नमस्कार , मि.पा.कर ,
कालच मला मे महिन्यचे विजेचे बील आले , फक्त ६५००/- रुपये ! घरी ए सी वगैरे नाहिये, इस्त्री बाहेरुन करुन घेतो,उन्हाळा असल्याने गिझर चा वापर पण नाहिये!
ह्यांचे लोक बिले पण उशिरानेच देतात की जेणेकरून आपण दण्ड भरावा !
याबाबत त्यांना देण्यात येणारा अर्ज मुद्दाम पुढे देत आहे.
आपल्यापैकी कुणाचाही या बाबत असाच किंवा वेगळा अनुभव असल्यास / याबाबत कुठे तक्रार केल्यास ताबडतोब प्रतिसाद मिळेल हे माहीत असल्यास मला जरा कळविणे ही विनंती ! मला हा अर्ज उद्याच द्यायचा आहे.म्हणून शक्य असल्यास आजच ही माहिती मिळाली तर बरे होईल.
-------------------------------------------------------------
प्रति :
व्यवस्थापक,
महाराष्ट्र स्टेट इलेक्ट्रिसिटी डिस्ट्रिब्यूशन कंपनी ली.
विषय : ग्राहक क्रमांक 000019224562 - अवाजवी आणि चुकीचे देयक आणि मुद्दाम उशीरा देण्यात येणारी देयके
महोदय / महोदया,
मी उदय गंगाधर सप्रे - रहाणार पांचपाखाडी-ठाणे पश्चिम , आपल्या निदर्शनास आणू इच्छितो की माझे मे महिन्यासाठीचे देयक हे 985 युनिट इतके दाखवण्यात आले आहे आणि त्यामुळे माझे नाहेमीचे बील जे 252 युनिट असते त्या ऐवजी मला या महिन्यात 6500/- रुपये इतके भरमसाठ डेयक लावण्यात आले आहें माझे मार्च महिन्यातील वापर युनिट 252 होते ते एप्रिल महिन्यात एकदम 319 दाखविण्यात आले होते , ही पण वास्तविक चूकच आहे.याखेरीज , आपली सर्वा देयके देय तारखेच्या नेहेमी नंतरच मुद्दाम आमच्या सोसायटीत पोस्ट बॉक्स मधे टाकण्यात येतात , जेणेकरून आमची काहीही चूक नसताना आम्हाला नाहक दन्ड भरावा लागतो.
या लेखी तक्रारीद्वारे मी आपणास अशी विनंती करतो की आपण ताबडतोब संबंधित कर्मचारी वर्गाला योग्य ती समाज द्यावी आणि माझे देयक माझ्या मार्च महिन्याच्या देयकाइतकेदुरूस्त करून मला ताबडतोब द्यावे आणि जी काही चुकी असेल ती दुरुस्तकरावी , तसेच हे देयक आपल्या लोकान्कडूनच उशीरा देण्यात आल्यामुळे त्यावर एकही रुपया दन्ड ना आकारता धनादेशाद्वारे भरण्याचे आदेश . नवे देयक द्यावे.देयक ५ जून पूर्वी भरायचे होते आणि आम्हाला ते काल म्हणजे ११ तारखेला मिळाले , रक्कम ६५००/- एव्हढी जास्त दाखवली गेली आहे त्यामुळे दंडही ५०/- आहे , देयक १९ पूर्वी भरायचे आहे ! १९ जून नंतर भरल्यास ६५९०/- भरावे लागतील !
आपण स्वत: या गोष्टीची खातरजमा करून घेऊ शकता की मी माझे बील नेहेमी बिल-पे या सेवेद्वारे एच.डी.एफ.सी.बॅन्के मधून भरत असतो.खेरीज या मागील महिन्यात अगदी वातानुकूलीत यन्त्र वगैरे बसविले तरी पण 985 युनीट इतकी वीज वापरली जाणे अशक्य आहे. आमच्या घरी हे यन्त्र नाही, खेरीज उन्हाळ्यामुळे आम्ही गीझर पण वापरात नाही आहोत.इस्त्री बाहेरून करून घेतो , मग एव्हढे हे बील येईलच कुठून आणि कसे?
या आधी पण आम्ही उशीरा देयके देण्याबाबत ई मेल द्वारे कळविले होते , पण त्याची ही काही दाखल घेतली गेलेली दिसत नाही.आपला दूरध्वनी १५८२९३९० हा बर्‍याच वेळा वाजून पन कुणीही उचलत नाही, आणि बर्‍याच वेळा "आपके द्वारा डायल किया गया नंबर इस समय व्यस्त है, कृपया थोडी देर बाद दुबारा डायल करें" असा आवाज येतो ! ई मेल ला तर कधीही उत्तर मिळत नाही !
ह्याच तक्रारीची एक प्रत (सहीशिवाय-कारण ही संगणकीकृत प्रत आहे !) ई मेल नी पाठवत आहे , आता तरी त्यावर काही प्रतिसाद मिळावा ही अपेक्षा !
