शांततेचं कार्टं चालु आहे ...

+१

सभा आणि लाऊडस्पीकरचा त्रास फक्त शिवाजी पार्क वरच्यांनाच होतो असे दिसते. अन्यथा एक विशिष्ट विभाग सायलेन्स झोन कोणत्या कायद्याअंतर्गत केले असेल? एरवी हॉस्पिटल वगैरेचा परिसर सायलेन्स झोन असतो.

राजकीय सभा, मोर्चे वगैरेंचा प्रस्थापितांना नेहमीच त्रास होत असतो.

तसा त्रास होऊ नये म्हणून काही वर्षांपूर्वी मंत्रालयाच्या जवळ मोर्चा आणण्यास बंदी घालण्यात आली. आझाद मैदानापर्यंतच मोर्चा आणता येतो. (याचे कारण मात्र नरीमन पॉईंट येथील ट्रॅफिकचा बट्ट्याबोळ होतो असे देण्यात आले.) आझाद मैदानावर केलेला 'आवाज' ३ किमीवरील मंत्रालयापर्यंत पोचण्याचा प्रश्न उद्भवत नाही. त्यामुळे आता मंत्र्यांना मोर्चा वगैरेचा त्रास होत नाही.

अनेक जनहित याचिकांच्या मागे शासकीय विभाग "हॅण्ड इन ग्लव्ह असतात. मोर्चे येऊ नयेत असे मंत्र्यांनाच/सरकारलाच वाटत असते पण ते पोलिटिकली इनकरेक्ट असते. मग सरकारी अधिकारीच 'जागरूक नागरिकांना' जनहित याचिका करायला सांगतात. उदा नरिमन पॉईंटचे रहिवासी ट्रॅफिकला अडथळा होतो म्हणून मोर्चावर बंदी घालावी अशी याचिका दाखल करतात. सरकार अर्थातच यावर प्रतिवादी असते. (मोर्चा काढणारे या खटल्यात पक्षकार नसतात). सरकारी वकील या खटल्यात गुळमुळीत बचाव करतात. हा गुळमुळीत बचाव ऐकून (सरकार बचाव करण्यात अपयशी ठरल्याचे नोंदवून) कोर्ट ती याचिका मान्य करते आणि मोर्चावर बंदी घालायचा आदेश देते. अधिकारी पडत्या फळाची आज्ञा मानून मोर्चावर बंदी घालतात.
(मंत्री आणि जागरूक नागरिक एकमेकांना खाजगीत टाळी देतात). आणि आपण सारे मोर्चांच्या त्रासातून सुटल्याबद्दल नि:श्वास सोडतो. आपण या सगळ्यात आपला एक अधिकार गमावला हे आपल्या लक्षातच येत नाही.

(मोर्चे बंदीच्या किंवा सायलेन्स झोनच्या बाबतीत असेच झाले असेल असे मला म्हणायचे नाही. पण प्रक्रिया सांगितली. कुत्रे मारणे प्रकरणात असे झाले असण्याची दाट शक्यता आहे. पण निर्बिजीकरणाची टूम निघाल्यावर प्रकरण अंगाशी आले असेल).

नितिन थत्ते

छोटा डॉन, आजच्या दै. सामनात बातमी आहे. 'शिवतिर्थाचा आवाज बंद'
मला अगोदर वेगळीच शंका आली.
असो, बातमी वाचल्यावर शांतताप्रेमी लोकांची कर्तृत्त्वाची झलक दिसली. आता यापुढे केवळ पत्रपरिषदा होतील असे वाटते.

अर्थात काही ठराविक दिवशी सभांना परवानगी दिलेली आहे. आणि काही परवानग्या शासनाने द्यायच्या आहेत. :)

-दिलीप बिरुटे

हक्क आणि त्यांच्या अंमलबजावणीचा अंध अट्टाहास ह्यातला फरक न समजणार्‍या व आपले हक्क बजावताना किमान तारतम्य विसरणार्‍या शांतताप्रिय नागरिकांचे पुन्हा एकदा अभिनंदन .......
खरच मुर्खपणा चालला आहे नुसता.......आवरा कोनीतरी..........:(

'शिवाजी पार्क'च्या परिसरात हॉस्पिटल आणि शाळेला परवानगी देणार्‍या मुंबई महानगरपालिकेच्या अधिकार्‍यांच्या आयच्या घो! त्यांच्यामुळेच हा सगळा घात झाला!!

अदिती

शांतता आम्हाला आवडतेच, पण हे 'शांततेचं कार्टं' पार आमच्या ऐतिहासिक राजकीय संस्कॄतीच्या मुळावरच उठलं हे मान्य करायला हवच !

