टीप : राजगड बद्दल इत्यंभूत माहिती किसन ने ह्या धाग्यात दिल्याने परत खोलात मी लिहित नाही :)
तर ट्रेक ला जायचं कुठे ह्यावरून बरीच चर्चा केल्यानंतर 'राजगड' करायचा असे किसन देवांनी जाहीर केले. बरेच मेंबर गळत गळत शेवटी मी , किसन, सुड, अल्प्या आणि सिड.. एवढे उरलो.इंद्रायणी वेळेवर शिवाजीनगर पोचली.तडक रिक्षा पकडुन आमची वरात सुडच्या घरी पोहोचली.
पण काहीतरी बिनसलं घराच्या खालीच अचानक हवा शिळी झाली. हुडहुडी भरायला लागली.अंधारुन आलं..दमटपणा वाढला, एकप्रकारचा गायछाप तंबाखूचा वास जाणवायला लागला, मागुन एक घोगरा आवाज आला.. पांडोबा..शाहिद कपुर.. कसबस घाबरत मागे वळुन पाहीलं तर एक अत्रुप्त अत्मा मागे घोंगावत होता. माझ्या भल्या मोठ्या ट्रेकिंग बॅग मुळे मी त्याच्या मगरमिठीतुन वाचलो, तो पर्यंत सुड ने तिथुन पोबारा केलेला होता.. :-D. मग वर आलो, वरती धनाजीराव वाकडे स्वागताला होते. मग सुड च्या हातचे फक्कड फवे खाल्ले, वर झकास चाय ढोसला.तेवढ्यात वल्ली यांनी फोन करुन त्यांना एकट्याला टाकुन आम्ही इथे मजा करतोय याचा निषेढ(सॊम्य) व्यक्त केला.जाताजाता ट्रेक ला शुभेच्छा दिल्या.अकराच्या सुमारास आत्म्याचा अणि धन्याचा निरोप घेऊन परत स्वारगेट ला आलो.
सुदॆवाने लगेचच भोर ला जाणारी बस मिळाली.नसरापुर फाटा येईस्तोवर मस्त झोप झाली. फाट्यावर देखिल लगेचच जिपडं मिळालं. घासाघीस करुन चारशे रुपड्यांवर डिल फायनल झालं. वाईट्टच उकडत होतं,मंबईच्या वरताण दमटपणा होता.हि सगळी सांच्याला पावसाची लक्षण दिसत होती.भोसले वाडीत पोचेस्तोवर तीन वाजुन गेलेले होते,गड समोर दिसल्यावर दिल खुष झाला.
१.
मरणाच्या ऊन्हात गड चढायला सुरवात केली.
२.
रस्ता विशेष कठीण नाहीये,पण भयंकर उकाड्यामुळे सतत थांबावं लागत होतं.गडाचे बुरुज दिसायला लागल्यावर मात्र अचानक वातावरण बदललं.समोर तोरण्यावरुन ढगांचे लोट यायला लागले,
३.
४.
५.सूड आणि किसन
६.
७.
८.
दमटपणा अजुन वाढला,गडगडाट सुरु झाला, चिन्ह काही निट दिसत नव्हती, आम्ही तसंच स्वता:ला रेटत वर पळालो.वर जाई पर्यंतच गड ढगात हरवुन गेला.
९. पाली दरवाजा
.
सर्वात आधी पद्मावतीच्या देवळात मस्त कोपरा पकडला.बाकीचे पण बरेच ग्रुप देवळात आडोशाला आले.टाक्यांमधलं गार पाणी पिऊन ताजेतवाने झालो,
१०. फुलं पांघरलेली धरती आणि भरून आलेले आभाळ
.
११.
१२.
१३.
१४.
१५.गडावर उतरलेली सांज
.
