काजू-गुलकंद विडा
साहित्यः
१ वाटी काजूपूड
अर्धी वाटी साखर
पाच टे.स्पून पाणी
पाव वाटी काजू-बदाम काप
अर्धी वाटी गुलकंद
चांदीचा वर्ख
खाण्याचा हिरवा रंग
कृती :
एका नॉन-स्टिक पॅनमध्ये साखर, पाणी व खाण्याचा हिरवा रंग एकत्र करून साखर विरघळेपर्यंत उकळावे.
साखर विरघळली की त्यात काजूपूड घालून मध्यम आचेवर सतत ढवळत राहावे.
हळूहळू मिश्रण कडेने सुटू लागेल व गोळा होऊ लागेल.
एका ताटात मिश्रण काढून हाताला सोसवेल इतके थंड झाले की चांगले मळून घ्यावे.
गुलकंदामध्ये काजू-बदाम काप मिक्स करून घ्यावे.
मिश्रणाचा छोटा गोळा घेऊन पुरीप्रमाणे लाटावा.
चार भागात तो कापून घ्यावा.
प्रत्येक चत्कोराचा कोन बनवून त्यात गुलकंद भरावा.
तयार विड्याला चांदीचा वर्ख लावून सजवावे.
काजू-गुलकंद विडा खाण्यासाठी तयार आहे.
दिवाळीच्या सर्वांना अनेक शुभेच्छा!!
प्रतिक्रिया
29 Oct 2016 - 1:34 am | रेवती
आयडिया चांगली आहे. सर्व खाद्यप्रकारांनंतर विडा, तोही इतका टेस्टी देण्याची कल्पना आवडली.
29 Oct 2016 - 11:20 am | सविता००१
मस्त ग. असा विडा मी एका लग्नात रुखवतात पाहिला होता. तेव्हाच भन्नाट आवडला होता. आज कृती पण कळाली. मस्तच दिसतोय
29 Oct 2016 - 11:26 am | पिंगू
क्या बात. कसला दिसतोय विडा..
29 Oct 2016 - 12:33 pm | कविता१९७८
अप्रतिम रेसीपी , तु मिठाईच दुकान सुरु कर आणी टेस्टींग साठी मला अपॉईंट कर बरं
29 Oct 2016 - 1:03 pm | नूतन सावंत
कसला सुरेख दिसतोय तो विडा._/\_
29 Oct 2016 - 8:15 pm | पियुशा
जबराट,खतरा,कातिल दंडवत तुला--^--
29 Oct 2016 - 9:47 pm | पद्मावति
वॉव....काय सुंदर!!!!!
30 Oct 2016 - 8:36 am | मदनबाण
ज ब र द स्त्त्त्त... :)
मदनबाण.....
आजची स्वाक्षरी :- मीनाक्षी मीनाक्षी मीरा मीरा मिर्ची मीनाक्षी ... ;) :- Masala
30 Oct 2016 - 4:49 pm | तुषार काळभोर
आणि सोपी, सुटसुटीत पाककृती
30 Oct 2016 - 8:49 pm | डॉ सुहास म्हात्रे
आवडती पाकृ ! कराचीवालाकडे गेलो की नक्की आणतो. तिथल्या गुलकंदामध्ये कुटलेले खाण्याचे पानही असते.
30 Oct 2016 - 9:00 pm | स्रुजा
निव्वळ अप्रतिम !! ___/\__
30 Oct 2016 - 9:27 pm | केडी
सुंदर दिसतोय विडा... एकदम भारी
30 Oct 2016 - 10:30 pm | अत्रुप्त आत्मा
व्वाह! अप्रतिम!
30 Oct 2016 - 11:41 pm | स्वाती दिनेश
मस्तच टेम्टिंग आहे हा विडा.
स्वाती
31 Oct 2016 - 9:06 am | इशा१२३
काय दिसतोय विडा! अप्रतिम!
31 Oct 2016 - 3:57 pm | अजया
असाच उचलून तोंडात टाकावा वाटतोय!
अप्रतिम _/\_
1 Nov 2016 - 3:39 am | रुपी
वा! सुंदर दिसत आहे एकदम!
1 Nov 2016 - 3:41 am | विशाखा राऊत
वाह
1 Nov 2016 - 6:50 am | मराठमोळा
आवडले.. _/\_
2 Nov 2016 - 1:04 pm | अनन्न्या
मस्त दिसतायत विडे
2 Nov 2016 - 3:56 pm | पूर्वाविवेक
सुरेख. तुझ्या रेसिपी म्हणजे दृष्टी सुख.
2 Nov 2016 - 4:00 pm | सस्नेह
मिठाईच्या दुकानात गेल्यासारखं वाटलं !
2 Nov 2016 - 5:10 pm | पैसा
लै भारी प्रकार!
2 Nov 2016 - 7:54 pm | मृत्युन्जय
सारखे सारखे काय तेच तेच प्रतिसाद द्यायचे. त्यामुळे परत प्रतिसाद देत नाही.
2 Nov 2016 - 10:38 pm | अन्नू
नेमक्या वेळी आल्याचं सार्थक झालं. ;)
आल्याआल्या स्वीट-स्वीट विडे बघून मन तृप्त झालं.
किती दिवसापासून वाट पाहत होतो सानिकाताईंची? आज मनोकामना पुर्ण झाली. ;) लगेच पेजच सेव्ह करुन ठेवतो. =)) =))
बाकी या बाबतीत आमच्या सानिकाताईंका जवाब नहीं! स्वतः अन्नपुर्णा आहेत त्या :)
2 Nov 2016 - 11:08 pm | बोका-ए-आझम
या सानिकातै विड्यालाही सोडत नाहीत! क्या बात है! असा विडा खायचा तर फराळ कमी करावा लागेल!