राजकीय चेटकीशोध अर्थात पॉलीटीकल विच हंटींग

तुम्ही भाजप, मोदी समर्थक असल्यानं तुमचं म्हणणं खरं आहे की नाही हे समजून घेण्याची आम्हाला गरज नाही.
आम्ही सर्वोच्च न्यायालयाचे दरवाजे खटखटवू. आमचा लढा सुरु राहीलच.

- 'लेफ्ट' हॅण्डर स-माजवादी प्यारे

झोपलेल्यांना जागे करता येते, पण झोपेचे सोंग घेतल्याना जागे कसे करणार? वक्तिश मला मोदी पंतप्रधान झालेले बघायला आवडेल (पण पूर्ण बहुमत मिळूनच)

आश्चर्य आहे. "टिस्टा सेटलवाड आणि पार्टी" मधील काही पार्ट्या इथे पण पाट्या टाकत असतात.
आगाऊ शुभेच्छा!

उच्च न्यायालय अथवा सर्वोच्च न्यायालय कुठलिही याचिका केवळ अर्ज केला गेला आहे म्हणून दाखल करून घेत नसते. त्यात प्राथमिक पातळीवर तथ्य असल्यासच दाखल करून घेतली जाते. अंतिम निकाल लागण्यापर्यंत अनेक घटक महत्वाची भूमिका पार पाडतात. वादी व प्रतिवादी उपलब्ध साक्षी पुराव्यांच्या आधारे काय सिद्ध करू शकतात यावर न्यायालयाचा निकाल ठरतो.

या प्रकरणावर मी येथे पूर्वी लिहिले आहे; त्याची पुनरावृत्ती टाळतो. या धाग्यावर आणखी एक महत्वाचा मुद्दा मांडला गेला होता की या सर्व (प्रस्तुत धाग्यात उल्लेखलेल्या) प्रकारांचा (मतांच्या ध्रुवीकरणाद्वारे) राजकीय लाभ उठविण्याचा प्रयत्न दोन्ही बाजूंनी झाला किंबहूना अजूनही होत आहे; असे असल्यास बळी गेल्याचा आव आणणे पटत नाही.

मोदिंचं कितीही वकिलपत्र तुम्ही घेतलं तरिही त्यांची डाळ शिजणार नाहि. इथे मिपावर देखील अनेक मोदिभक्त आहेत जे सार्कास्टिकली काँग्रेसला पाठिंबा दाखवतात पण अ‍ॅक्च्युली मोदिंचा प्रचार करतात. येत्या निवडणुकीत राहुलजींची यंग ब्रिगेड मोदिंना धुळ चाटायला लावेल यात शंका नाहि.

धागा अत्यंत बाळबोध वाटला. कोर्ट वगैरे सर्व मॅनेज केलय मोदिंनी. टिस्टाबाईंसारख्या सत्यासाठि झटणार्‍या व्यक्तिंना असल्या न्यायालयीन पुराव्यांची गरज नसते. त्या स्वयंभू सत्य आहेत. काय तर म्हणे मोदि स्वतः आयोगाला सामोरे गेले... राजीव गांधींकडे तेव्हढेच उद्योग होते काय आयोगाला सामोरे जायला? आता लालूजी देखील जेलच्या बाहेर आले आहेत. धर्मांध शक्तींना रोखण्याचा विडा उचलला आहे त्यांनी. भूतपूर्व रेलमंत्री म्हणुन खरं तर त्यांच्याच अध्यक्षतेखाली आयोग नेमायला हवा होता.. म्हणजे सत्य समोर आले असते. असो. भारतीय मतदार सूज्ञ आहेत.. आणि मिपाकर देखील.

मोदींचा पंतप्रधानपदाकडे जाणार्‍या वाटेतला एक मोठा अडसर दूर झाला. अजून बरेच अडथळे आहेत. आणि दूरची मजल आहे. पण अकारण फासिस्ट, हिटलर, वंशच्छेदी वगैरे शेलक्या विशेषणाने ह्या कर्तबगार माणसाची केली जाणारी निंदानालस्ती थांबावी अशी अपेक्षा.
काँग्रेसने ब्राह्मणांच्या, शिखांच्या डूख धरुन कत्तली केल्या पण त्या कुणाला फार खटकल्या नाहीत. काँग्रेसवर कुणी हिटलरगिरी, जेनोसाईड (वंशच्छेद) वगैरे आरोप करत नाहीत. मात्र मुस्लिमांविरुद्ध कुणी काही केले असा संशय आला तरी त्याविरुद्ध रान उठवुन माणूस आयुष्यातून उठवायचा प्रयत्न केला जातो. हे दुटप्पी धोरण का हे मला न उलगडलेले कोडे आहे.
बघू या इथले नेहमीचे काँग्रेसी ह्या घटनेची कशी प्रतिक्रिया देतात ते.

मोदी, गुजराथमधील दंगली आणि त्याविरुद्ध केलेल्या कारवायांची, तपासाची, खटल्यांची जंत्री मुद्देसूदपणे प्रसिद्ध केल्याबद्दल विकासरावांचे आभार.

विचारवंतांच काय म्हणणं आहे या विषयावर ?

स्$$$$$$$$$$$$$$$$चीन........

लेख आवडला....धन्यवाद...

तिस्ता सेटलवाड मुझफ्फरनगर मधील जाटांच्या कत्तलीबद्दल काय करत आहेत आता?

अभिनंदन, विकासराव. मोदींचा मी समर्थक नाही. पण त्यांनी केलेले चांगले काम हे चांगलेच म्हणायला हवे. त्यांच्यातल्या गुणांचा उपयोग या देशाला होत असेल तर तो करुन घेतला पाहिजे. इंदिराजींवरही अनेक आरोप केले गेले. ते कधी सिद्ध झाले नाहीत. त्यांच्यातल्या धडाडीचा देशाला उपयोग झाला. निपक्षपातीपणे विचार करता येणे हे बहुसंख्य भारतीयांना कोणीतरी शिकवणे जरुरी आहे.

मला एक कळत नाही जातीय / धार्मिक दंगली काय फक्त गुजरातेत झाल्या काय? महाराष्ट्र, दिल्ली, पंजाब, काश्मीर, उत्तर प्रदेश इथल्या दंगलींचे काय? काश्मीरमधुन विस्थापित झालेल्या लाखाहुन अधिक काश्मीर पंडितांचे काय? त्यांची जी पद्धतशीरपणे हकालपट्टी झाली, दहशत माजवली गेली ती गुजरातपेक्षा खुपच भयानक होती. इथे नक्की कुठल्या गोष्टीचा विपर्यास केला जातो आहे ते कळत नाही. "मुस्लिमांना वेचुन मारा " अशी जोपर्यंत मोदींनी आज्ञा केली नसेल तोवर ते कसे काय दोषी ठरतात? यापेक्षा जहाल भाषेत वक्तव्ये आणि कॄती ठाकर्‍यांनी केली नव्हती काय? आणि तरीही त्यांना काही शिक्षा झाली नाही मग मोदी दोषी कसे? राजीव गांधींनीही इंदिरा गांधींच्या हत्येनंतर शीख शिरकाणासंदर्भात सूचक वक्तव्ये केली होती त्याबद्दल काय? महात्मा गांधींच्या हत्येनंतर ब्राह्म्णांची घरे जाळली गेली आणि त्यात नंतर मुख्यमंत्री झालेले एक दिग्गज गाढव नेते पण सहभागी होते. त्यांच्यावर तर खटलाही दाखल झाला नाही. असो.