याबाबत आपण त्वरीत योग्य ती कारवाई करावी आणि तसे आम्हाला कळवावे ही विनंती.
कळावे ,
आपला विनम्र ,
उदय गंगाधर सप्रे,
8, मणिपुष्प ,
सरस्वती इंग्रजी शाळेसमोर,
पांचपाखाडी,ठाणे(पश्चिम),
भ्रमणध्वनी : 97571 04373
प्रतिक्रिया
12 Jun 2009 - 12:32 pm | अवलिया
प्रति,
उदय गंगाधर सप्रे,
8, मणिपुष्प ,
सरस्वती इंग्रजी शाळेसमोर,
पांचपाखाडी,ठाणे(पश्चिम),
विषय - ग्राहक क्रमांक 000019224562 - अवाजवी आणि चुकीचे देयक आणि मुद्दाम उशीरा देण्यात येणारी देयके
आपले यासंबधीचा तक्रार अर्ज मिळाला. परंतु या तक्रार अर्जासोबत शेवटच्या आलेल्या बिलाच्या रकमेचा भरणा केल्याची पावती न जोडल्याने आपला अर्ज फेटाळला जात आहे. तरी कृपया पुर्ण बिलाची रक्कम भरुन त्यानंतर पुन्हा अर्ज करावा ही सुचना.
कळावे,
महाराष्ट्र स्टेट इलेक्ट्रिसिटी डिस्ट्रिब्यूशन कंपनी ली. करिता
व्यवस्थापकांचा स्वीय सहायक
(पत्राचे उत्तर)
*****
ओ....पहिले बील भरा हो मग बोला काय ते....
(कानात काडी कोरत फोनवर बसलेला एमेशीबीचा माणुस)
****
ते पठाण साहेबांकडे जा.... बसा जरा वेळ चा प्यायला गेलेत... येतीलच आता.... (प्रत्यक्ष कार्यालयात गेलात तर....)
****
:)
--अवलिया
तुझे भास फ़ेनफ़ुले, ओंजळ ही माझी रिक्त
खारवले स्वप्न माझे , नि आसवेही अव्यक्त
सौजन्य - प्राजु
12 Jun 2009 - 11:04 pm | पिवळा डांबिस
मजेशीर लेख आणि त्यावर अवलियाची प्रतिक्रियाही इरसाल!!:)
अहो सप्रेसायेब,
जाउद्या, दुर्लक्ष करा बिलाकडे! करून करून काय करतील एमेसीबीवाले? फारतर लाईन कट करतील ना? गेले तेल लावत!!!
आपल्या बाजी पासलकरांकडे आणि कान्होजी जेध्यांकडे कुठे होती वीज? पण त्यावाचून काय अडलं का त्यांचं?:)
(ह. घ्या)
सिरियसली - मला वाटतं आधी बील भरावं लागेल, त्याशिवाय ते लोकं तक्रारीची दखल घेत नाहीत (माझ्या पूर्वी पहाण्यात आलेल्या केसनुसार!) गुड लक.
12 Jun 2009 - 12:33 pm | मराठमोळा
जोड्यानं बडवलं पाहिजे ह्या एम एस ई बी च्या निष्क्रिय आणी भ्रष्ट लोकांना. दुरसंचार, बँक, विमा प्रमाणेच ह्या सेक्टर (मराठी शब्द?) चे सुद्धा खाजगीकरण लवकरात लवकर झाले पाहिजे भारतात. स्पर्धा करायला कुणी नसल्याने त्याना वाटेल तसे निर्णय लोकांवर लादले जातात.
नशिबाने चुकिच्या बिलाचा अनुभव नाही अजुन.
आपला मराठमोळा.
कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!
12 Jun 2009 - 11:39 pm | llपुण्याचे पेशवेll
सेक्टरला मराठी शब्द पेप्रात तरी क्षेत्र असा वापरतात. दूरसंचार क्षेत्र, बँकिंग(?)क्षेत्र इत्यादी... :)
पुण्याचे पेशवे
एरवी सगळे कागद सारखेच. फक्त कागदाला अहंकार चिकटला की त्याचे सर्टीफिकेट होते.
Since 1984
12 Jun 2009 - 12:33 pm | विनायक प्रभू
ऑफ लक
12 Jun 2009 - 12:34 pm | नितिन थत्ते
सप्रेसाहेब,
पत्र जरूर पाठवा.
एक गोष्ट पाहून घ्या. वीजबिलावर मीटरचा रीडिंगच्या दिवशीचा फोटो छापलेला असेल त्यातील रीडिंग, बिलात दाखवलेले रीडिंग आणि तुमच्या मीटरचे प्रत्यक्ष रीडिंग टॅली करून पहा त्यात गफलत असेल तर त्याचाही उल्लेख पत्रात करा. ते टॅली होत असतील तर तुमच्या मीटरमधून कोणी वीज चोरत आहे का ते पहा.