सुवेळा माची बघण्याचा बेत पावसाने ऊधळुन लावला.दाद्या जोरदार कोसळायला लागला, सोबतीला विजांचा कडकडाट.करण्यासारखे काहि नव्हतेच,देवळात पद्मावतीसमोर दिवाबत्ती झाली,संध्याकाळ दाटून आली
१७.
मस्त गार अंधारात पाऊस ऎकत बसलो.किती महिन्यांनी अशी शांतता मिळालेली होती.फक्कड चहाचा राऊंड झाला.पावसाचा जोर थोडासा कमी झाल्यावर अनवाणीच बाहेर पडलो.वातावरण एकदम बदलुन गेलेले होते.रात्रीच्या जेवणाचे सांगुन टाकले.तिन्हीसांजेला देवीची सुरेख आरती झाली.पाऊस परत वाढलेला होता.तिखटजाळ पिठलं,भाकर्या,ठेचा,दही,भात,असा दणकुन बेत होता,बेक्कार हाणलय सर्वांनी,गप्पा मारायचेही त्राण नव्हते,साठेआठलाच झोपुन गेलो.
सकाळी पाचला ऊठलो,कडक थंडी पडलेली होती.फ्रेश होऊन गड भटकायला निघालो.
१८.
१९.
२०.आजूबाजूचा परिसर धुक्यात लपेटलेला होता .
.
२१.
२२.
२३.
२४.
सर्वात आधी बालेकिल्ल्यावर कूच केले.थोडासा कठीण असा मार्ग आहे.
२५.
खडा चढ
२६.
२७.
वरून दिसणारे विहंगम दृश्य
२७.
२८.
२९.
वर जननीमंदिर,ब्रह्मेश्वराचे देऊळ,बाजारपेठ, चन्द्र तलाव अजुन काही भग्न अवस्थेतील इमारती चौथरे, वाड्यांचे अवशेष आढळतात.
३०.
३१.
३२.
३३.संजीवनी माची
.
वरुन आजुबाजुच्या परीसराचा अप्रतीम नजारा दिसत होता.
३४.
३५.मावळे :)
.
दोन्ही माच्या पाहायच्या राहीलेल्या होत्या ,पण हातात कमी वेळ असल्याने उगाच घाई केली नाही.पाहायचं तर तब्येतीत,या निर्णयावर सगळे आले.खाली आल्यावर दणकुन पोहे खाल्ले.सामान आवरलं, आणि निघालो.गड उतरुन खाली भोसलेवाडीत आलो,खाली जीप कधी येईल विचारले,पण समाधानकारक उत्तर न मिळाल्याने चालत पुढे निघालो.वाटेत एक नदी होती,मग डुंबण्याचा कार्येक्रम झाला,
३६.
३७.
निघालो.पण गाडीचा पत्ता नव्हता,वाझेघर पर्यंत जवळ जवळ चार किलोमीटर ऊन्हात चाललो,
३८. शेतं.
.
तिकडे गेल्यावर समजलं,कोणतरी जीपवाल्यांपेकी स्वर्गवासी झाल्याने आज कोणीच येणार नाही, अडीच ची एक बस येते तीही आलेली नाही.बोंबला .. साडसहाची ईंद्रायणी मिळेल की नाही याची चिंता लागायला लागली,कसाबसा एका तासाने एक टमटमवाला आला,त्याने नसरापुर फाट्यावर सोडले.तिथुन कात्रज दुसर्या टमटमने,कात्रज- स्वारगेट बसने, स्वारगेट-पुणे स्टेशन रिक्षाने असे कसेबसे बरोबर सव्वासहाला ठेसनात पोचलो,धावत धावत गाडी पकडली,रिझर्वेशन नसल्याने झक मारत उभे राहुन कसेबसे रात्री घरी पोचलो.पण राजगडची नशा मात्र काही ऒरच होती, देवळात पडुन ऎकलेला पाऊस अजुनही मनातुन जात नाहीये :-)
त्यातल्या त्यात फोटूग्राफी
रानफुलं
प्रतिक्रिया
8 Oct 2014 - 12:30 pm | अजया
कहर फोटो अाहेत स्पांडुबा! वर्णनही फोटोंबरोबर अाल्याने वाचायला मजा आली.
