मलईदार खाती : यथामति उहापोह

भडकमकर मास्तर's picture
भडकमकर मास्तर in काथ्याकूट
9 Nov 2009 - 3:36 pm
गाभा: 

गेले चार सहा दिवस मलईदार खाती हा शब्द फार वाचनात आला.
कित्येक पत्रकारांनी न बनलेल्या सरकारवर आणि राजकारणावर तोंडसुख घेतले...
दिल्ली मुंबई वार्‍या करत करत चर्चेच्या फेर्‍यांवर फेर्‍या आटोपत मलईदार खात्यांसाठी कष्ट करणार्‍या आपल्या नेत्यांबद्दल मला पूर्ण आदर आहे.....
फक्त मलईदार खाती कोणती आणि मंत्र्यालाच मलई चाखायला का मिळते??काही विशिष्ट खात्याच्या मंत्र्यांनाच जास्त मलई चाखायला का मिळते?
आणि मलई नसलेली दुर्लक्षित खाती कोणती, याबद्दल मला जी उत्सुकता वाटते त्या उत्सुकतेचे शमन मिपावरील ज्ञानी माणसांनी चर्चा करून करावे , म्हणून हा धागा......

शिवाय काही ऑप्शनचे प्रश्नही विचारात घेता येतील.... नवीन आमदार जो यावेळी मंत्री व्हायला इच्छुक आहे, त्याचा पत्ता कट झाला आणि तो बिचारा केवळ आमदारच राहिला तर तो कुठे कुठे मलई शोधतो?
__________________________________

आता वरच्या प्रश्नावर लिहिलेली उत्तरे..

मलईदार खाती
अर्थ, गृह, महसूल , बांधकाम, पाटबंधारे

बिनामलईची खाती
समाजकल्याण, आरोग्य , कुटुंबकल्याण
( खरंतर बिनामलईची खाती सुचत नाहीत. ....सगळीकडे सोय असावीच / असायलाच पाहिजे असे वाटते.)
_______________________________________
हा चर्चाप्रस्ताव म्हणजे भ्रष्टाचाराचे उदात्तीकरण आणि लोकशाहीचे अवमूल्यन आहे असे कोणाला वाटल्यास तसेही लिहावे ....
किंवा काँग्रेसवाल्यांमुळे देशात भ्रष्टाचार बोकाळलाय / युतीने ९५ ते ९९ काय केलंय सार्‍यांना माहितीय , असे आरोप केल्याशिवाय मजा नाही...

चर्चा अर्थात राजकारणावर असल्याने प्रत्येकाने आपण स्वतः सर्वज्ञ आहोत असे मानूनच प्रतिसाद लिहावा अशी विनंती.....

प्रतिक्रिया

प्रा.डॉ.दिलीप बिरुटे's picture

9 Nov 2009 - 3:54 pm | प्रा.डॉ.दिलीप बिरुटे

मास्तर ! मलई कुठे आहे ? [फोटो तर दिसत नाही] 'मलई' एक प्रक्रिया आहे. आणि ती प्रक्रिया पूर्ण होण्यासाठी बराच वेळ गेलेला असतो. तेव्हा त्याचा आस्वाद आपला जन्मसिद्ध हक्क आहे, यासाठी रांगा लावणे यात काही गैर नाही. ;)

चर्चाप्रस्ताव भ्रष्टाचाराचे उदात्तीकरण आहे असे वाटत नाही. समाजाला मलईदार विषयाकडे नेण्याचा चर्चाप्रस्तावकाचा उद्देश डोळस आहे, असे वाटते.

-दिलीप बिरुटे

रेवती's picture

9 Nov 2009 - 8:21 pm | रेवती

मलईच्या खात्यात अजून एक बिनमलईचे खाते टाकले तर योग्य ठरेल. मलईचे खाते = कुटुंबकल्याण असे वाटते.
आणि काही फार फरक पडत नसावा असा अंदाज आहे. दोनेक कोटी कमी मिळतील. ते नंतर व्याजासकट वसूल करता येतात कसेही.;)

रेवती

चिरोटा's picture

9 Nov 2009 - 11:50 pm | चिरोटा

ही राज्यस्तरावरची मलई मिळण्याची दुकाने. केंद्रिय स्तरावरची मलई मिळण्याची मुख्य दुकाने-पेट्रोलियम,गृह्,रेल्वे,परराष्ट्र,वाणिज्य्,टेलिकॉम्.खावून पोट फुटेल,मधुमेह होईल पण मलई संपत नाही ईकडे.कोळसा,खाण्,कामगार्,मनुष्यबळ,शेती खात्यात खास मलई मिळत नसावी.'बिचार्‍या' आमदारालाही मलई मिळते पण लिमिटेड.त्यासाठी मतदारसंघावर नीट लक्ष ठेवावे लागते.रस्ते बांधणी,लहान मोठे दुकानदार्,पब्स्,मदिरा केंद्रे ह्यावर बारीक नजर ठेवली की मलई मिळायला अडचण येवू नये.
अवांतर- कर्नाटकात हल्ली मलई खाण्यावरुन एवढी जुंपली की विचारता सोय नाही. एक गट हट्ट धरुन बसला की काहीनी खूप मलई खाल्ली आहे आता आम्हाला चान्स द्या.शेवटी दिल्लीहून मोठे गवळी ताजे दूध घेवून आले आणि मग तडजोड काढून प्रश्न सुटला.
भेंडी
P = NP

सहमत.
तरीच कृषीमंत्र्यांना मलई साठी क्रिकेटचा टेकु घ्यावा लागतो वाटते.

नर्मदेत ला गोटा's picture

10 Nov 2009 - 11:05 am | नर्मदेत ला गोटा

मलई आणि बिनमलई हे जरा मिस्टेक वटते.

मलई आणि कमीमलई असे म्हणायचे आहे का तुम्हाला ?

मलई सगळि कडेच आहे. कुठे कमी कुठे जास्त .

गाईच्या आणि म्हशीच्या दुधा सरखे. गाईच्या दुधावर मलई कमी येते :) .

केंद्रिय स्तरावरची मलई मिळण्याची मुख्य दुकाने-( अजुन ) डीफेन्स & कृष्ई.

सुहास's picture

10 Nov 2009 - 11:56 am | सुहास

नगरविकास खाते मुंबैकरांसाठी महत्त्वाचे आहे आणि प्रचंड मलई मिळते.. बहुतेक मुख्यमंत्री ते खाते आपल्या कडेच ठेवतात..

--सुहास