.

तेव्हा भेटूच.

Primary tabs

सोनल कर्णिक वायकुळ's picture
सोनल कर्णिक वायकुळ in दिवाळी अंक
11 Nov 2012 - 1:40 pm

header

रसरशीत तापलेल्या सोनेरी झळीतल्या आणि
ओल्या निसरड्या फसव्या घळीतल्या

कात टाकणार्‍या रंगीत पानगळीतल्या आणि
गर्दीने नटलेल्या बाजारातल्या आळीतल्या

निरव चांदण्यात निपचित पहुडलेल्या आणि
काळ्याभोर रेषेत क्षितीजाला भिडलेल्या

सगळ्या सगळ्या वाटांवरून सोबत चालतानासुद्धा
वाट बघणं मात्र संपत नाही
मी तुझी, तू अजून कुणाची...

पण या सगळ्या वाटा मिळतात तिथे त्या मुक्कामाला
मला खात्री आहे,
मीच पोचेन तुझ्या आधी, आणि तुही येशीलच कधीतरी

तेव्हा भेटूच.

footer

प्रतिक्रिया

अभ्या..'s picture

14 Nov 2012 - 2:28 pm | अभ्या..

छान आहे.

स्पंदना's picture

24 Nov 2012 - 5:52 pm | स्पंदना

खुपच सुरेख.