अरेरे! काय हा अन्याय मोदी सारख्या सरळ साध्या माणसावर. लेख वाचून डोळे पाणावले.

आम्च्या हाकेला ओ देवून आले एकदाचे..

"हाता"वर "घड्याळ" आणि डोळे(डोके)बंद सचीनचा पंखा
नाद्खुळा

ह्या लेखाची प्रत काढून न्यायालात दिली पाहिजे न्यायमूर्तींचे हि डोळे पाणावतील

कुणाला पटो न पटो. आवडो न आवडो. पण मोदींना गोध्राचे ओझे कायमचेच वागवीत रहावे लागणार आहे.

जसे गांधींना ५५ कोटींचे आणि नेहेरूंना कश्मिरचे ओझे वागवीत रहावे लागत आहे.

यात खरे-खोटे, योग्य-अयोग्य याचा काहीही संबंध नाही.

>>> कुणाला पटो न पटो. आवडो न आवडो. पण मोदींना गोध्राचे ओझे कायमचेच वागवीत रहावे लागणार आहे.
जसे गांधींना ५५ कोटींचे आणि नेहेरूंना कश्मिरचे ओझे वागवीत रहावे लागत आहे.

गांधींचा ५५ कोटी प्रकरणात व नेहरूंचा काश्मिर प्रश्नाचा विचका करण्यात प्रत्यक्ष सहभाग होता. पण गुजरात दंगलीचा डाग विनाकारण मोदींवर लावला जात आहे आणि फक्त काँग्रेसी विचारांचे निधर्मांधच हा दोषारोप करतात. सर्वसामान्य जनतेचा या आरोपांवर विश्वास नाही व न्यायालयाने अनेकवेळा त्यांना निर्दोष जाहीर केलेले आहे. पण ५५ कोटी प्रकरणात व काश्मिर प्रश्नाचा विचका करण्यामध्ये गांधी-नेहरू नव्हते असे कोणीच म्हणत नाही कारण ती वस्तुस्थिती होती. मोदी प्रकरणात मात्र गोबेल्स तंत्राने खोटा प्रचार गेले १२ वर्षे रात्रंदिवस सुरू आहे. न्यायालयात अनेकवेळा उघडे पडूनसुद्धा काँग्रेसवाले कोडगेपणाने तोच प्रचार सुरू ठेवत आहेत.

स्वाध्वी प्रज्ञासिंग ह्याच्या विरुध्द कोणताही पुरावा न सापडल्यामुळे त्याना निर्दोष मुक्त करण्यात येइल असे त्यात म्हटले आहे.मग इतकी वर्ष सरकार आणि तपास यत्रंणा काय झक मारत होत्या काय?

>>> स्वाध्वी प्रज्ञासिंग ह्याच्या विरुध्द कोणताही पुरावा न सापडल्यामुळे त्याना निर्दोष मुक्त करण्यात येइल असे त्यात म्हटले आहे.मग इतकी वर्ष सरकार आणि तपास यत्रंणा काय झक मारत होत्या काय?

साध्वी प्रज्ञासिंग, कर्नल पुरोहित, असीमानंद व इतर ८-९ जणांविरूद्धचे आरोप पूर्ण राजकीय आरोप आहेत. त्यांच्याविरूद्ध कणभरही पुरावा नाही. ऑक्टोबर २००८ पासून हे सर्वजण तुरूंगात आहेत. आतापर्यंत महाराष्ट्र पोलिस, एटीस - १, एसआयटी, सीबीआय, एटीस - २ आणि एनआयए या सर्व तपाससंस्थांनी तपास करून कणभरही पुरावा तयार करता आलेला नाही. त्यामुळेच आजतगायत त्यांच्यावर आरोपपत्र दाखल केलेले नाही व आरोपपत्र नसल्यामुळे खटलाच सुरू होत नाही.

२००९ च्या लोकसभा निवडणुकीत भाजपला बॅकफूटवर ढकलण्यासाठी हिंदू संघटनांशी संबंधित असलेल्या या लोकांवर खोटे आरोप करून त्यांना गेली ५ वर्षे डांबून ठेवण्यात आले आहे. आजतगायत त्यांना जामीन दिलेला नाही.

पण फक्त हिंदु संघटनाना दडपण्यासाठी कॉग्रेस व सेक्युलर लोकानी स्वाध्वीना खोट्या आरोपाखाली अटक करुन त्याचा छ्ळ केला.निदान आता तरी त्याना लवकर तुंरुगातुन सोडवावे.

लेख आवडला हे वेगळे सांगायलाच नको.

गोध्रा मध्ये २७ फेब्रुवारी २००२ ला गाडी जाळण्यात आली, दुसर्‍या दिवशी धार्मिक दंगलीस सुरवात झाली. त्याच दिवशी म्हणजे २८ फेब्रुवारीस गुलबर्ग सोसायटी हिंसाचार घडला. परीस्थिती राज्यसरकारच्या हाताबाहेर जात आहे, हे पाहून त्याच दिवशी केंद्राकडे लष्करी मदतीसाठी मदत मागितली गेली. पण अहमदाबदेत स्थानिक लष्करी तळ नसल्याने, सर्व पूर्ण होऊन लष्कर तैनात होईस्तोवर एक मार्च म्हणजे पुढचा दिवस लागला.

१३ डिसेंबर २००१ रोजी संसदभवनावर हल्ला झाल्यानंतर भारतीय लष्कर भारत-पाकिस्तान सीमेवर, विशेषतः काश्मीरातील एल.ओ.सी आणि परिसरात तैनात होते.त्यामुळे तिथून लष्कर काढून गुजरातमध्ये आणेपर्यंत नक्कीच वेळ गेला. २००५ मध्ये रेडिफमध्ये Did Godhra save Pakistan? हा लेख आला होता. अर्थातच २००१-०२ मध्ये भारताने पाकिस्तानवर आरामात विजय मिळविला असता असल्या कल्पना लढविणार्‍यांपैकी मी नाही.पण या लेखातील बाकीचे मुद्दे नक्कीच विचार करण्यासारखे आहेत.

>>सर्व प्रथम दंगल झाली तेंव्हा मोदी हे सत्तेत येऊन केवळ दोनच महीने झाले होते.

आपण गुजरात दंगलींची तुलना अनेकवेळा १९८४च्या शीख विरोधी दंगलींशी केली आहे (असे स्मरते. आत्ता मी दुवे शोधत बसलो नाही). आपल्या मोदी-दोनच महिने झाले लॉजिकने पाहिले तर राजीव गांधी पंतप्रधान होऊन एक दिवसच झाला होता (किंवा तेवढाही झाला नव्हता).

बाकी चालू द्या.

अवांतरः २०१४ मध्ये जर मोदी नव्यानेच पंतप्रधान झाले त्यानंतर किती काळपर्यंत अप्रिय घटना घडल्यास "ते नवीनच आहेत" हा युक्तिवाद चालू शकेल?

