करणे. दही घालून , मिक्स करुन , झाकून चिकन शिजवावे.

चिकन जरा शिजत आले की त्यात चवीप्रमाणे मीठ व नारळाचे दुध घालावे. थोडे पाणी घालून परत झाकण लावून शिजु द्यावे.

चिकन पुर्ण शिजले की त्यात २-३ टेस्पून फ्रेश क्रिम घालणे व एक वाफ काढावी. (क्रिम खुप घालू नये नाहीतर दुधाळ होईल)

आता त्यात गरम-मसाला व केशर घालावे.

गॅस बंद करून त्यात ३-४ थेंब केवडा एसेन्स व बारीक चिरलेली कोथिंबीर घालावे.
वरून थोडे क्रिम घालून सर्व्ह करावे.

चिकन निजामी तयार आहे तुम्ही तंदुरी रोटी, नान किंवा भाकरीबरोबर सर्व्ह करु शकता.