भरलेल्या आभाळात ढगांची गर्भरंगीत ओळ
विचारांच्या किणार्यावरती आज लाटांची टोळ
पेटलेला श्वास मनी, काळोखाची कोमल वेल
गहिवरल्या अधीर धारा ऐकुनी पर्णकल्लोळ
सळसळणार्या भावनांचा घट्ट ओला पाचोळा
क्षितीज वृक्षाखाली गंधाळलेली प्रकाशधुळ
बावरलेल्या वार्यावरती स्वप्नांची झुले रेघ
सांजफ़ुलांच्या ह्रदयी शुभ्रांकीत विजांचा लोळ
--- शब्दमेघ
प्रतिक्रिया
15 Oct 2010 - 6:51 am | शुचि
अप्रतिम!!!
सुंदर पेंटींग पहातेयसं वाटलं.