धाग्याच्या विषयाशी संबंधित आजच्या लोकसत्तेतील एक लेख:

मोदींची प्रतिमासफेदी

राजस्थान, मध्य प्रदेश आणि झारखंडमधील भाजपच्या विजयानंतर भरधाव निघालेल्या मोदीरथाचा मार्ग गुजरातमधील महानगर दंडाधिकाऱ्यांनी गुजरात दंगलीप्रकरणी दिलेल्या निकालाने निष्कंटक झाल्याचे भासत असले, तरी वस्तुस्थिती तशी नाही. या निकालाने नरेंद्र मोदी यांना निर्दोषत्वाचे प्रमाणपत्र नक्कीच मिळाले आहे. त्यामुळे देशभरातील मोदी ब्रिगेडला हायसे वाटले असणार यात शंका नाही. राहता राहिला प्रश्न मोदींचे निकटवर्ती अमित शहा यांनी, त्यांच्या साहेबांकरिता एका तरुणीवर गुप्तहेरांकडून ठेवलेल्या पाळतीचा. या प्रकरणाची चौकशी करण्यासाठी केंद्रीय मंत्रिमंडळ न्यायालयीन आयोगाची स्थापना करणार आहे. पुढील तीन महिन्यांत त्या चौकशीचा अहवाल येईल. मोदींना त्याकडे दुर्लक्ष करून चालणार नाही. मोदी ब्रिगेडची गोष्ट वेगळी आहे. अहवालातून काहीही बाहेर आले तरी मोदीभक्तांच्या श्रद्धेमध्ये अणुमात्र फरक पडणार नाही. त्यांनी मोदींना केव्हाच पंतप्रधानपदावर बसवून टाकले आहे. पण आपल्या भक्तांचे प्रेम हे टीकाकारांवर समाजमाध्यमातून तुटून पडणे यापलीकडे फारसे उपयोगाचे नाही; ट्विटरवरील फॉलोअर्स आणि फेसबुकवरील लाइक्स यांची संख्या या जोरावर निवडणूक जिंकता येत नाही, हे जाणण्याची राजकीय शहाणीव मोदी यांच्याकडे निश्चितच आहे. निवडणुकीचे गणित जमवायचे तर त्यासाठी जाती, धर्म, वर्ग यांची समीकरणे जुळवावी लागतात, हे येथील राजकीय वास्तव आम आदमी पक्षाने दिल्लीत मोडीत काढले असले, तरी तो अजूनही अपवादच आहे. याची जाणीवही मोदी यांना नक्कीच असणार. गुजरात दंगल प्रकरणाच्या निकालानंतर त्यांनी लिहिलेल्या प्रदीर्घ लेखातून हीच जाणीव स्पष्ट दिसते. मोदी यांचा चेहरा विकासपुरुषाचा आहे. त्यास सर्वसमावेशकत्वाची रंगसफेदी करण्याचा प्रयत्न म्हणजे तो लेख आहे. लोकसभा निवडणुकीत रालोआला सर्वाधिक जागा मिळतील; परंतु पूर्ण बहुमत मिळेल अशी शक्यता सध्या तरी दृष्टिपथात नाही. अशा वेळी सत्तास्थापनेसाठी अन्य पक्षांकडून रसद घ्यावी लागणार आहे. त्याची तरतूद करण्याचा प्रयत्न म्हणजे तो लेख आहे. आपण दंगल प्रकरणाच्या अग्निपरीक्षेतून तावून सुलाखून बाहेर पडलो आहोत, हे या लेखाद्वारे अधोरेखित करून मोदींनी या संभाव्य मित्रपक्षांची सोय करून दिली आहे. उद्या वेळ आलीच तर त्यांना मोदींचा हात धरणे यामुळे सोपे होणार आहे. अर्थात या लेखामागे केवळ राजकीय-व्यापारी उद्देशच आहे असे म्हणणे हा मोदींवरील अन्याय ठरेल. गुजरात दंगलीतील िहसक वेडाचारामुळे आपण मुळापासून हादरलो होतो, ही जी भावना मोदी यांनी व्यक्त केली आहे त्याबद्दल शंका घेता येणार नाही. दंगलीबद्दल त्यांनी माफी मागितली नाही, अशी टीका आता केली जात आहे. परंतु त्याचे कारण स्पष्ट आहे. त्यांना माफीचे काही कारणच दिसले नाही. न्यायालयानेही तसा निर्वाळा दिला आहे. तेव्हा तशी अपेक्षा करणे चूक आहे. एक गोष्ट खरी, की या लेखात त्यांनी केलेले काही दावे वस्तुस्थितीशी विपरीत आहेत. दंगलग्रस्तांना मदत आणि पुनर्वसन करण्यासाठी साधी समिती नेमण्यातही मोदींचे सरकार चालढकल करीत होते आणि अखेर वाजपेयींना त्यात हस्तक्षेप करावा लागला होता, असे वृत्त गेल्या शनिवारीच ‘इंडियन एक्स्प्रेस’ने प्रसिद्ध केले होते. तेव्हा मोदी यांच्या शोकाकुल लेखाने भारावून जाण्याचेही कारण नाही. प्रतिमासंवर्धनाची सुंदर खेळी एवढाच त्या लेखाचा खरा अर्थ आहे.

पॉलिटिकल विचहंटींग सध्या दोन्ही बाजूने सुरू आहे आणि खरं सांगायचं तर ते अत्यंत कंटाळवाणं आणि बालीश आहे! असो. चालायचंच!

काँग्रेसची महती गाणारे, गांधी घराण्याचे स्तुतीपाठक, खंदे काँग्रेसभक्त बगैरे लोकांचे सध्या काही खरे नाही. एक तर आपची लाट नाहीतर मोदींची लाट. अशा लाटेत सोनियानिष्ठ गटांगळ्या खात आहेत. त्यामुळे त्यांना सध्याचे राजकारण बालिश आणि कंटाळवाणे वाटू लागले आहे. स्वाभाविकच आहे.

पॉलिटिकल विचहंटिंगची दुसरी बाजू कोणती? आता संबंधित लोकांनी अर्धवट विधाने करून पळ काढल्यामुळे आपणच अर्थ लावायचा. बहुधा सम्राटपदोत्सुक युबराज आदर्श प्रकरणी ज्या कोलांट्या उड्या मारून आदर्शचा अहवाल पुन्हा विचारात घ्यायला भाग पाडत आहेत त्या प्रकाराविषयी बोलत असावेत असे वाटते. किंवा काँग्रेसने आपला पाठिंबा देऊन आपण भ्रष्टाचार मुक्तीबाबत कसे खंबीर आहोत ते दाखवून दिले ते असेल. अर्थात ह्या दोन्ही बाबतीत काँग्रेसची बाजू इतकी केविलवाणी आणि तकलादू आहे की झाडूने कोळिष्टक झटकावे तसे ह्या मुद्द्यांचे खंडन करता येईल. ही वस्तुस्थिती लक्षात घेऊन अर्धवट विधाने करुन चर्चेतून सूंबाल्या करणे इतकेच इष्ट आहे हे संबंधित लोकांच्या लक्षात आले असावे.

अर्थात युवराजांचे चाळे हे त्यांच्या तीर्थरूपांच्या वरताण आली लहर केला कहर छापाचे आहेत. त्याला कुठला धरबंध नाही. राजकारणात अनुभव नसल्याने, लायकी नसताना अफाट सत्ता हातात मिळाल्यावर जे दुष्परिणाम होतात ते युवराज प्रात्यक्षिक करुन दाखवत आहेत. महाराष्ट्रातले काँग्रेसी आणि राष्ट्रवादीचे लोक खाजगीत बोलताना ह्या उपद्व्यापी बाळाच्या (महात्यागी) पूर्वजांचा साग्रसंगीत उद्धार करत असतील ह्यात शंकाच नाही!