जळायला होतं राव अशी वर्णनं वाचुन!या पोरांचं बरंय ठरवलं की निघाले,जिपडं,टमटम कसे पण..मस्त राहतात किल्ल्यावर,मज्जानु लाईफ!!
रच्याकने-सुर्योदयाचा फोटो केवळ अप्रतिम!तू फोटो काढण्यआधी निसर्ग मेकप करुन घेतो बहुतेक!!
8 Oct 2014 - 12:30 pm | बॅटमॅन
हाण तेजायला. राजगडच्या भटकंतीचे धागे कितीही आले तरी शिळे होत नैत. कोणे एके काळी केलेला राजगड आठवला, आता पुनरेकवार जाणे आले...
8 Oct 2014 - 6:40 pm | यसवायजी
मला बी बोलव गा.
8 Oct 2014 - 6:42 pm | बॅटमॅन
हौदप्पा.
8 Oct 2014 - 7:07 pm | सूड
यसवायजीचं निकनेम?
8 Oct 2014 - 7:08 pm | बॅटमॅन
हौदप्पा = हो रे.
8 Oct 2014 - 12:37 pm | नन्दादीप
लय भारी......
8 Oct 2014 - 12:45 pm | किसन शिंदे
हे झक्कास वृत्तांत आणि फोटोही तेवढेच भारी काढले आहेत. सलग दुसर्या वर्षी ऑक्टोबरातच राजगड वारी झालीये, तरी मन अजून भरले नाहीये. वारंवार जायला मिळो हीच इच्छा!
8 Oct 2014 - 12:55 pm | वेल्लाभट
अतिशय जबराट कहर फोटो !!!!!! राजगड पुन्हा पुन्हा पुन्हा जाण्यासारखाच आहे मुळी. वाद नाही त्यात. लवकरच आमचीही वारी व्हावी अशी आशा.... बाकी वर्णन पण कडक्क
8 Oct 2014 - 1:00 pm | धन्या
फोटो भारीच आहेत. काही फोटो संस्कारीत वाटले. :)
यानंतरही काहीतरी झालं असं ऐकून आहे. ;)
8 Oct 2014 - 1:04 pm | बॅटमॅन
काय ओ काय झालं? सांगा ना गडे.
8 Oct 2014 - 11:44 pm | अत्रुप्त आत्मा
@यानंतरही काहीतरी झालं असं ऐकून आहे. >>>
8 Oct 2014 - 1:06 pm | राजेंद्र मेहेंदळे
२-३ वेळा जाउन आलो....पण अजुन ती सुवेळा माची हुलकावण्या देतेय
हा लेख वाचल्यावर आता पुन्हा जाणे आलेच :)
8 Oct 2014 - 1:06 pm | प्यारे१
काही फटु (साधारण ५७%) दिसत नाहीयेत.
बाकी फटु आणि वरणन उत्तमच. जियो स्पा आणि मावळे टीम .
8 Oct 2014 - 1:42 pm | धन्या
ही टक्केवारी कशी काढली? (न दिसणारे फोटो/एकुण फोटो) * १०० या सुत्राने का?
8 Oct 2014 - 1:53 pm | प्यारे१
हो. सुदैवानं ही टक्केवारी आता ९०-९४ % पर्यंत गेलेली आहे. एक दोन फोटोच दिसत नाहीत.
(ह्यावेळी ओपिनियन पोल घेतला ;) )
8 Oct 2014 - 1:27 pm | कंजूस
रोम्ब नल्लारिकाय तंबि दुराय .परवाच आठवण काढली पिंपळाचा पार कुठल्या गावात म्हणून ऑक्टोबरच्या कटट्यावर.तर स्वारी हुती हिकडं पद्मावतीच्या आडुशाला राजगडावर पाऊस बघत.आकछी.कुणी सोडली रे पोडी ?
