ईथली पहिलीच रेसेपी आहे. आवडली तर नक्की सांगा.
लागणारा वेळ:
३० मिनिटे
लागणारे जिन्नस:
तर त्यासाठी आपल्याला लागेल :
१. आधीच तयार केलेला भात
२. फरसबी चिरून (भाज्या तुमच्या आवडीनुसार घेऊ शकता मला त्या दिवशी ज्या मिळाल्या त्या मी वापरल्यात )
३. फ्लॉवरचे तुकडे
४. मटार १ वाटी
५. १ कांदा बारीक चिरून
६. १.टोमाटो बारीक चिरून
७. १ ते २ तमालपत्र
८. ६ ते ७ काळीमिरी दाणे
९. आलं -लसूण पेस्ट १ ते दीड चमचा
१०. लाल तिखट १ चमचा
११. १ ते दीड चमचा बिर्याणी मसाला (मी सुहाना चा वापरला )
१२. तेल
१३. हळद १/२ चमचा
१४. मीठ चवीनुसार
१५. थोडंस हिंग
१६. १ चमचा दही
क्रमवार पाककृती:
चला तर मग करूया सुरुवात.
प्रथम एका जाड बुडाच्या भांड्यात तेल घ्या. तेल गरम झाल कि त्यात तमालपत्र आणि कालीमिरीचे दाणे घाला.
ते थोडेसे तडकले कि मग त्यात बारीक चिरलेला कांदा घालून परता. कांदा थोडा गुलाबीसर झाल कि मग त्यात टोमाटो परतून घ्या.
आता त्यात आवडीप्रमाणे लाल तिखट, हळद, थोडस हिंग आणि आलं - लसूण पेस्ट घालून छान परतून घ्या.
आता त्यात सगळ्या भाज्या परतून घेऊया. भाज्या शिजतील इतपत पाणी घालून मग त्यात बिर्याणी मसाला घाला आणि झाकण ठेऊन भाज्या शिजू द्यात. पाणी पूर्ण आटवु नका. भाज्या शिजल्या कि त्यात १ चमचा दही आणि चवीनुसार मीठ घालून परतून घ्या.
आता तयार भात मिक्स करा आणि परता. कोथिंबीर घालून सर्व्ह करा.
प्रतिक्रिया
28 Apr 2016 - 3:26 pm | विजय पुरोहित
पाकृ चांगलीच आहे पण हा मसालेभाताच्या जवळ जाणारा जास्त वाटतोय. फोटो अपलोडसाठी साहित्य संपादक या आयडीला व्यनि करा.
28 Apr 2016 - 3:28 pm | मधुरा देशपांडे
मदत -मिपावर फोटो चिकटवणे.
मिपावर चित्रे टाकण्याची कृती
28 Apr 2016 - 3:55 pm | गौतमी
धन्यवाद सर्वांना....
28 Apr 2016 - 6:28 pm | नूतन सावंत
बिर्याणी आणि थर नाहीत?घाईत केली तरी थर हवेतच.आधीच तयार केलेला भात तयार भाजी मिश्रणावर पसरवून वाफ काढायची.
हाकानाका.
28 Apr 2016 - 6:29 pm | नूतन सावंत
मिपावर स्वागत.
5 May 2016 - 8:38 pm | उगा काहितरीच
काहिही म्हणा पण बिर्याणी म्हणू नका. प्रकार चवीला चांगला असेल वाद नाही. पण "बिर्याणी" नाही...
-बिर्याणीप्रेमी.
6 May 2016 - 1:36 am | वीणा३
दिसतोय छान, करून बघेन.