बाकी तुमच्या लेखनावरून हे बील तुम्हाला वेळेपूर्वी मिळाल्याचे दिसते.
खराटा
(रंग माझा वेगळा)
12 Jun 2009 - 12:40 pm | कपिल काळे
असेच म्हन्तो
आय्ला आमी फोटु छापतु बीलावर्ती. आन तुमी काय म्हन्ताय विनीट नाय जळाली म्हून, ऑं?
फोटू हाय काय पघा बीलावर
12 Jun 2009 - 12:40 pm | कपिल काळे
असेच म्हन्तो
आय्ला आमी फोटु छापतु बीलावर्ती. आन तुमी काय म्हन्ताय विनीट नाय जळाली म्हून, ऑं?
फोटू हाय काय पघा बीलावर
12 Jun 2009 - 12:44 pm | Nile
जरी मीटर ने जास्त रीडींग दाखवले असेल तरी, तुमचे सरासरी बील किती येते यावरुन बीलाचा अंदाच लावुन "मीटर फॉल्टी" आहे अशी तक्रार करा. बिल कमी करुन मिळते. (खेट्यांसाठी तयार असालच!) :)
12 Jun 2009 - 12:47 pm | मनिष
मीटर दुरुस्ती/बदली चा अर्ज करा. आम्हालाही रु २०००+ बील येत होते, तक्रार करून मीटर बदलल्यावर ७००-९०० रु येते. खरे तर ६ महिन्यांनी मीटर तपासणे वीज मंडळाला बंधनकारक आहे, पण....
मीटर दुरुस्ती/बदली चा अर्ज नक्की करा!
12 Jun 2009 - 5:55 pm | अनामिक
एम एस ई बी मधून काहीही उत्तर न आल्यास किंवा त्यांच्याकडून टाळाटाळ होत असेल तर लगेच जवळच्या ग्राहक पंचायत मधे तक्रार नोंदवा. तुमच्या भागात ग्राहक पंचायत किती कार्यशील आहे ते माहीत नाही, पण तिथे तक्रात नोंदवल्यास तुमच्या एम एस ई बी मधल्या अर्जावर लगेच दखल घेतली जाईल असे वाटते.
-अनामिक
12 Jun 2009 - 6:16 pm | नितिन थत्ते
महाराष्ट्र इलेक्ट्रिसिटी रेग्युलेटरी कमिशनकडे ही तक्रार करू शकता.
(रीडिंग चेक करून पाहिले का?)
खराटा
(रंग माझा वेगळा)
12 Jun 2009 - 9:52 pm | १.५ शहाणा
हे महानालायक आहेत देयके वेळेत देत नाहीत व संकेत्स्थळावर पण आद्यवत करत नाहीत . व उशीराचा दंड करतात
13 Jun 2009 - 3:00 pm | नितिन थत्ते
आम्ही बिल संकेतस्थळावरून भरतो. आम्हाला बील वेळेवर मिळते.
अवांतरः सप्रेसाहेबांना रीडिंग चेक करायला सांगितले होते त्याचे काही कळले नाही. सप्रे साहेबांनी धागा काढून आपल्याला कामाला लावले असे दिसते. त्यानंतर ते गायब झाले आहेत.
खराटा
(रंग माझा वेगळा)
13 Jun 2009 - 7:18 pm | Nile
काय राव तुमी बी! ते तिकडं खेटे घालुन राहीलेत अन तुमाला मजा सुचतीया! ;)
12 Jun 2009 - 11:48 pm | चतुरंग
जो काही अर्ज द्यायचा असेल तो त्या हाफिसातल्या सगळ्यात मोठ्या साहेबाला/साहेबिणीला द्यायचा प्रयत्न करा. ओळख काढून शिरकाव करता आला तर जास्त चांगले! आणखी एक गोष्ट, हेलपाटे मारावे लागतीलच, त्याची तयारी ठेवा. (हाताखालचे क्लार्क बाबू/बाबी बर्‍याचवेळा फारसे कामाचे नसतात.)
तुमचे काम लवकर होवो. शुभेच्छा!
(अनुभवी)चतुरंग
13 Jun 2009 - 12:18 am | टारझन
सप्रे साहेब .. आपण सब टिव्ही वरची "ऑफिस ऑफिस" ही मालिका पाहाता का ? आपला "मुसद्दीलाल" होईल अशी भिती वाटते ... ह्याचा सर्वांत सोप्पा बदला म्हणून विजचोरी करा !!!
आम्ही मित्राच्या रूमवर रहात असताना तीन-तीन कंप्यूटरं रात्रंदिवस पळत असायचे .. रात्री आम्ही मिटरचं इनपुट आउटपुट स्वॅप करायचो आणि पाण्याच्या बॅरल मधे हिटर सोडूनद्यायचो .. रात्रभर मिटर उलटं पळायचं .. आणि २ आकडी बील यायचं .. :) आता डिजीटल मिटर्स आल्यामुळं असं काही करता येतं का ते माहीत नाही :)
(भुरटा चोर) टारझन गवळी