अॅपल केक प्रकार २
अॅपल केक प्रकार १ येथे पाहता येईल.
साहित्य :
१०० ग्राम बटर, १५० ग्राम साखर, ३ अंडी, १ चमचा लिंबाचा रस, चिमूटभर मीठ, २०० ग्राम मैदा, १/४ कप दूध,
२ चहाचे चमचे (सपाट/फ्लॅट) बेकिंग पावडर
४-५ मध्यम आकाराची सफरचंदे
कृती :
बटर भरपूर फेटणे, मिक्सी फिरवताना हाताला हलके लागायला लागेल. मग त्यात साखर घालून फेटणे,
अंडी घालून फेटणे. चिमूटभर मीठ व लिंबाचा रस घालणे आणि फेटणे.
मैद्यात बेकिंग पावडर मिक्स करणे. हा मैदा थोडा थोडा घालत फेटणे. शेवटी दूध घालून फेटणे.
सफरचंदाच्या साली न काढता अगदी पातळ फोडी करणे.
ज्या भांड्यात केक करायचा असेल, त्याला बटर लावून घेणे व त्यात केकचे मिश्रण एकसारखे पसरणे. त्यावर सफरचंदाच्या फोडी बसवणे.
ओव्हन प्री-हीट करणे. १८० अंश से.वर साधारण २५ ते ३० मिनिटे बेक करणे. आवश्यकता वाटली, तर अर्ध्या तासानंतर तापमान १७० अंशावर आणणे. फोडी पातळ आहेत त्या जळत नाहीत ना, ह्याकडे लक्ष देणे.
बेक करून गार झाला की वरून पिठीसाखर पेरून सुशोभित करणे. कॉफी आणि व्हिप्ड क्रीमबरोबर खाणे.
प्रतिक्रिया
29 Oct 2016 - 1:26 am | रेवती
सुंदर केक! गुलाबाचं फूल असावं तसा दिसतोय.
29 Oct 2016 - 1:49 am | स्रुजा
पहिल्यांदाच पाहतीये असा केक .. काय भारी दिसतोय !
29 Oct 2016 - 2:42 am | पद्मावति
+१
मस्तच.
29 Oct 2016 - 8:39 am | इशा१२३
मस्त मस्त केक! नक्की करुन पहाते.
29 Oct 2016 - 11:29 am | सविता००१
किती सुरेख दिसतोय गं... मस्त
29 Oct 2016 - 5:37 pm | यशोधरा
सुरेख दिसतो आहे केक.
30 Oct 2016 - 8:46 am | मदनबाण
अरे... कोणी तरी हा केक माझ्या पर्यंत पोहचवण्याची व्यवस्था करा रे ! :)
मदनबाण.....
आजची स्वाक्षरी :- मीनाक्षी मीनाक्षी मीरा मीरा मिर्ची मीनाक्षी ... ;) :- Masala
30 Oct 2016 - 1:55 pm | टवाळ कार्टा
अगदी अगदी...माझ्याकडे द्या...मी पोचवतो ;)
2 Nov 2016 - 3:45 pm | पूर्वाविवेक
मस्त! प्रथमच पाहतेय. गुलाबाचं फुलंच जणु. अँपल पाय आवडला होता, हि चव देखील आवडेल.
2 Nov 2016 - 4:12 pm | सूड
फोटो दिसत नाहीयेत.
3 Nov 2016 - 12:45 am | स्वाती दिनेश
तू ब्राउझर कोणता वापरतो आहेस? मलाही पूर्वाविवेकचे मूगाच्या लाडूचे फोटो मोझिला मध्ये दिसले नाहीत पण गुगल क्रोममध्ये दिसले. एकदा ब्राउझर चेंज करून बघ ना प्लिज जरा..
स्वाती
2 Nov 2016 - 5:27 pm | पैसा
हाय, मर जावां!
3 Nov 2016 - 10:30 am | अनन्न्या
मी फेसबूक पाहिला होता पण बेकिंगचे पदार्थ अजून केले जात नाहीत. जमेल का असे वाटते
5 Nov 2016 - 10:55 am | नूतन सावंत
अॅपल केक?नाही,नाही काळा गुलाब दिसतोय हा,खुपच सुरेख स्वाती.
5 Nov 2016 - 2:54 pm | सस्नेह
सुंदर दिसतोय केक.
5 Nov 2016 - 3:56 pm | पियुशा
सुरेख झालाय :)
8 Nov 2016 - 11:11 am | प्राची अश्विनी
कालच केला. छान झालेला. Thank you.