8 Oct 2014 - 1:42 pm | प्रा.डॉ.दिलीप बिरुटे
वृत्तांत फोटो भारी खर्रच आवडले.
बाकी पाचव्या फोटोतले किसन / सुड ओळखु आले अजुन बारीक ठिपक्यांचे जरी दाखवले असते तरी ओळखु आले असते. हा हा.
-दिलीप बिरुटे
8 Oct 2014 - 1:46 pm | धन्या
सर तुम्ही दोन दिवसांसाठी पुण्याला या. आपण असेच एखादया गडावर जाऊ.
8 Oct 2014 - 1:49 pm | प्रा.डॉ.दिलीप बिरुटे
धन्यासेठ बरोबर गप्पा रंगतात अशा ट्रेकला नक्की मजा येईल.
या १६ च्या नंतर काही जमतं का ? येतो मी.
-दिलीप बिरुटे
8 Oct 2014 - 1:45 pm | दिपक.कुवेत
पण काहि दिसत नाहियेत.
8 Oct 2014 - 2:00 pm | प्रभो
मस्त रे!
8 Oct 2014 - 2:04 pm | मधुरा देशपांडे
अप्रतिम फोटो आहेत. सगळेच सुंदर.
8 Oct 2014 - 3:02 pm | शिद
अतिशय देखणे फोटो आले आहेत. १०व्या नंबराचा तर जबराट, मस्त फ्रेम घेतली आहे.
9 Oct 2014 - 12:03 am | खटपट्या
हेच बोलतो !!
8 Oct 2014 - 3:41 pm | कंजूस
बऱ्याच फोटोत width 640 पेक्षा जास्त ठेवली आहे. फोटो सर्व दिसताहेत. थोडे फोटो कमी करून कलादालनाच्या भिंतीवर लावले तर इकडची हवा जरा मोकळी होईल.
8 Oct 2014 - 3:45 pm | सूड
अहो काका त्याने फोटो टाकायचे कष्ट तरी घेतलेत, लोक हातभर धागा लिहीतात आणि टीचभर लिंका देऊन मोकळे होतात. त्यापेक्षा हे बरं!! लेखनही इथेच आणि फोटोही इथेच!! अर्थात हे माझं मत झालं. सर्वानुमते काय होईल ते बघा.
8 Oct 2014 - 3:42 pm | मिसळलेला काव्यप्रेमी
कहर आहेस लेका, काय फटू आहेत, व्वाह, तो दिवा-उदबत्तीचा तर लैच भारी.. जियो..
8 Oct 2014 - 3:48 pm | मदनबाण
झकास्स्स... सगळेच फोटु मस्त आहेत, उदबत्तीचा आणि पाण्यात पोहणार्यांचा फोटु तर लयं भारी ! :)
मदनबाण.....
आजची स्वाक्षरी :- Hiring records 14% growth; IT/Telecom sector shines again: TimesJobs RecruiteX
8 Oct 2014 - 4:45 pm | माम्लेदारचा पन्खा
आम्ही काय फक्त वर्णनंच वाचून आमचा कोळ्सा करुन घ्यावा? ह्ये वागनं बरं न्हवं !
8 Oct 2014 - 5:01 pm | सविता००१
आणि उत्तम लिखाण. स्पावड्या.. मस्त रे.
8 Oct 2014 - 5:23 pm | सुहास..
क ह र च !!
8 Oct 2014 - 5:24 pm | प्रचेतस
जबरदस्त.
एकसे सो एक फोटू.
8 Oct 2014 - 5:37 pm | मी एक ट्रेकर
फोटो मस्त आहेत. प्रत्येकाने एकदा तरी बघायलाच पाहिजे असा हा किल्ला. राजगडाचा बालेकिल्ला आणि संजीवनी माचीची चिलखती तटबंदी तर अतिसुंदर.