पहिली गोष्ट काल दुपारी वरील प्रतिक्रीया दिली आणि त्यानंतर वीस तास मिपावर येणे जमले नाही, त्यामुळे प्रतिसाद देता आला नाही याचा अर्थ चर्चेतून पळ काढला आहे, सुंबाल्या केला आहे वगैरे घेतला जात असेल तर कीव करावीशी वाटते.

असो.

हिंदुत्त्व हा शब्द्द उच्चारल्यावर जसे विचहंटिंग होते तसेच सेक्युलॅरिझम शब्द उच्चारल्यावरही होते. नेहरूंची काश्मिरमधील भुमिका, गांधीजींची फाळणीविषयक भुमिका, शीख दंगली, मनमोहन सिंगाचे तशाकथित नाकर्तेपण (ज्याला जालावर तर षंढही म्हटले गेलेले पाहिले आहे) वगैरे अनेक विषयांवर असेच विचहंटिंग होताना दिसले आहे - दिसते आहे.

मात्र हल्ली दोन्ही बाजुने चाललेले विचहंटिंग अतिशय कंटाळवाणे व बालिश झाले आहे. 'पप्पू' काय? 'फेकू' काय? किंवा जरा मागे म्हटले गेलेले 'मौत का सौदागर' काय? कोणत्याही मुद्द्यांशिवाय फक्त पोकळ गुद्द्यांनी चाललेली ही धुळवड अतिशय रोचक आणि जबाबदार/समंजस कोणाला वाटत असेल तर वाटो बापडे! मला तरी हे कंटाळवाणे व बालिश वाटते आहे.

+१ विकासभौ बर्‍यापैकी सहमत.. पण ह्र्षिकेशभौनी वॅलिड्ड मुद्दा मांडलाय.. जल्ला न्यट्रल अशी प्रतिक्रियाच सहन होत नाहीये आजकाल बर्‍याच लोकांना. आजुबाजुला जरा मोदी-विरोध केला की देशद्रोह केल्यासारखं किंवा केजरीवालबद्दल काही विरोधी बोललं की भ्रष्टाचाराला समर्थन केल्यासारखं आततायी वर्तन पाहिलं की असं वाटतं की अशाप्रकारच्या समर्थकांमुळेच या नेत्यांचे जास्त नुकसान होतं आणि मग स्युडो-सेक्युलर किंवा दाम्भिक सामाजिक कार्यकर्ते म्हणवणार्‍यांचे फावते..

(अतिअवांतरः @गुरुजी, तुमचे बरेचसे प्रतिसाद उत्तम असतात परंतु एखाद्या विचारसरणी अथवा नेत्याबद्दल केवळ आणि केवळ समर्थन वा एकच बाजू मांडणे थोडे खटकते.. विकास यांच्या प्रतिक्रियांबद्दल संतुलित म्हणता येते परंतु तुमचे बहुतेक प्रतिसाद एकाच बाजुने आल्यासारखे वाटल्याने आवडले तरी खातरजमेशिवाय स्वीकार्य होत नाहीत.. पण असो.. )

क्लिंटन व विकास ...
आपले प्रतिसाद दिसतात. तांत्रिकदृष्ट्या ते अत्यंत अचूकही असतात.
संदर्भविहीन असे त्यात काही सापडणे कठीण.
एकूणात तुमची भूमिका बर्‍यापैकी प्रो-बीजेपी, निदान प्रो-मोदी दिसते.
तितकी नसली तरी निदान तुम्ही गुजरात-विकास , भारताला उपलब्ध असलेले सध्या खंबीर नेतृत्व म्हणजे मोदी ह्याकडे अंगुलीनिर्देश करता. शिवाय कुठल्या वृत्तपत्रानं कशी खोडसाळ बातमी मोदी किंवा आडवाणी ह्या हार्डलायनर्सना बदनाम करायला दिली हे सांगता.
हे पाहून मोदी (व पूर्वी आडवाणी) हे साधु सत्पुरुष व आत्यंतिक मवाळ वगैरे वाटू लागतात.
प्रेस इतकी लुच्ची वाटू लागते की "आता मला भूक लागली आहे" इतके सरळ विधान जरी ह्या द्वयांनी केले तरी खोडसाळ , प्रो-सेक्युलर, बिकाउ मिडिया "आता मला भूक लागली आहे, म्हणून मी मुस्लिमांना कच्च्चा खाणार आहे" अशी वार्तांकने देतात असे दिसते.
.
.
प्रामाणिक प्रश्न :-
त्यांना हार्ड लायनर्स मानले जाते, ही १००% न्यूज च्यानेल व वृत्तपत्रांची कृपा आहे का?
ह्यांनी खर्रच कधीच काही बोललेलं किंवा जमावाला उत्तेजित करणारं विधान्/कृती केलेलं नाही का?
.
.
अजून एक , फिरुन फिरुन "अमुक अमुक गुन्हा सिद्ध् होउ शकला नाही म्हणून...." वगैरे वगैरे किंवा "खुद्द कोर्टानंही म्हटलय ...." अशा लायनीवरचं तुमच्या लिखाणात दिसतं.
चला, तुम्ही म्हणताय तेही मान्य करुया. कोर्टानंही नि अमुक अमुक समित्यांनीही क्लीन चीट दिली आहे.
पण खुद्द मोदी फ्यान, संघ परिवाराचे समर्थक हे आपसात, खाजगीत काय बोलतात, फेसबुकवर मोदींना धो-धो पाठिंबा का मिळतो हे तुम्हाला दिसत नाहिये का?
नाही, तसं म्हणत नाहिये मी. " विकास करण्याची क्षमता" हा प्रचाराचा नि पाठिंब्याचा एक मुद्दा आहेच हो. त्याला ना नाहिच. पण बहुतांश कडवट (खरंतर हिंसक ) लोकं "मोदीजी मुस्लिमांना गप्प बसवतील. चांगली अद्दल घडवलिये त्यानी एकदा" अशा अर्थांचे स्टेटस अपडेट्स टाकतातच की (अशा टिपिकल फेसबुकीय लिंकामध्ये व गप्पांमध्ये "मुल्लोने ऐसा किया, वैसा किया" अशी बहसह असते.) ! "मोदी हे हिंदु रक्षक व म्हणूनच पर्यायाने मुस्लिम निर्दालक आहेत" हा सेक्युलर का स्यूडोसेक्युलरांनी केलेला प्रचार जसा आहे, तसाच मोदी फ्यान्सनाही त्यांची ती इमेज भावते. त्यांना स्वतःला तीच इमेज वापरुन पुढे येता आले आहे. त्यांच्या इतरत्र भाषणांतूनही हे दिसत नाही काय ?
(जुने भाषण : "हम पाँच हमारे पच्चीस " वगैरे.)
.
.
तस्मात्, मोदी वगैरेंच्या उग्रवादी चेहर्‍याचा मिडियावगैरे उगीच बागुलबुवा करते असे तुम्ही का म्हणता ते नक्की समजत नाही. स्वतः मोदिंना तीच इमेज आधी सोयीची गेली आहे; त्यांनी ती व्यवस्थित वापरली आहे.
.
.
शिवाय काहीही झालं की "८४च्याशीख दंगलीत नाहित का लोकं मारली गेली" हे समोरुन येणार काय आर्ग्युमेंट आहे?
म्हणजे "त्यांनी शंभरेक शीख मारले; आम्हाला पन्नासेक तरी मुस्लिम मारु द्या" (????!!!!) असं काही आर्ग्युमेंट आहे का राव हे?
शिवाय मोदी- बीजेपी समर्थकांकडून वारंवार हे ८४ चे दंगे व बोफोर्स चा उल्लेख होतो.
सलग सहा- साडे सहा वर्षे सत्तेतील प्रमुख भागीदार असताना बीजेपीने ह्यासंदर्बहत नक्की काय केलं ते मात्र फारसं वाचण्यात आलं नाही. त्याबद्दल कुणी अधिक माहिती दिलीत तर बरं होइल. किंवा सध्या त्या केसेस पुढे सरकलेल्या नाहित ह्या निरिक्षणावरून "खरेतर बीजेपीलाही ती प्रकरणे तपासव्यवस्थेमार्फत तडीस नेण्यात रस नाही " असा निष्कर्ष काढला तर काय चूक? (माझी माहिती आपणा इतकी सखोल नाही, जुजबी -सामान्य माहिती व छापील मिडियावर मी अवलंबून आहे. माहितीत दुरुस्ती केल्यास आभारी असेन.)
मी निक्षून पुन्हा सांगतो, विविध वेळी परिचयातील लोकांत कधी हापिसात चहाला किंवा कधी इतरत्र दोन-चार व्यक्ती भेटतात तेव्हा त्यांच्या बोलण्यात मोदिंचे कौतुक असते. ते "गुजरातचा विकास केला" ह्या मुद्द्यावर असतेच, पण "वेळ पडल्यास हा पुन्हा एकदा मुस्लिमांना कापून काढील" ह्याही सुरात असते. "मोदीने काहिच केले नाही, त्याच्यावर विनाकारण आरोप लावला गेलाय; बिचारा प्रामाणिक मोदी" असे खुद्द त्याचे फ्यान म्हणवणारेही म्हणत नाहित.
(तुम्ही म्हणता, पण तुमच्यासारखे लोक मला अत्यल्प वाटतात.)
.
.
तुम्हा मंडळींचा अभ्यास, मुद्दे मांडायची हातोटी ह्याबद्दल विलक्षण कौतुक व आदर आहेच.
अजूनही थोडेफार मुद्दे आहेत. मिपावर परतायला जमले की लिहीन.(साला मिपा अ‍ॅक्सेस मर्यादित झालाय.)
.
.
पुढील भाग विकास व क्लिंटान ह्यांना नाही,. इतर प्रो-बीजेपीवाल्यांना आहे.
"लोकं आता ते विसरुन गेलेत" ह्या मुद्द्याबद्दल आश्चर्य वाटतं.
ह्याचा सरळ अर्थ होतो की "हो केलेत दंगे. मारलेत हजारभर (का शेकडो. जे काही असेल ते) पण त्यात काय एवढं. द्या ना सोडून . आता ज्यानं तुमच्या घरच्यांना जिवंत जाळलं ना, त्यालाच पी एम करुया. तो तुम्हाला नि तुमच्या घरच्यांना छान छान जॉब देइल,. विकास करेल . "
अरे?
काय हे? ?
"ते विसरून जाउया " काय म्हणताय? म्हणजे "ते" काहीतरी घडलय ना?
तपास करा ना. आणि जो कोण असेल त्याला धरा ना.
"सोडून द्या" काय?
जो अगणित निरपराधांच्या म्रुत्यूस व त्याहून अधिकांच्या हलाखीस जबाबदार आहे, त्यास उरलेल्यांचे भले करण्याची क्षमता असेल तरी सत्ता द्यायची का? शिक्षा नको का? अरे काय बोलताय हे??

