श्रीगणेश लेखमाला २०१७

रंगभूषामंडळ, @अभ्याशेठ आणि निमोताई, तुम्ही सजावटीचे काय ते ठरवले असेलच. ते काही सांगण्याची गरज नाही. :-)

श्रीगणेश लेखमाला : प्रस्तावना

नमस्कार वाचक मित्रहो,

श्रीगणेशचतुर्थीचा योग साधून दर वर्षीप्रमाणे श्रीगणेश लेखमाला आपल्यासमोर सादर होत आहे. इतर अनेक उपक्रमांप्रमाणेच ही लेखमाला मिपाचे खास वैशिष्ट्य ठरत आली आहे. लेखमालेसाठी लेख पाठविण्याच्या आवाहनाला मान देऊन आवर्जून लेखन पाठविणाऱ्या सर्वांचे मनापासून आभार.
वाचकांनीही लेखमालेचा आस्वाद घ्यावा आणि आपले अभिप्राय नोंदवावेत ही विनंती.

लेखमालेचा या वर्षीचा विषय आहे, 'माझा मी जन्मलो फिरुनी.'
प्रस्तुत विषय जेव्हा आवाहन धाग्यात मांडण्यात आला, तेव्हा अनेकांनी त्याबद्दल शंका व्यक्त केली, विषयाच्या सयुक्तिकतेबद्दल संदेह मांडण्यात आले.
काहींना हा विषय अहंमन्यता, मीपणा, आत्मस्तुती या गोष्टींना खतपाणी घालणारा वाटला. हा समज चुकीचा की बरोबर, ते लेख पाहून लक्षात येईलच.
सदर विषयातून नक्की कशा प्रकारचे साहित्य अपेक्षित होते, ते आलेल्या लेखांतून सोदाहरण स्पष्ट होईल अशी आशा आहे.

जुन्या गोष्टी, आचार-विचार, विकार, रिती, पद्धती, अप्रासंगिक ते सर्व मागे सोडून नव्या विचारसरणीचा अंगीकार, तसेच आयुष्यात कुठल्याही प्रकारे केलेला सकारात्म बदल म्हणजेही नव्याने जन्म. दर वेळी आयुष्य बदलण्यास एखादी मोठी घटना, कलाटणी कारणीभूत असेल असे नाही. ज्या क्षणी माणूस त्याच्या आताच्या जगण्यास सुसंगत नसलेल्या गोष्टींचा त्याग करून उपयुक्त गोष्टींचा स्वीकार करत पुढे जातो, तोच त्याचा पुनर्जन्म म्हणता येईल.
अगदी पाच वर्षांपूर्वी आपण कसे होतो, तेव्हाचे आपण आणि आताचे आपण यात किती फरक आहे, असा विचार केला तरी आपल्याला कळून येते की आयुष्यातील प्रत्येक टप्प्यावर आपल्यात अनेक प्रकारे बदल होत जातात, जुने विचार बदलत जाऊन त्यांची जागा नवीन विचार घेतात, राहणीमान, जीवनशैली यातही बदल होत राहतात. या सर्वांतून एक नवीन 'मी' दर क्षणी घडत असतो आणि तसा तो घडलाही पाहिजे. अखेर बदल हा आयुष्यातील एकमेव स्थायिभाव आहे.

फिरून जन्म होणे, चुकांमधून मार्ग काढत पुढे जाणे यातून भव्य-दिव्य असे काही अभिप्रेत नाही. यात कुणा थोर व्यक्तींच्या, सेलिब्रिटीजच्या, ख्यातकीर्त लोकांच्या आयुष्यातील रोचक घटना असाव्यात, कुणी काही जगावेगळे अनुभव, किस्से सांगावेत असेही गरजेचे नाही. अतिसामान्य लोकांच्या आयुष्यातही अशा काही घटना घडतात की त्यांना स्वत:मधील, स्वत:सही जाणीव नसलेले सुप्त गुण बाहेर आणून प्राप्त परिस्थितीवर मात करून आयुष्यात पुढे मार्गक्रमण करावे लागते. अशाच काहीअनुभवांचा या वर्षीच्या लेखमालेत समावेश आहे.

विषयानुरूप उदाहरणे द्यायची, तर कुणी असाध्य आजारावर, अपघातावर मात करतो, कुणी नोकरीतील चाकोरीबद्ध साचलेपणातून बाहेर पडून नवी वाट चोखाळू पाहतो. कुणी स्त्री आलेल्या संकटांवर, परिस्थितीवर मात करत स्वयंसिद्ध बनू पाहते. कुणी गरिबीचे चटके सोसून स्वकष्टाने एक संपन्न आयुष्य घडवितो, कुणी आपल्या परिस्थितीची जाण ठेवून, समाजाला आपण काही देणे लागतो याचे भान ठेवून आपण मिळविलेली संपत्ती समाजाला परत करू पाहतो.... अशा अनेक उदाहरणांतून 'फिरुनी जन्मणे' हा लेखमालेचा विषय योग्य प्रकारे स्पष्ट होईल असे वाटते.