8 Oct 2014 - 6:11 pm | तिमा
तरुणवयांत केलेल्या राजगडाच्या दोन ट्रीप्स आठवल्या. वर निवांतपणे राहिल्यामुळे सर्व माच्या आणि बालेकिल्ला बघून झाला होता. पण आम्ही साखर गांवातून गेलो होतो एवढं आठवतं.
फोटो लाजवाब!
8 Oct 2014 - 6:31 pm | काउबॉय
हेच म्हणतो.
फोटो वृत्तांत मस्त.
8 Oct 2014 - 6:56 pm | बाबा पाटील
अप्रतिम हा एकच शब्द या गडासाठी आहे,३-४ वर्षापुर्वी लेकीला पाठीला बांधुन हा ट्रेक केला होता आता धाकटीला घेवुन परत एकदा गड प्रदक्षिणा करावी लागणार. फोटोग्राफी निव्वळ क्लासिक या सदरात मोडते.
8 Oct 2014 - 9:59 pm | सखी
येSSSSSस!! राजांचा गड आणि गडांचा राजा! अप्रतिम राजगड...तुमचे फोटो कहर आलेत अगदी! जळजळ झालीये अगदी...
8 Oct 2014 - 7:22 pm | यसवायजी
सुर्योदय, सांज, माची मस्त.
फोटो आणी वृत्तांत एकदम झकास.
8 Oct 2014 - 7:30 pm | सुबोध खरे
उदबत्तीचा , धुक्याचा आणि पहाटेच्या सुर्योदायचा फोटो प्रचंड आवडला आहे.
एक डोक्यात कल्पना आली. सरळ कारने राजगडाच्या पायथ्याशी गेलो तर? आता असे लटकत प्रवास करण्याचे वय राहिलेले नाही. (एके काळी रेल्वेचा बाथरूम मधून किंवा ३ टियरच्या खालच्या बर्थच्या खाली रेनकोट घालून झोपून ऐन थंडीत सुद्धा प्रवास केलेला आहे).
कार माझी, पेट्रोल माझे अजून चार जण येऊ शकतील. रविवारी सकाळी जायचे आणि सोमवारी दुपारपर्यंत परत यायचे.
कोणी स्वयंसेवक आहेत का ?
8 Oct 2014 - 7:34 pm | स्पा
मी आहे :)
8 Oct 2014 - 8:28 pm | टवाळ कार्टा
मीSSSSSSSSSSS
9 Oct 2014 - 12:28 am | मुक्त विहारि
डन
ह्यावेळी २च रविवार होते आणि दोन्ही बूक झाले.
आता ऑक्टोबरमधले ३ही कट्टे झाले की, आमचा पुढचा फेब्रुवारीतला कट्टा राजगडवर....
खाणे-पिणे आमच्या कडून...
9 Oct 2014 - 9:34 am | विश्वनाथ मेहेंदळे
Count me in !!! :-)
9 Oct 2014 - 10:03 am | टवाळ कार्टा
खरे साहेबांची गाडी फुल झाली की :)
3 Nov 2014 - 4:11 pm | मुक्त विहारि
आपण अजून एक दुसरी गाडी बूक करू या...
हाकानाका...
8 Oct 2014 - 8:24 pm | डॉ सुहास म्हात्रे
अप्रतिम फोटो... आम्हीही तिथे घरबसल्या एक चक्कर मारून आलो ! राजगडाचा ट्रेक म्हणजे भन्नाट झाला असणार हे सांगायलाच पाहिजे का ?
8 Oct 2014 - 10:47 pm | तुमचा अभिषेक
एकापेक्षा एक भन्नाट फोटो आहेत !!!!
8 Oct 2014 - 11:39 pm | अत्रुप्त आत्मा
१० आणि ३१ नंबरच्या फोटूंनी - मार डाला!!!