तुमचा प्रतिसाद क्लिंटन व विकास यांना उद्देशून आहे, पण काही मुद्दे पटण्यासारखे नाहीत त्यामुळे प्रतिक्रिया द्यावी वाटली.

त्यांना हार्ड लायनर्स मानले जाते, ही १००% न्यूज च्यानेल व वृत्तपत्रांची कृपा आहे का?

त्यांना हार्डलाइनर्स मानणे हि जरी १००% माध्यमांची कृपा नसली तरी त्यांना निगेटिव हार्डलाइनर्स बनवणे हा नक्कीच माध्यमांचा आहेर आहे. खालील काही प्रातिनिधिक बातम्या पहा, अगदी काहीही चर्चा करण्यासारखं किंवा वावगं नसताना माध्यमांनी यावर तासोनतास काथ्याकुट केलेला आहे.

१. एक कुत्ते का पिल्ला भी गाडी के नीचे आता है तो दु:ख होता है, दंगे तो बहूत बडी बात है.
२. (पत्रकाराने विचारलेल्या प्रश्नाला उत्तर देताना)मै एक हिंदू हुं, मै एक राष्ट्रभक्त हुं, इसलिये मै हिंदू राष्ट्रवादी हुं!
३. इरफान पठाण मोदींच्या मंचावर उपस्थित राहिल्यानन्तरची बातमी.
४. गोध्रा शहरातल्या एखाद्या झोपडपट्टीतील मुस्लिम वस्तीत जाऊन विकास झाला नसल्याची बातमी (विशेषकरून मुस्लीम लोकांना प्रश्न विचारून).

मला वाटते कोणालाच मोदींना/अडवानींना साधू किंवा मवाळ सिद्ध करायची हौस/गरज नसावी. म्हणणं एवढंच आहे कि, तेही देशातील इतर नेत्यांसारखेच आहेत फक्त त्यांनी इतरांपेक्षा जास्त विकास करून दाखवला आहे. मग त्यांच्यावर वर नमूद केलेल्या गोष्टींसारख्या गोष्टींवर आगपाखड का?

ह्यांनी खर्रच कधीच काही बोललेलं किंवा जमावाला उत्तेजित करणारं विधान्/कृती केलेलं नाही का?

उदाहरणार्थ?

पण बहुतांश कडवट (खरंतर हिंसक ) लोकं "मोदीजी मुस्लिमांना गप्प बसवतील. चांगली अद्दल घडवलिये त्यानी एकदा" अशा अर्थांचे स्टेटस अपडेट्स टाकतातच की (अशा टिपिकल फेसबुकीय लिंकामध्ये व गप्पांमध्ये "मुल्लोने ऐसा किया, वैसा किया" अशी बहसह असते.) ! "मोदी हे हिंदु रक्षक व म्हणूनच पर्यायाने मुस्लिम निर्दालक आहेत" हा सेक्युलर का स्यूडोसेक्युलरांनी केलेला प्रचार जसा आहे, तसाच मोदी फ्यान्सनाही त्यांची ती इमेज भावते.

एकतर कदाचित मी फेसबुकवर तुमच्याइतका अक्टीव नसेन किंवा तुम्ही चुकीच्या पानांवर भेट देत आहात. मला प्रमाण उलटे वाटते. आणि कोणाला दंगलीच्या असुरक्षिततेतून तसे वाटत असेल तर त्यात गैर काय? ही असुरक्षितता काय मोदिंनी निर्माण केली आहे काय? कि त्यातून असे सिद्ध होते कि "त्या" लोकांना मोदी उरलेल्या धर्माच्या लोकांना भारताबाहेर काढतील आणि आपलं संरक्षण करतील असे वाटते आहे किंवा अशी त्यांची इच्छा आहे? मला वाटते अ‍ॅन्टीमोदी असल्यावर वरील मुद्दे जास्त दिसतात. कारण अद्दल खरंच घडली नाहीये का? ती फक्त मुस्लिमांनाच कशाला घडायला हवी? दंगलीत मेलेल्या हिंदुना घडली नाहीये का?

