मि.पा.चे विडंबनाचार्य केशवसुमार ह्यांनी दोन दिवस मि.पा.करांना अत्यवस्थ करुन सोडले आणि नंतर पुन्हा झकास विडंबनाने एंट्री मारुन एक सुखद धक्का दिला त्याबद्दल त्यांना हे विडंबन सादर!
शब्दप्रभू गदिमांचे शब्द 'उध्दवा अजब तुझे सरकार' ही आमची प्रेरणा!
'केशवा', अजब तुझे अवतार!
सुनवी राजा, प्रजा ओरडे, होऊ नको तडीपार!
इथे 'कवींना' मरण जन्मता, 'विडंबना'तुनि चिरंजीविता
काय बावळे उगाच होती, विडंबनी बेजार!
लबाड तरि ते देति दुगाण्या, गुणवंतांना मात्र झोडण्या
प्रतिभेच्याही गळ्यात धोंडा, दुर्दैवी आचार!
घरभेदे हे इथेच बसले, जालावरचे सख्य नासले
येता कविता विडंबुनी ती देशी तू साभार!
चतुरंग
प्रतिक्रिया
29 Mar 2008 - 6:35 pm | सर्वसाक्षी
अप्रतिम!
केशवशेठ पुनरागमनात स्वागत असो.
चतुरंग,
अभिनंदन.
साक्षी
29 Mar 2008 - 6:51 pm | स्वाती राजेश
चतुरंग विडंबन छान झाले आहे.
'केशवा', अजब तुझे अवतार!
सुनवी राजा, प्रजा ओरडे, होऊ नको तडीपार!
ह्या ओळी अगदी चपखल..
29 Mar 2008 - 8:25 pm | सुधीर कांदळकर
उठून दिसणारे सुंदर विडंबन.
धन्यवाद.
अर्धवटराव आचरटाचार्य,
सुधीर कांदळकर.
30 Mar 2008 - 1:10 am | बेसनलाडू
आवडले. शेवटचे कडवे मस्त.
(वाचक)बेसनलाडू
30 Mar 2008 - 5:58 am | फटू
आहे विडंबन. चालू द्या.
सतीश गावडे
आमची इथेही शाखा आहे ->मी शोधतो किनारा...
30 Mar 2008 - 9:34 am | प्रशांतकवळे
सुंदर विडंबन
प्रशांत
30 Mar 2008 - 12:57 pm | विसोबा खेचर
रंगा,
प्रसंगानुरुप, परंतु अतिशय दर्जेदार विडंबन...!
'केशवा', अजब तुझे अवतार!
सुनवी राजा, प्रजा ओरडे, होऊ नको तडीपार!
वा वा! क्या बात है...
तात्या.
30 Mar 2008 - 8:26 pm | अविनाश ओगले
अप्रतिम विडंबन!
दोन ओळींची भर टाकावीशी वाटते...
काव्य, विडंबन इथे पोसले, टीका टोमणे सर्व सोसले
`मिपा'वाचून अशा लिखाणा सांग कुठे आधार?
31 Mar 2008 - 3:05 pm | प्रा सुरेश खेडकर
इथे 'कवींना' मरण जन्मता, 'विडंबना'तुनि चिरंजीविता
आवडले. अभिनंदन
31 Mar 2008 - 4:56 pm | चतुरंग
चतुरंग
22 Jul 2010 - 11:08 pm | क्रेमर
मजेदार शिजलेय!!!
-क्रेमर (पूर्वीचा अक्षय पुर्णपात्रे (पूर्वीचा कर्क))
_________________
सोळा कुकांनी मिसळीची वाट लावली आहे का? बाकी चालू द्या.