प्रत्येक व्यक्ती ही सामान्यच असते; मात्र काही वेळा अशा येतात, जेव्हा त्या व्यक्तीला ठरावीक चौकटीतून बाहेर पडून, आपल्यातील ताकद, क्षमता पूर्णपणे वापरून वेगळ्या वाटा निवडून त्यावरून चालावे लागते. हीच ती वेळ असते जेव्हा त्या सामान्यांतील असामान्यत्व ठळकपणे दिसून येते आणि त्यांच्याबरोबर इतरांचेही आयुष्य उजळून टाकते.

असेच काही सामान्यांतील असामान्यत्व दाखविणारे अनुभव आपल्यासमोर ठेवण्यास आम्हांस अत्याधिक आनंद होत आहे.
तरी सर्वांनी लेखमालेचा आस्वाद घ्यावा आणि आपले अभिप्राय अवश्य नोंदवावेत, ही पुन्हा एकदा विनंती.

चला तर मग, जयदीप साहनींच्या या अत्यंत सुंदर आणि प्रभावी शब्दांसह लेखमालेस आरंभ करू या.

उलझे नहीं तो कैसे सुलझोगे,
बिखरे नहीं तो कैसे निखरोगे,

उड़ने दो..

हवा ज़रा सी लगने दो,
सोया था अब जगने दो,
पंखों को हवा ज़रा सी लगने दो..

सॉरी पण मुशोसाठी इथे धागे काढणे, त्यावर प्रतिसाद देणे हा तितका बरोबर पर्याय वाटत नाहीय, हे सर्व धागे बाहेर दिसत आहेत,
त्याने लेखमालेत सरप्राइज एलिमेंट काहीच राहणार नाही. कृपया काहीतरी उपाय काढावा.
किंवा धागा शीर्षकातून लेखक इ. माहिती उघड होणार नाही असे काही करावे लागेल. मी माझ्या धाग्यात फक्त लेख क्रमांक टाकला आहे.

लेख प्रकाशित कोणी, कसे, कधी करायचे आहेत. नीलकांत यांचा लेखमाला बनवण्याचा धागा वाचला, पण नीटसं समजलं नाही आणि तसं करता येत नाहीय.
प्रस्तावनेचा लेख माझ्या आयडीने प्रकाशित करायचा की सा.सं आयडीने,

०. प्रस्तावना (साहित्य-संपादक)
१. मामलेदाराचा पंखा
२. पैलवान
३. आदूबाळ
४. ज्योति अलवनि
५. अनिवासि
६. किशन वसेकर
७. पिलियन रायडर (लेख बाकी)
८. अभ्या.. (लेख बाकी)
९. लेख हवा
१०. लेख हवा
११. समारोप (लेख हवा. नीलकांत/सासं)

इथपर्यंत आलोत, हत्ती गेला, शेपूट राहिलंय मंडळी. जरा जोर लावूयात. :-)

दशानन ऊर्फ राज जैन यांना विनंती करून पाहूयात का?

नीमो, मस्तच लिहिलीय प्रस्तावना.
यावेळी १२ दिवस आहे न बाप्पा? २५, २६, २७, २८, २९, ३०, ३१, १, २, ३, ४ आनी ५. अजुन चार लेख हवेत न?
नीलकान्त यान्नी समारोपाचा लेख लिहिला तर फार उत्तम होइल.
दशानन यान्ना विचरण्याची कल्पाना मस्त. कोणि त्यान्ना सम्पर्क करु शकेल का? अजुन सात आट दिवस आहेत आप्ल्याकडॅ.

प्रस्तावनेचा लेख उद्या सकाळी कधी प्रकाशित करायचा आहे, बाकी लेख संपादक/मालकांना पाठविण्याचे काही ठरले का?

सासं चावडीत मुशो करून झालेले मला पाचच लेख दिसत आहेत. अनिवासि यांचा लेख आहे का? मला दिसला नाही. आपल्याकडे आज २४ ऑगस्ट रोजी सहा लेख प्रत्यक्षात आले आहेत.

प्रकाटाआ

सकारात्मक
अत्यधिक
स्थायीभाव
ठराविक
अंगिकार

नूलकरसर, कृपया बरोबर आहे का ते सांगा.

उद्यापासून लेख कोण प्रकाशित करणार आहे, मालक की संपादक, त्यांना तसे कळवले आहे का,
लेखांचा क्रमही सांगावा लागेल.

आज मापंचा लेख प्रकाशित व्हायला हवा. प्रशांतसर, टाकताय का? साहित्य संपादक मापंच्या नावाने प्रकाशित करू शकत नाहीत. हे काम तुम्ही किंवा संपादक करू शकतात.

तब्बल एक तास खटपट केल्यावर शेवटी लेख प्रकाशित झाला एकदाचा! 500 internal server error ने वात आणला प्रकाशित करताना.

उत्तम प्रतिसादांनी आपल्या लेखमालेची मस्तं सुरूवात झालेली आहे.