शिवाय काहीही झालं की "८४च्याशीख दंगलीत नाहित का लोकं मारली गेली" हे समोरुन येणार काय आर्ग्युमेंट आहे?
म्हणजे "त्यांनी शंभरेक शीख मारले; आम्हाला पन्नासेक तरी मुस्लिम मारु द्या" (????!!!!) असं काही आर्ग्युमेंट आहे का राव हे?

मन१ - बहुतेक तुम्हाला दंगलीच्या तुलनेचा मुद्दा कळला नसावा. हि तुलना त्यांनी एवढे मारले तर आमचे एवढे माफ करा अशी नाहीये. मुद्दा साधा सरळ आहे कि गुजरात दंगल हि काही भारतातील एकमेव दंगल नाही कि ज्यात कुठल्या एका धर्माचे लोक मारले गेले. जर आधीच्या किंवा नंतरच्या दंगलीच्या वेळचे शासक "मौत के सौदागर" नव्हते तर मग एकदम मोदीच कसे काय तसे? आणि इतर शासक पंतप्रधान होऊ शकतात तर मोदी का नाही? शिवाय काहीही झालं तरी गुजरात दंगलीचा दाखला देणं हे तरी "काय अर्ग्युमेंट आहे" का याचा निपक्षपातीपणे विचार करणार का?

"लोकं आता ते विसरुन गेलेत" ह्या मुद्द्याबद्दल आश्चर्य वाटतं.
ह्याचा सरळ अर्थ होतो की "हो केलेत दंगे. मारलेत हजारभर (का शेकडो. जे काही असेल ते) पण त्यात काय एवढं. द्या ना सोडून . आता ज्यानं तुमच्या घरच्यांना जिवंत जाळलं ना, त्यालाच पी एम करुया. तो तुम्हाला नि तुमच्या घरच्यांना छान छान जॉब देइल,. विकास करेल . "

अत्यंत हास्यास्पद आहे हे विधान. कोणी कुणाला जाळलं? कोणी केल्या दंगली? "ते" नेमकं का घडलं? कोण तुम्हाला काय विसरायला सांगतंय? तुम्हाला न्यायव्यवस्थेवर (तेही सत्ताधारी कॉंग्रेस असताना) विश्वास आहे का? कुठल्या आधारावर तुमचे हे विधान आहे? कमीत कमी प्रस्तुत लेखात लेखकाने जे पुराव्यानिशी मांडले आहे ते तरी खोडून काढा. गुजरातचे लोक ज्यांनी दंगली जवळून पाहिल्या/अनुभवल्या (दोन्ही हिंदू आणि मुस्लिम) ते एक वेळ भावनेच्या आहारी जाऊन मोदींना बहुमत देतील, दोन वेळेला देतील,तिसऱ्या वेळीही तेच? कि एकदा अ‍ॅन्टीमोडी चष्मा लावला कि बाकी सगळं गौन? दर २-३ वर्षांनी होरपळणारा गुजरात गेल्या १२ वर्षांत शांत आहे ह्याबद्दल काय मत आहे तुमचे? फक्त गुजरात दंगलीबाबतच तुमची ही मतं का? माध्यमांना हाताशी धरून कॉंग्रेसने केलेल्या अपप्रचाराला तुम्ही बळी पडलेले नाहीत हे कशावरून? कधीतरी गुजरात दंगल, मोदींचा संबंध, प्रचार आणि अपप्रचार, मोदींची गुजरातमधील दंगलीनंतरची १२ वर्षाची कारकीर्द आणि देशाला असलेली खंबीर नेतृत्वाची गरज याचा एकत्रितपणे निपक्षपातीपणे विचार करू शकाल काय?

जो अगणित निरपराधांच्या म्रुत्यूस व त्याहून अधिकांच्या हलाखीस जबाबदार आहे, त्यास उरलेल्यांचे भले करण्याची क्षमता असेल तरी सत्ता द्यायची का? शिक्षा नको का? अरे काय बोलताय हे??

अगदी हेच म्हणणं आहे. द्याना त्यांना शिक्षा! करू द्याना न्यायव्यवस्थेला निर्णय! तुम्ही स्वतः न्यायाधीश कुठल्या आधारावर होताय? जर तुमच्याकडे "अगणित" (हे अजून एक अ‍ॅन्टीमोदींचे लक्षण, आहे त्या पेक्षा प्रमाण वाढवले कि गुजरात दंगल इतिहासातील सर्वात काळी दंगल ठरते) मृत्यूंचे आणि त्याला कोण कारणीभूत आहे याचे काही पुरावे असतील तर द्या ते आणि मदत करा ना गुन्हेगाराला शिक्षा व्हायला (जेवढ्या ठामपणे तुम्ही वरील विधान करताय त्याअर्थी तुमच्याकडे नक्कीच पुरावा असणार)!

शेवटी तुमची प्रतिक्रिया वाचून मलाही फक्त एवढेच वाटते - "अरे काय हे?" "अरे काय बोलताय हे?"

कुठल्याही पदावरील व्यक्ती आपल्या कर्तव्यांना चुकली अशा आरोपाखाली जर नि:पक्ष व परिणामकारक चौकशी व्हायची असेल तर ती व्यक्ती चौकशीच्या काळापुरती त्या पदावरून बाजूला केली जावी लागते. जर आरोप गंभीर असतील अन ती व्यक्ती पुरावे नष्ट करू शकेल अन साक्षीदारांच्या साक्षी साम-दाम-दंड-भेद यांच्या आधारे स्वतःच्या सोयीनुसार बदलून घेण्याची शक्यता दिसत असेल तर त्या व्यक्तीला तुरुंगात ठेवले जाते.

आता गुजरातमधील हिंसाचाराच्या काळापासून एकच व्यक्ती मुख्यमंत्री पदावर आहे. ज्या अधिकाऱ्यांनी त्या व्यक्तीविरुद्ध पुरावे जतन करून ठेवायचे आहेत व न्यायालयात साक्षी द्यायच्या आहेत ते सर्व जर त्या व्यक्तीच्याच हाताखाली काम करणार असतील तर त्या व्यक्तीवरील आरोप न्यायालयात सिद्ध करणे अशक्य आहे.

आता गुजरातच्या मुख्यमंत्र्यांची याबाबतीतल्या कामगिरीचे मूल्यमापन हे व्यक्तिसापेक्ष असणार.

कुणासाठी हजार अकराशे लोक मारले जाणे व त्याविरुद्ध काही करण्यात राज्य सरकार फारसे काही करू न शकणे ही किरकोळ बाब असू शकते व कुणासाठी अतिशय गंभीर.

किमान भारताचे सध्याचे पंतप्रधान व त्यांच्या अगोदरचे पंतप्रधान यांनी या कामगिरीवरील आपले असमाधान अनुक्रमे स्पष्टपणे व संदिग्धपणे बोलून दाखवले आहे. पंतप्रधानपदी असणाऱ्या व्यक्तींची यावरची मते देशासाठी फार महत्त्वाची आहेत असे मला वाटते.