9 Oct 2014 - 12:31 am | मुक्त विहारि
आवडला...
9 Oct 2014 - 9:16 am | बोका-ए-आझम
फोटो काहीच्या काहीच सुंदर आलेत.लेख पण मस्त!
9 Oct 2014 - 9:22 am | श्रीरंग_जोशी
सुरेख सफर घडवली आहे राजगडाची.
9 Oct 2014 - 10:10 am | अर्धवटराव
क्लास.
9 Oct 2014 - 10:18 am | सुहास झेले
कहर... कहर फोटो आलेत राव !!
9 Oct 2014 - 10:21 am | संजय क्षीरसागर
मस्त!
9 Oct 2014 - 10:38 am | स्पंदना
जीव गेला फोटु पहाताना.
कला आहे लेका तुझ्या हातात.
बाकि अतृप्त आत्मा येताना अशी हवा बिवा टाईट होते हे माहिती नव्हत.
न्यायच ना त्यांनापण मांडी न मोडता गड चढले असते राव ते.
9 Oct 2014 - 2:51 pm | सौंदाळा
+१
9 Oct 2014 - 2:48 pm | सूड
आमचे परममित्र स्पा यांच्या मार्गदर्शनाखाली काढलेले फोटो टाकण्यासाठी जागा राखून ठेवीत आहे. बरेचसे लिहीलेले आहे तरी फोटो टाकल्यानंतर आणखी थोडे पाणी घालून धागा वाढवण्यात येईल.
13 Oct 2014 - 2:25 pm | मालोजीराव
प्र चि १०,२७,३४ एकदम खल्लास रे स्पा, ट्रेक बाकी एकदम झकास झालेला दिसतोय
13 Oct 2014 - 5:19 pm | ज्ञानोबाचे पैजार
कातिल फोटु,
काही फोटो कॉपी करुन घेतले तर चालतील का?
बाकी त्या चंद्रकोर तळ्यावरची मज्जा परत अनुभवलीत का?
(गरजुंनी किसनदेवांच्या धाग्यातला ६६ नंबरचा फोटो पहावा)
पैजारबुवा,
13 Oct 2014 - 5:50 pm | पैसा
कहर फोटो आहेत! लिखाण नेहमीप्रमाणेच!
3 Nov 2014 - 1:31 pm | गणेशा
स्पा भाऊ, अप्रतिम फोटो आणि ट्रेक .. किसन तर एकदम डॉन दिसतोय
3 Nov 2014 - 2:56 pm | स्पा
माताय
गणेशा भौंची कमेंट
धन्य जाहलो
3 Nov 2014 - 4:01 pm | टवाळ कार्टा
त्यांना फोटो दिसले... :)
3 Nov 2014 - 10:11 pm | किसन शिंदे
हायला!! तू रे कुटनं उगवलास आनी??
3 Nov 2014 - 10:05 pm | किल्लेदार
नॉंस्टेल्जिक झालो .... मस्त
4 Nov 2014 - 3:42 am | निनाद मुक्काम प...
मस्त रे स्पा
एवढेच लिहायचे होते कि परत येतांना गाडीतून उभ्याने प्रवास असण्यापेक्षा लाल डब्यातून बसून आला असता किंवा खाजगी बस नाहीतर शेअर वाहन करून आला असता मुंबई पुणे प्रवस बसून झाला असता.
बाकी गडावर रात्रीचा पाऊस ऐकतांना जी मानसिक शांतता मिळाली असेल ती पैसे बहरून मेडीटेशन क्लासेस मध्ये सुद्धा मिळणार नाही.
4 Nov 2014 - 5:39 am | नंदन
लेख आवडला. फोटो तर क्लासच!
4 Nov 2014 - 6:06 am | पहाटवारा
१० नम्बर फोटो एक्दम दस्स-नम्बरी आलाय ! बाकिचेहि मस्तच !
-पहाटवारा