विलक्षण १.०

अमेरिकेतील अलबामा राज्यातील गॉंडस डेन शहरातील एका विद्यर्थ्याला त्याच्या मित्रांची खिल्ली उडवण्याची-टिंगल करण्याची इच्छा झाली. जसे कोकिळेला चिडवण्यासाठी तिच्या कुहू-कुहू नंतर आपण ही कुहू-कुहू करतो तसले. पण या मुलाची पद्धत एकदमच वेगळी होती, केवळ वेगळी नसून विलक्षण सुद्धा होती. ज्याला केवळ अतींद्रिय क्षमताच म्हणता येईल. हा विद्यार्थी त्याच्या मित्रांना चिडविण्यासाठी जे करायचा ते म्हणजे मित्र जे बोलेल तेच, ज्या चालीत बोलेल त्याच चालीत, आणि विलक्षण म्हणजे मित्र ज्या क्षणात बोलला त्याच क्षणात हा सुद्धा बोलायाचा. त्या विद्यार्थ्याच नाव होत फ्रांक रेन्स! फ्रांक रेन्स टेलीव्हिजन शो १ फ्रांक रेन्स टेलीव्हिजन शो २ विद्यार्थी जीवना पासूनच त्याने त्याच्या अतींद्रिय क्षमतेचे प्रदर्शन करायला सुरुवात केली व लवकरच त्याला अंतरराष्ट्रीय ख्याती प्राप्त झाली. जगभरातील कोणत्याही भाषेत समोरच्याने बोलायला सुरुवात केली की फ्रांक सुद्धा त्याच क्षणी त्याच भाषेत बोलत असे. एकदा न्युयॉर्क मध्ये फ्रांक यांची अदभूत परिक्षा घेण्यात आली. यात एका डॉक्टर ने अत्यंत अवघड अश्या चिकित्सा शास्त्रात वापरल्या जाणा-या शब्दांचा भडीमार असलेल्या २० पानांचा लेख तयार केला. मग हा डॉक्टर एका कोप-यात उभा राहिला व दुस-या कोप-यात फ्रांकला उभा केले गेले. डॉक्टर ने ज्याक्षणी लेख वाचायला सुरु केला त्याच क्षणी फ्रांक ने सुद्धा तेच उच्चारायला सुरुवात केल. हे सर्व एका टेपरेकॉर्डर मध्ये रेकॉर्ड केले गेले. नंतर हे रेकॉर्ड जेंव्हा त्या डॉक्टरला ऐकवले गेले तेंव्हा तोही फ्रांकची विलक्षण शक्ती पाहून आश्चर्य चकित झाला.