आप आणि केजरीवाल याना मिडियात मिळनारी अवास्तव प्रसिद्धी आणि मोठ्या प्रमाणात कॉर्पोरेट क्षेत्रातिल आकर्शित होत असलेले दिग्गज इत्यादि स्थिती पाहुन वर मोदी व भाजप ची मते फोडुन कोन्ग्रेस विरोधी मतविभाजन करुन भाजप ला सत्तेपासुन रोखण्यासाठी ही चाल आहे

मोदीन्च्या वाढत्या प्रभावाने गळितगात्र झालेल्या सोनिया बाइना व्हॅटिकन मधुन सुचना आली की तुम्ही मोदीना रोखण्यासाठी केजरीवाल याना पाठिम्बा द्यावा. त्यामुळे आपोआप मिडिया चा रोख मोदी वरुन केजरीवाल आणि आप कडे वळेल . लोक्सभा निवडणुका होइपर्यन्त पाठिम्बा चालू ठेवा ,नन्तर कधिही ते आपचे सरकार कोसळवता येइल.

मनमोहनसिंग यांची पत्रकार परिषद काही दिवसांपूर्वी पार पडली. त्यात पंतप्रधान म्हणून एक प्रामाणिक निवेदन ऐकायला मिळेल असे वाटले होते. पण एका सच्च्या काँग्रेसनिष्ठाप्रमाणे गांधी घराण्याला कडक सलाम आणि मोदींवर बेताल दुगाण्या असे अजब वक्तव्य ऐकायला मिळाले.
कोर्टाने आजच्या घडीला तरी मोदींना निर्दोष ठरवले आहे वगैरे कंटाळवाणे आणि बालिश तपशील विसरून ह्या उताराला लागलेल्या माणसाने मोदींनी जातीने दंगली घडवून आणल्या आणि ते पंतप्रधान बनले तर देशाचे वाटोळे होईल अशी शापवाणी उच्चारली. थोडक्यात ह्या काथ्याकूटाचा विषय विचहंटिंग, त्याचीच री ओढली आहे. काँग्रेसने शिखांच्या शिरकाणात जातीने भाग घेतला त्याचे काय? का फक्त मुस्लिमांविरुद्ध दंगली करणे हे शिखाविरुद्ध दंगली करण्यापेक्षा जास्त वाईट आहे असे काही मतपेढीनिष्ठ तर्कट आहे?

हे करत असताना लाडक्या युवराज राहुलबा़ळाला पंतप्रधानपदाकरता सर्वथा योग्य असल्याचे प्रशस्तीपत्रक दिले. ते कशाच्या आधारावर? जो अजाण बालक पंतप्रधान व मंत्रीमंडळाचा निर्णय फाडून कचर्याच्या टोपलीत फेका असे बेताल बडबडतो, पक्षाचा उपाध्यक्ष असताना त्याविषयी पक्षाच्या लोकांशी विचारविनिमय करण्याच्या भानगडीत पडत नाही तो माणूस देशाचा कारभार हाकण्याकरता सुयोग्य?
ह्या व्यासपीठावरही मनमोहनसिंगाचे एक उत्कृष्ट अर्थतज्ञ वगैरे गुणगान केले गेले आहे. पण त्याचा काही उजेड देशाच्या कारभारावर पडलेला दिसत नाही. गांधी घराण्याच्या योग्य त्या व्यक्तीच्या चरणावर पगडी ठेवून आपली निष्ठा वेळोवेळी व्यक्त करणे आणि बाकी दगडी, निर्विकार चेहरा घेऊन मिरवणे इतकेच कर्तृत्व दिसते.
लोकांना आपलेसे करणारे वक्तृत्व नाही, पत्रकारांशी संवाद साधून आपली भूमिका मांडायचा प्रांजळपणा नाही, (गेल्या दहा वर्षात एका हातावर मोजता येतील इतक्याच पत्रकार परिषदा!) आणि जर काही तत्त्वनिष्ठा असेल तर त्याकरता पंतप्रधानपदाचा राजीनामा द्यायचीही धमक नाही, भ्रष्टाचाराची इतकी प्रकरणे होत असताना त्यावर कारवाई करण्याची हिंमत नाही.
एकंदरीत एक अत्यंत नालायक पंतप्रधान अशीच इतिहास ह्या माणसाची नोंद करेल अशी खात्री आहे. पुन्हा असला माणूस भारताच्या नशिबी येऊ नये. एकवेळ युवराज सम्राट बनले तर चालतील पण असला यंत्रमानव नको.

पब्लिकनं इतकी आवर्जून दखल घेतल्याबद्दल आभार. अगदि माझ्या लिखाणातली तुम्हाला वाटणारी चूक दाखवण्यासाठीही मला कन्सिडर केलत, हे महत्वाचं.
मूळ शंका ही "मोदी" ह्या विषयाबद्दल नव्हती. तो थोडासा अस्पष्ट विषय ठरेल.
"मोदींबद्दल विकास व क्लिंटन अमुक भूमिका का घेतात" ह्यापुरत्याच त्या शंका आहेत.
त्यामुळे मी तेवढ्याबद्दल बोलतो. पूर्ण राजकिय कॅनव्हास मला झेपणेबल वाटत नाही.
.
.
@क्लिंटन :-
कोणतीही राजकीय भूमिका न मांडता हे वाक्य फारसे समजले नाही.
मला सरळ एखादा राजकिय स्टँड घेण्यात काहीही चूक वाटत नाही. उमेदवार क्र १ व उमेद्वार क२ ह्यांच्या नुसत्या फायद्या तोट्यांबद्दल बोलायचं आणी शांत बसायचं ही झाली एक पद्धत. पण उमेदवार क्र१ हा उमेदवार क्र२ ह्यांच्यापेक्षा चाम्गला वाटत असेल तर सरळ तसे सांगणे ह्यात चूक काहिच नाही. उलट असा स्पष्ट स्टँड असणे इष्ट वाटते.
भाजीप (भारतीय जीना पक्ष) म्हटले होते
राइट. ह्यामुळेच काही प्रश्न होते.
.
.

