✍ मराठी साहित्य, संस्कृती आणि लेखनाचे व्यासपीठ

माळढोक पर्वाचा अंत झाला

— खिलजि,
माळढोक पर्वाचा अंत झाला आता हळूहळू माळरानही संपेल अशीच भूक वाढत राहिली तर उद्या फक्त माणूसच उरेल तो डौलदार असेल , रुबाबदार असेल तो कसा होता ? ते मात्र आता पुस्तकात दिसेल त्याचाही पुतळा बनेल निर्लज्जासारखे रोवत सुटतील त्याला प्रत्येक बागेत किंवा करतील त्याची पेंग्विनसारखी थुकदाणी आणि लीहितील त्यावर " माझा खाऊ मला द्या " मी फक्त ऐकलं होतं त्याच्याबद्दल भरभरून मिळणाऱ्या अनुदानाबद्दल निसर्गप्रेमींच्या त्यागाबद्दल अन गहाणवट पडलेली सरकारी अक्कल अखेर बघायचं राहूनच गेलं त्याला माळरानाच्या माळेतला कोहिनूर निखळला तो जाताच क्षणी , लांडग्याने नंबर लावला एकदा का त्याला कायमचा गिळला मग प्रगतीचा मार्ग मोकळा झाला ): प्रगतीचा मार्ग मोकळा झाला ): सिद्धेश्वर विलास पाटणकर
3971 वाचन
💬 प्रतिसाद (10)

यशोधरा
Mon, 10/08/2018 - 21:20 नवीन
सप्टेंबर 2017 मध्ये झालेल्या सर्वेमध्ये महाराष्ट्रात माळढोक दिसला नाही. तरीही Wii मधील शास्त्रज्ञांचे म्हणणे आहे की इतक्यात माळढोक नामशेष झाला असे म्हणता येणार नाही. सलग 4- 5 वर्षे पक्षी कुठेच दिसला नाही तर तो नामशेष झाला असे म्हणता येते. आत्ता आत्ताच कुठेतरी माळढोक दिसल्याचे वाचले होते म्हणून विचारले. असो.
↩ प्रतिसाद: अभ्या..

प्रचेतस
Mon, 10/08/2018 - 21:09 नवीन
मला दोनेक वर्षांपूर्वी भुलेश्वरच्या पठारावर माळढोकसदृश एक भलामोठा पक्षी दिसला होता, छायाचित्र टिपण्याआधीच उडून गेला. नक्की सांगता येणार नाही माळढोकच होता किंवा कसे पण कमालीचे साम्य होते इतके निश्चित.

सुबोध खरे
Tue, 10/09/2018 - 10:10 नवीन
Once common on the dry plains of the Indian subcontinent, as few as 150 individuals were estimated to survive in 2018 (reduced from an estimated 250 individuals in 2011) https://en.wikipedia.org/wiki/Great_Indian_bustard

दुर्गविहारी
Tue, 10/09/2018 - 11:41 नवीन
उत्तम कविता ! महाराष्ट्रामधून माळढोक पुर्णपणे नाहीसे झाले आहेत. आता थोडेफार राजस्थानात आहेत. एका नष्ट झालेल्या पक्ष्यावर उत्तम कविता. बाकी पहिले काव्यही एका पक्ष्यावरच होते. अशाच तुमच्या कविता येत राहोत. पु.ले.शु.

खिलजि
Tue, 10/09/2018 - 13:57 नवीन
कसा धन्यवाद देऊ , या सांत्वनाला माळढोक महाराष्ट्रातून निघून गेला आज महाराष्ट्रातलं माळरान पोरकं झालं चला दोन अश्रू गाळूया दोन मिनिट श्रद्धांजली फक्त पुढं अजून कोण संपतंय ते पाहूया ( आता लांडगा असेल बरं का ) पुन्हा तेच नवीन मुखवटा घातलेले ( अ डा ण * ट सरकार ) पुन्हा दोन अश्रू पुन्हा दोन मिनिट श्रद्धांजली पुन्हा पुढं जायचं असंच पुढं पुढं करत करत एकमेकांचं थोबडे बघायचं