शशक | तीर

शशक आवडली. दोनदा वाचल्यावर शेवटल्या वाक्यातून, ही कथा कुणाबद्दल आहे याचा खुलासा झाला.
जंगलात उपाशी 'घुमत' होता म्हणजे फिरत, भटकत होता असे म्हणायचे आहे का? की अंगात आलेल्या बायका 'घुमतात' तसे? तसेच 'जारपारधी' शब्द समजला नाही. तशी काही विशिष्ट जमात होती का? 'जार' शब्दाचा विशिष्ट अर्थ इथे अभिप्रेत नसावा असे वाटते.
समुद्राकाठी घडलेल्या 'यादवी' तून घडून आलेला यादवांचा वंशच्छेद, अर्जुनाचा अभीरांनी केलेला पराभव वगैरे घटना असलेली माझी 'सुभद्रा : महाभारताची हेलन आफ ट्रॉय' ही लेखमाला आठवली.
बाकी उत्तम जमली आहे कथा.

महाभारतात कृष्ण,अर्जुन यांना योग विद्येने कुठेही बसून काहीही बघता यायचे. पुढे ती विद्या अश्वत्थाम्याला व्यासांनी कलियुगात शिकवली असे वाचले आहे.

तुम्हाला पण येत असावी असे वाटले.

छान लिहिलयं

शशक शब्दबंबाळ वाटली.
ज्यांना हे संदर्भ माहित नाहीत त्यांना ही शशक कळणार नाही.

माझ्या मते यातील संदर्भ सगळ्यांना माहीत असतात पण ते अगदी वेगळ्या भूमिकेतून मांडलेले असल्याने इथे एकदम लक्षात येत नाहीत. देवत्व पावलेल्या व्यक्तींच्या बाबतीत असे काही लिहीलेले अनेकांना रुचतही नाही.

वर्षानुवर्षे माहिती असलेल्या गोष्टीकडे विरुद्ध बाजूने आणि विरुद्ध दृष्टिकोनातून पाहणारी कथा आवडली.