@विकास
हे "guiilt by association"चे एकदम चपखल उदाहरण आहे. आधी मोदींना नावे ठेवायची मग कोणी जर कोणी त्यांच्या बाजूने बोलले तर त्यांनापण हार्डलायनर रॅडीकल बोलायचे. आता येथे उलटे... तुम्हाला माहीत असलेले मोदी समर्थक फेसबुकवर आणि खाजगीत वाट्टेल ते बोलतात म्हणून मग मोदी वाईट
हम्म. बरोबर आहे. dealign करणे जरुरी आहे.मान्य.
पण एकदा का ती दंगल २००२ च्या वेळच्या आटोक्यात आल्यानंतर कितीवेळा दंगली झाल्या अथवा कितीवेळेस अगदी किरकोळ देखील धार्मिकतेवरून गडबडी झाल्या?
माझ्या माहितीत अशा दंगली मोठ्या स्केलवर झालेल्या ऐकण्यात-वाचण्यात नाहित.
.
.
मोदींनी नक्की दंगल आटोक्यात आणायला काय काय केले आहे हे आता संदर्भासहीत कोर्टात सिद्ध झाले आहे.
हे मान्य. पूर्ण मान्य. पण शंका अशी की दरवेळी कोर्टाकडे पहाणं भाग पडतं. जर फक्त कोर्टाचे गणित लक्षात घेतले, तर खूपशा गोष्टी कोर्टात शिद्ध झालेल्या नाहित. फार फार थोड्या राजकारण्यांना सजा झालेल्या आहेत. कित्येकजण निर्दोष सिद्ध झालेत. हे मी मोदिंबद्दल म्हणत नाहिये. इतर कित्येकजण अगदि मुलायम-मायावती ते जयललिता.... सारे सारे कैक केसे मध्ये मुक्त झालेत . कोर्टानं ज्या राजकारण्यांविरुद्ध निकाल दिले असे बिग शॉट्स मला माहित असलेले म्हणजे इंदिरा गांधी (निवडणोक गैरव्यवहार) , नंतर नरसिंह राव ह्यांना न्या. अजित भरिहोक ह्यांनी सश्रम कारावास ठोठावला. पण वरच्या कोर्टाने तोही निकाल फिरवला. ह्याव्यतिरिक्त अनेकानेक लोकांवर अनेकानेक आरोप झाले. सिद्ध काहिच नाही.(युती सरकारच्या काळात घोटाळ्यांचा विक्रम झाला होता म्हणतात. पण फक्त तसे म्हणतच राहते पब्लिक. प्रत्यक्षात कोर्टात कोणतेच प्रकरण पुढे अजत नाही. फार तर नेते मंडळी राज्यस्तरावर राजीनामा देउन राष्ट्रिय स्तरावर निवडून येतात. मनोहर जोशींपासून अनेक उदाहरणे आहेत.)
म्हणजे कोर्टाच्या हिशेबाने आख्ख्या भारतात पाच-सात किंवा फार तर अजून थोडीफार मंडळीच काय ती भ्रष्ट आहेत.
बरं, समस्या अशी होते की कोर्टाचे निर्णय अतिरेकी संथगतीने चालतात(व्यक्ती म्रुत होइस्तोवर आणि मग फाइअल बंद होते.) म्हणून फक्त आरोप खरे धरायचे तर कोण व्यक्ती कोणावर कसले आरोप करेल ह्याला काही धरबंध नाही.
राजकिय मतं बनवताना आम पब्लिकचा हा लोच्या होतो.
ह्या केसमध्ये त्यातही मोदिंची बाजू फारच बिनचूक असावी असं दिसतं ; कारण खुद्द केंद्रातील सत्ताधारी मंडळी टार्गेट केल्यासारखी हात धुवून मागे लागला होती. पण नहेमीच राजकीय गोष्टींचा विचार करायचा झाला तर कसा करावा हेच कळेनासे होते, हे त्या निमित्ताने आठवले, जरा अवांतर होत असले तरी इथे टंकले.
बाकी आपली भूमिका पुनश्च स्पष्ट झाली , आभार.
.
.
.
@क्लिंटन पार्ट २ :-
२००४ मध्ये मिडियामध्ये जयेंद्र सरस्वती प्रकरणाचे चर्वितचर्वण किती तास चालू होते आणि निर्दोष मुक्तता झाल्यानंतर त्या बातमीला किती कव्हरेज मिळाले
यप्स. ह्या प्रकाराचे आश्चर्य वाटले.मला वाटते साध्वी प्रज्ञासिंग ह्यांच्यावरील चार्जशीटाही परत घेतली जात आहे. (किंवा अद्याप घेतली नसली तरी गुन्हा सिद्ध होण्यापूर्वी "भगवा दहशतवाद" नामाक कॉन्स्पिरसी खुद्द केंद्रिय गृहमंत्री बोलत होते.)
मिडियाचय भूमिकेबद्दल शंका आहेच.
.
.
शेवटी आपल्या राज्यपध्दतीत आपल्यापुढील पर्याय आहेत त्यापैकी आपल्या मते सर्वात चांगला (किंवा कमी वाईट) पर्याय निवडण्याव्यतिरिक्त आपण फारसे काही करू शकत नाही.त्या दृष्टीने माझा पाठिंबा आज मोदींना आहे. आजही माझ्या अपेक्षांमध्ये मोदींपेक्षा अधिक फिट बसणारा आणि पंतप्रधान व्हायची थोडी तरी शक्यता असलेला नेता पुढे आल्यास त्याला पाठिंबा द्यायला माझी एक मतदार म्हणून अजिबात ना नाही.
हा मुद्दा व मनमोहन विरुद्ध अडवाणी , मनमोहन विरुद्ध मोदी ह्या तुलनेत आपण कुणाला निवडता ह्याबद्दलच्या मतांमुळे भूमिका स्पष्त झाली. ती इतकी स्पष्ट आहे, की आता अधिक प्रश्न नाहित. कधी पडलेच, तर नक्कीच लिहीन.
.
.
क्लिंटन पार्ट ३ :-
वाजपेयी सरकारने १९९९ मध्ये १९८४ च्या दंगलींची चौकशी करायला निवृत्त न्यायाधीशांच्या अध्यक्षतेखाली (बहुदा त्यांचे नाव नानावटी होते) आयोग नेमला होता. माहितीपूर्ण. आभार.
.
.
बाकी, हतोळकर, श्री गुरुजी आणि ह्या उपचर्चेतील इतर सर्वच मंडळिंचे प्रतिसाद वाचलेत. पण आता सध्या हरेकास उपप्रतिसाद देणे जमत नाहिये. लवकर परतण्याचा प्रयत्न करेन. त्यावेळी चर्चा ताजी असेल तर ह्यात अधिक भर घालेन.

@क्लिंटन & others :-
वरील काय्दा- न्यायालय ह्याविषयीची शंका फक्त विकास ह्यांना नाही. इतरही सर्वांनीच "विचार कसा करावा " हे सांगितलं तर बरं होइल. किंवा प्रत्येकानं तो/ती स्वतः विचार कसा करतो/करते हे सांगावं(हे अवांतर आहे. मोदी-गोध्रा वगरिए पुरतं नाही.). प्रश्न प्रामाणिकपणे विचारत आहे :- न्यायालयानं शिक्षा ठोठावली तर गुन्हेगार हे नक्कीच. पण मुळात भारतात केसेस निकाली लागण्याचं प्रमाण अल्प नव्हे नगण्य आहे. त्यातही राजकिय किंवा प्रभावशाली मंडळींना काही शिक्षा होत नाहित काही अल्प केसेस वगळता असा अनुभव आहे. आता ह्या परिस्थितीत, ह्या पार्श्वभूमीवर विचार कसा करावा? तुम्ही लोकं कसा करता?

आजची बातमी:

गुजरातमधील २००२ साली झालेल्या दंगलीसंदर्भात SIT ने श्री. मोदींना निर्दोषी ठरवले होते. त्या निर्णयाची तपासणी केली जावी असा अर्ज दाखल करून घेण्यास आज सुप्रीम कोर्टाने नकार दिला.

तसेच सुप्रीम कोर्टाच्या वरीष्ठ न्यायाधीशांचा (ज्यामध्ये 'अल्पसंख्याकांतील एक व्यक्ति असावी') समावेश असलेली नवी SIT बनवण्यासही सुप्रीम कोर्टाने ह्यावेळी नकार दिला.

>>>> गुजरातमधील २००२ साली झालेल्या दंगलीसंदर्भात SIT ने श्री. मोदींना निर्दोषी ठरवले होते. त्या निर्णयाची तपासणी केली जावी असा अर्ज दाखल करून घेण्यास आज सुप्रीम कोर्टाने नकार दिला.

>>> तसेच सुप्रीम कोर्टाच्या वरीष्ठ न्यायाधीशांचा (ज्यामध्ये 'अल्पसंख्याकांतील एक व्यक्ति असावी') समावेश असलेली नवी SIT बनवण्यासही सुप्रीम कोर्टाने ह्यावेळी नकार दिला.

सत्यमेव जयते!