1. गणेशोत्सवात गल्लोगल्ली चालणारा ठणठणाट
2. अनंत चतुर्दशीची मिरवणूक
3. नवरात्रीतले गरबे
4. पहाटेची बांग
5. १५ ऑगस्ट, २६ जानेवारी, १ मे, वर्षभरात अनेकदा येणार्‍या शिवजयंत्या
6. गल्लीबोळातल्या कुणाचीही लग्नकार्यं
7. कुठल्याही राजकीय नेत्यांच्या सभा
8. खुल्या मैदानांत चालणारे सांगीतिक जलसे
9. अगदी ट्रॅफिक जॅममध्ये ठो ठो वाजणारे भोंगे

अशा निमित्तांनी चाललेल्या धांगडधिंग्याविषयी थोडी तक्रार केली की लगेच आम्हाला आमच्या महान संस्कृतीविषयी उठसूठ कोणी न कोणी धडे देऊ लागतं. त्यामुळे आम्ही असंही म्हणू इच्छितो:

आम्हाला आमची संस्कृती आवडतेच, पण हे 'संस्कृतीचं कार्टं' पार आमच्या मानसिक, शारिरीक आरोग्याच्या मुळावरच उठलं आहे, हे मान्य करायला हवंच!

- चिंतातुर जंतू :S
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" || ५ ||

शिवाजी पार्कला काही भाषणांसाठी जाण्याची मजा गेली हे ठीक आहे.
पण आम्ही लहानपणी शिवाजीपार्कला सायकली चालवायला जात असू. तेव्हा आताएवढे लाऊडस्पीकर नसत, पण मैदानात मस्त क्रिकेटचे सामने होत, लोक बाजूच्या फूटपाथवरून गोल फेर्‍या मारत, छान होते की सगळे. आता फक्त सभा लाऊडस्पीकरसह होणार नसतील तर काय बिघडले? बाकी काही करायला तर बंदी नाही ना?

शिवाय वर्षभरात पूर्वी एखाद-दुसरीच सभा होत असे, आता वर्षभरात सततच सभा चाललेल्या असतात. त्या नागरिकांना काही त्रास होत असेलच ना?

सभा घेणे (संघटन करणे) हा बहुधा मूलभूत अधिकार आहे. कोर्टाने टेक्निकली सभा घ्यायचा अधिकार शाबूत ठेवला आहे पण लाऊडस्पीकर लावायला बंदी करून २००-३०० पेक्षा मोठी सभा घेता येणार नाही अशी व्यवस्था केली आहे.
(The letter is preserved but the spirit is lost).

शिवाय १० वाजेपर्यंत इतर सर्व आवाज करायला (सण उत्सवा पासून दिवाळीच्या फटाक्यांपर्यंत) परवानगी देणार्‍या कोर्टाला सभांचे संपूर्ण दिवस वावडे का असावे?

नितिन थत्ते

प्रत्येकाची आवाज सहन करण्याची क्षमता त्याच्या बुध्दीच्या व्यस्त प्रमाणात असते असं कोणीतरी मिपावर लिहिल्याचे स्मरते. वरील लेख वाचून त्याची खात्रीच झाली.

हर शख्सको अपना बनाके देख लिया
मिलेंगे ना किसीसे ये दिलमें ठानी है|

सुवर्णमध्य काढता आला असता. असे म्हणीन.

सरसकट सर्व सभांना अटकाव न करता वर्षात जसे ४-५ दिवस सध्या रिकामे ठेवले आहेत सभांसाठी (१५ ऑगस्ट, २६ जाने सारखे) त्यांची संख्या वाढवता आली असती. वर्षात १५ सभा हा आकडा ओक्के आहे.

उठसुठ हे प्रदर्शन मांड, ह्याने हे मांडलं म्हणून त्याने ते प्रदर्शन मांड हा खेळ थांबवता आला असता.

गेल्या वर्ष दोनवर्षांत शिवाजी पार्कावर अशा किती सभा झाल्या याचा काही विदा मिळू शकेल का?

वर कुणीतरी हल्ली सारख्याच सभा असतात असं लिहिलंय. त्यांना बहुधा कल्पना असावी.

रोगच झालेला नव्हता पण ऑपरेशन केले असे तर नाही ना?

नितिन थत्ते

वर जमतील तेवढ्या सणांचे, धार्मिक उत्सवांचे नावे प्रतिसादातुन घुसाडण्याचा प्रयत्न केलेला दिसला .. अश्या अ‍ॅन्टीसोशल लोकांनी जंगलात जाउन का राहु नये ?